今日係唔洗返工..有d無聊..一點起身攪掂晒就出左去揾細佬去TEA..食完之後佢就去補習..而我就一個人一邊傾電話一邊買零食..哈哈..買左好多朱古力呀...今次實肥死我啦...4點幾就返左屋企啦..終於都有得玩msn啦...夜晚睇完15/16..就拾野啦..聽日返大陸啦..希望唔好咁悶啦....大家揾我可以照可以打比我架....唔當idd架...今日同呀ting傾左好耐電話..知道佢竟然會上當..唉..好彩有衰得晒咋..如果唔係就慘啦...朋友真係要小心地結交呀..好彩我無理佢咋...唔係.....

p.s要掛住我呀....

今日好唔慣..因為好耐都未試過星期6唔晒早起返工啦(除左放大假果次)...有成年幾2年啦...感覺有D怪...希望快D習慣啦..1點幾本來約左ET,stephen出MK,點知呀雞話想O係TM食野,咁我地就去左小巴黎食野,最後食完都無出到mk,只係o吉島行..ET買左對converse啦終於..好好睇呀..不過最衰賣唔到袋啦...遲d再同你睇呀...行到4點幾突然間好想睇戲就過左凱都睇下有咩好睇...最後俾我o益贏左..睇我和我女友..無錯係my gf & i...無想像中咁悶,亦無想像中咁多野睇..但係都ok好睇...最正係講男主角爺爺既初戀果一段...真係好到位..係咁喊..連男仔都喊呀...有笑有淚,個故仔雖然行,但係都算係咁啦...好滿足呀...睇完都7點幾啦,過左置樂等齊人去烚烚下..有我啦,威威,et,hang,馬仔,hin仔,呀雞,呀齊啦....8個人...抵食但係唔好食同無咩氣氛囉果度..位位$75...食完LAULAU先返到黎...無聊地吹左陣水就返左屋企啦...返到屋企睇埋天幕下的戀人...無啦啦心情變得不太好....

p.s好憎要揾一個人果陣又揾唔到...

失業..失學..失戀.....

今日係我o係mastermind最後既一日,不過好彩今日拍kitty..2個人都無咁悶..再加上條數今日都ok,所以都幾free..再加上有熟客特登返來幫我買野...好開心..夜晚本來以為淨係et來接我收工,點知後尾有et啦,威威,ken,laulau,hin仔....一齊去左食b仔,好飽呀..食完之後laulau..ken,weiwei再送我返屋企..之後呀laulau幫我同個保安投訴琴晚變態佬一事..點知個保安話原來個男人住我果棟架..聽完仲驚囉...每日都危險..不過諗諗下...又好似唔係個保安講果個,因為有另一個仲似佢形容果個..死啦...有2個....

p.s最後一日....唔捨得

聽日食飯..希望可以人齊啦...

今日好驚呀...好好彩地去toilet撞到以前tm既熟客..傾左幾句...仲陪左我一陣又幫我開左張單...感激不盡....5點幾呀威威同et黎左探我...仲買左條衭...抵呀..我用左我個半價幫佢買... ..今日最後都係得$690...夜晚MING姐過左黎同我一齊收工..臨走前佢同我握手..多謝我幫左佢咁耐..最尾我都攬住佢同佢講多謝佢一直咁錫我..呢個時候我已經喊緊...佢"傻妹,唔好咁啦..得閒你可以打俾我架嗎..""收左舖之後我同佢一齊行去搭西鐵...途中...傾返好多以前既野...當我發覺聽日之後我唔洗再打俾我身邊呢個人果陣..原來我發覺我係好唔捨得呢一家人架..1年零3個月...我原來都過得好幸福..... ..雖然我係走左..但我都希望MASTERMIND永遠都好....

-----夜晚放工,傾住電話行返屋企果陣見到個男人o係我附近,開頭都無為意,行行下我行過左佢頭,當返到屋企樓下按完password果陣佢又無啦啦o係我隔離..到果陣我都係覺得佢怪怪地咋...我照入大堂啦..點知個男人無入到仲唔見左..呢個時候都係覺得佢勁怪咋...到我等lift果陣我見到佢o係後門出現..仲拎隻手放o係果個位度fing fing下..頭頭以為係手指..點知原來係........救命啦..... 好驚呀..聽日放工都唔知點算好......好黑仔囉真係

-----怪事..前排password俾人打劫..跟住對面間舖無啦啦爆玻璃...再隔離果間"LAM"門...仲有一間個sale行出門口果陣,成間舖既燈...全部燒晒....仲有一間棟門無啦啦刪埋左啦..仲要反鎖左o係入面...好得人驚囉..成條巷都咁...真係好邪呀......

p.s.聽日係最後一日聽電話果陣講------masterming..crystal....

     聽日係最後一日聽電話果陣講------ming姐我埋數啦.....

     再見.....回憶時再擁有你......

今日好唔開心,一返到去見到ar yan琴日條數差成咁~$369...都知今日唔好得去邊架啦..但點都估唔到6點都未開單..報數係零真係好唔開心..仲要牙痛...真係襯我病羅我命...5點幾Uncle黎左..知我無開單都無話我,仲同我講笑...佢臨走果陣,問我幾時走..我話星期5,佢眼紅紅咁話...讀書好呀,進修下自己..d乖女全部都走啦..你啦..ice啦...你地2個乖乖女都走啦...希望有機會再見到你啦...搞到我都眼濕濕..我應左佢一句..我地一定會再見架..之後佢笑住咁講88...其實uncle咁耐以來都對我好好..真係有d唔捨得佢...一個人悶到8點..真係越sale越蜢..係咁俾人水...到左8點44分都係零..忍唔住自己買左個銀包....就係咁...到10點埋數都係一個銀包...好彩ming姐無話咋..不過如果聽日都仲係咁..我就死啦...好驚呀...

-----2點幾度,佢過左黎探我..仲拎左一大盒三文魚俾我食..但係好無奈地我岩岩食完我個粟米肉粒飯...所以食左少少就俾左隔離鋪個肥妹仔食啦....

------原來人既一言一語可以睇到好多野架..簡單既幾句就可以感受到o係佢心目中仲有無地位....原來變真係可以好快架..或者承諾既有效期只係得講果一刻...不過人係應該要識得知足既...因為人地無一刻有義務去對你好架..我都要去學習呢個道理...

------今日唔知點解真係好想喊...最後都.....原來一個人真係好難受架....

p.s.原來我還害怕孤獨...