2006-11-25

尋晚睇台灣劇睇到四點幾,其實係驚到訓唔著,以為今日可以訓晏啲啦,十點幾已經起咗身,sms比亞kim問佢尋晚老細有無搬水走,佢話啲水仲喺度,好在!佢同老細講,我因為唔記得所以唔好意思,佢仲笑笑口話唔緊要,希望係真啦!

今日唔想出街,但係點都要食野,同個女去咗元朗食壽司,超唔惦呀!下次都唔會再去金田架喇!

番到屋企,家姐打嚟,講咗啲我唔想聽,唔想面對嘅野,佢好似知道我想發脾氣咁,借意收線,其實我真係想鬧佢,點解佢唔幫我?但係佢講嘅野又好有道理,今次我真係做錯咗,唔應該怪人哋嘅,經一事,長一智,我以後唔會喇!比次機會我啦!我都係好人嚟架!