好瘀呀琴晚,一直都以為佢係17號生日架,咁琴晚2點幾SEND左個message俾佢..
點知原來我記錯左..原來佢係13號生日架...佢當日有揾我,但係我無理到佢..唉~
佢仲講左佢...你又話會記得我生日的....我即刻連覆都唔咁再覆佢... 唉..就係咁
灰左成晚.....
今日ET10點經已morning call我,但係最後我10點4先起到身..最後我都失敗左,遲
到了~11點半先到..超大呀間房．．有我,et,hin仔,呀雞,呀禧.....k lunch點9就cut.
未夠喉..決定左再唱埋happy hour...一直唱到6點...其實都未唱夠.. ..不過要去
買野..最後都 要走...陪hin仔去買計數機..之後再過置樂買送,哈哈．．．

Ｐ．Ｓ．聽日又要早起同ＫＩＫＩ去街

琴晚同hin仔傾電話..傾返幾年前既野...好搞笑,咁耐啦..但係有d細節依然
記得好清楚..哈哈..得閒回味下都唔錯 ..一傾就傾到差唔多4點.要訓啦.
因為今日佢地8點開波...
一訓就訓到12點先肯起身..就變肥婆啦.....點幾過左青海揾佢地...去到佢
地仲打緊..威威出左部新電話,我地就拎黎勁影相..幾好幾好呀影得..擺左
d得意post..yeah~~ 拎左做walkpaper....正呀...3點鐘...一行9人
去左食pizza...好味味呀...除返開$30有找...抵到爆炸... ...之後無耐
laulau,馬仔,東勝就走左..我啦,hin仔,威威,呀雞,et,呀齊就無聊地行市中
心...目的係hea時間等夠鐘去3 shop度整上3G網....之後過左置樂食許
留山...哈哈,又係度send相...一張我覺得唔靚既..但係佢地竟然話影得靚
仲要send埋俾佢地 ...男同女d價值觀真係好唔同呀下....食完陪左威
威去買野就返屋企啦..好開心哦,聽日有得去唱k....

p.s.大個仔啦..唔好咁呆啦....生日快樂呀....

出年都要一齊過呀大家......

天氣寒泠....一訓訓到4點幾先肯起身...5點幾落街買野..本來想唔化妝架...
我問細佬咁會唔會嚇親人...佢話唔會..但係會嚇親鬼.. ..無奈我都係要化
埋個妝先可以出得去...好黑仔...落大雨...無帶遮.... ....
夜晚打返2篇日記...POST返D相上網....就咁就一日lu~~~聽日威威生日呀..
要早起出去join佢地食野...

p.s.唔記得呢幾日紅日,勞工處無開....

無野做.好慘呀........

唉~真係嚇死我呀 ..約stephen既重任由我負責~點知當一切順利進行之際,琴晚亞主
角竟然同我講話佢夜晚要返屋企食..o~shit..真係死梗喇呢次...好彩一早攬掂左...點
幾約左et,stephen食lunch..目的其實只係俾張拎birthday cake既單et...一切如常
運作..食完et先走join其他人買野食....我呢?就負責拖延時間...去左影貼紙相..好好笑
呀真係...時間差唔多啦..不過呀欣呢個時候打來話無爐,又要拖啦...6點度,我就引左佢
同我過去清山灣...一路佢都無懐疑....我地去到呢..就落左沙灘傾計...本來係等呀齊來
偷我地袋,等STEPHEN去追跟住帶佢去個爐度架....點知一切有變,因為太多人驚有人
以為真係偷野..所以最後除消左... ..改為呀欣拎衫X佢頭..呀LING仲叫我扮叫..哈哈
不過我叫唔出呀...點知佢經已解開左件衫啦...到最後先知原來佢一到清山灣果陣經已見
到佢地架啦...無奈俾佢玩返轉頭.... ...不過之前既一切佢都無發覺到..咁都好D...不過
坐低BBQ果陣好悶,可能又未人齊..得我啦,呀欣,LING,雞脾,stephen,hin,et,hei,呀雞.
馬仔,呀齊.....8點度呀馬仔仲走埋去氹女朋友...好彩之後一齊玩蒙娜麗莎....先有返d笑聲..
好好玩呀....以後又抽大細.最細果2個要罰..keke..最尾我同呀欣,hin,呀齊勁出千...哈哈..
好奸呀~ 影下相吹下水...呀laulau同東勝就到左啦...好warm呀,每人一隻出奇蛋...開
開心心過復活節...thx laulau~好bb呀個個食完隻蛋蛋之後o係度砌玩具... 無耐,亞馬
仔同hang就返黎啦...齊人之後就切蛋糕啦.....個蛋糕真係好靚呀....有間屋仔同兩隻公仔
o係上面...有一對19既蠟燭...揀呢個蛋糕係希望陳家永遠都唔散..我都有許願架,希望大家
既願望都成真啦...食完蛋糕就落左沙灘傾計..哈哈,今次既話題比較特別.. 在場既都笑到
收唔到聲...點幾度就走啦...離開沙灘之後...大家又勁影相..好白痴呀post..不過真係好開心
每次到走果刻都好唔捨得架,不過影完相都2點幾啦...最後分派搭的士走..laulau,呀雞,東勝
就行路送我返屋企...好鬼凍呀...好大風.... 有d鼻水...返到屋企都3點lu~~

p.s.由於時間唔許可,提早同你慶祝..雖然係無咩特別,但係希望你鍾意啦...
      多謝3位送到我返門口...

一早9:30stephen打來..9:45鬧鐘響..10:00et再黎2次奪命call,我終於起身喇 ..
最後搭的士過neway,不過都遲到~sor呀 ...唱到2點3就cut喇..送左呀雞去mastercut
之後我地,就過左市中心行街...咩都買唔到~~等laulau同亞禧出黎...et就引左stephen過
罝樂,我就極速join laulau&hei去訂cake~~要講大話真係好有難度..步步為營呀...之後我
過左萬寶搵fd....冇耐就返屋企lu~
夜晚就同亞欣,et傾聽日既計劃~~諗到頭爆...終於有計喇....

p.s.我想返工呀~~