2006-11-24

今日又係黑暗嘅一日,老細一番到去就召見我,又提番尋日嘅事,又係話我依樣那樣,佢叫我多啲站喺佢嘅立場,我話我已經好喺佢果邊諗架喇,我依樣同佢慳,果樣同佢慳,已經攪到我成個八婆咁,但佢依然係咁話我,我當時真係想同佢講:我唔做喇!乞兒!但係為咗年尾份糧,唯有死忍落去啦!我有預感,佢會喺過年前郁我囉!不過是福不是禍,是禍擋不過,既來之,則安之吧!我可以點丫?我個腦不斷喺到諗番四年前嘅事,我會唔會重度覆轍呢?如果係,我會點呢?不敢想像,好在明日放假,可以比我抖吓氣,如果唔係我會痴線架!中午亞kim陪我傾咗一陣,好咗啲啦!家姐打嚟,忍唔住喺個街大喊,超怪相呀!下晝平平安安咁度過!多謝主呀!不過最死就係唔記得同老細搬水呀!記得嘅時候都已經番咗屋企喇,希望佢都唔記得啦!轍夜不能成眠,我就快精神病喇!

神啊!請救救我呀!