好無奈的一天...........

話說今日lunch, 我去左3D班房背《勤學》....
其實3D真係一個好好嘅溫書場地, 成個班房5個人都冇...
背背下, 突然聽到啲腳步聲...
跟住喺我面前出現一對腳...  心諗, 邊個著黑色西褲返學!?
再向上望, 原來係關sir... =o=
關sir：「你喺度做咩?」
我：「功課囉。」  <--- 唔好以為好寸, 其實我好溫柔~
關sir：「你咩班架?」
我：「3A」
關sir：「你跟我嚟!」
跟住好明顯係去DC寫事由紙...

我有冇咁唔好彩, 大把人入人地班房, 偏偏我中招... =v=
我諗我應該係第一個為做功課為入人地班房, 仲被記缺點嘅人喇... T.T