今日當然要講測驗喇!!－－炮烙之刑..
今日開始測驗喇,第一科係數學..好唔掂呀!又唔夠時間,有d又唔識..唉!我諗應該會有5十幾分o既..合格我已經都幾滿意..小息走左去宜宜果度一路溫EPA一路傾計,原來我地既呀爸媽咪都話第一次考,考成點都冇乜緊要,但係我地兩個都覺得考得唔好就算媽咪唔鬧,都好似過唔到自己果關..。之後係EPA..估唔到EPA仲"好似''易過數學..可能因為EPA背哂就得..我做得好似OK,大部分都識,不過看圖果部分同最尾佔十二分果題我都唔識。十二分果題我一分都冇..唉!粗略計過都應該有63左右..成日諗住11月11日..今年o既11月11日有兩個意義..一個就係考完第一次測驗..宜家成日都諗考完去邊度玩~卡卡..快D考完就好喇!!第二個意義就係..哈..!哈...!我鍾意O既人生日呀!卡卡!
繼續溫書..溫書..."!

今日早上繼續整個日記,愈整愈鍾意阿旺首歌同個節目,不過有d同學就話覺得阿旺新傳好低能,首主題曲亦唔見得特別好聽。我整呀整,突然有d啟發:雖然阿旺好似好低能,但係佢咁純真既心,係宜家香港呢個社會已經好難搵到呢d人。佢連媽咪好辛苦賺番黎既錢都比埋自己心愛既人。上左tvb度睇下阿旺d野,原來有好多野關於呢個劇集我都係唔知既,仲知道左之後既劇情係幾咁可憐,充滿鬥爭,嫉妒,就只有阿旺仲係咁單純。真係好想快d睇哂d劇情呀!!首主題曲真係好聽到..好聽到都唔知點形容!!d歌詞又有意思,郭晉安同宣萱唱得又好聽,郭晉安又要扮阿旺果把聲,唱英文果度又要歌番平時咁,好勁,佢唱歌好好聽呀!!細心d聽就聽到架喇!好鍾意郭晉安呀!!希望阿旺新傳d收視繼續上升喇!!不過睇完我又要繼續努力溫書喇- -""加油!

晚上係度做測驗卷,做到唔記得左溫英文..聽日又要溫多好多喇!!
我頭先做左3份,一份係數學,一份係地理同一份世史..d成績好差呀..真係從未如此低分過呀..唉!
最唔掂係世史,得..得..33.5分..唔合格呀...
數學好少少..有..有...54..好好喎!卡..卡...........
地理算係最好..多4分..58。唉!咁既成績點算?後日做埋中文同英文..
希望成績唔會太差..中史同EPA冇答案..所以做唔到..好慘..IS又唔識自己對..好煩呀!5十幾點算?仲有一科唔合格tim(暫時..")點算..?!