 勁唔開心呀!
 先講今日測驗,今日測中文同IS,中文好冇用呀我!都溫唔熟!擺左咁多時間去溫中文,但係就溫埋D唔關事既野!好蠢呀!!好唔開心呀!其他人就好似好差咁,但我自己知自己事..做完之後都冇把握可以合格..寫字又慢,睇字又慢,冇做幾題,好唔開心呀!連中文都考唔好,用英文果D考既科又點可以考得好..小息都唔多想講野
 ..繼續溫IS,IS好似好少野溫咁,溫左好耐都唔知自己溫左D咩,IS監考老師係MS CHUNG(唔知有冇串錯),講英文又難聽..(only my feeling)..份卷好難呀..同上一年果份差咁遠..我覺得上一年果份易好多..唔知係咪以為上一年同今年果份會差唔多..搞到我以為今年都唔會太難..點知..唉!本身我做既速度都OK,肯定可以做完之後再望一次,但係做做下支原子筆冇墨呀!..有冇咁岩呀..好似做戲咁..唉!黑得我呀,,之後用鉛芯筆果支原子筆..又冇墨..黑!!又唔可以拎筆袋出黎..點算?
 果個MS CHUNG見到我都冇反應,,幾衰..(only my feeling)搞左我都唔知幾耐..一路寫D答案..但又一路又冇墨..之後突然鉛芯筆果支原子筆又有番墨..不過仲斷下斷下咁..岩岩開始寫幾個字,老師又話剩番15分鍾..係度狂寫番D答案,D字又唔令,答得又短..唉,我今次都唔會好好..
 本身都冇去諗測驗D野..點知我放學O既時候見到佢,本身見到佢係好開心既..不過...睇真D..佢隔離有個女仔
 ...
 ..傾得好開心呀!哈哈,可能又多一對好開心既情侶LU~
 (８８....陳兆倫)...呢個女仔成日放學都見到佢同曾家同佢一齊放..好好傾咁..個女仔好似叫王X琪,中間個字我唔知..好似係咁叫。唔理咩名,總之佢就好令,同佢好好傾..唔似得我..同佢簡直好似唔識咁,,如果係咁既話,我就更加想知佢宜家係咪已經鍾意左果個女仔..好唔開心...不過我諗都唔會有人明..只係會話"唔會卦!／佢唔咩你咪算LO,,佢又唔係特別..令.....仔...""算喇..係日記度講下,都好過鬱係心入面..就好似一隻雀仔係度叫,人類都唔會知佢講咩..或者仲會覺得隻雀仔係度好開心咁唱歌..其實..隻雀仔話唔定係係度扮開心..唔在乎..又或者隻雀仔係係度訴緊苦,根本唔會有人知,有人特意去探討,或者根本連其他雀仔都唔知..呢隻雀仔好可憐啊
 !
|
