禽日我既Model係Miss個乖仔Tequila

  初頭佢都會周圍郁唔肯企定定  

  因為佢見到其他狗仔實在太興奮喇~

  但當我幫佢梳毛毛解結既時候佢就變得好乖

  佢真係好可愛呀~   成日做埋d動作真係笑死我啦

  幫佢剪毛毛果時，無啦啦會望實你個樣好cute架

  唉~ 我想幫佢再指短d指甲，點知指太多整損左佢呀

  點知佢細細聲叫左一聲  望一望我話我知整痛佢

  跟住我好肉痛咁同佢say sorry.......佢無嬲我喎！

  仲走黎hug我同舔左我幾下嘴仔添 

  好似話我知：唔緊要啦！你都無心既~ 

  佢d毛毛打結梳唔到又整痛佢.......

  佢又望一望我示意：你又整痛我喇

  但只要我摸摸佢hug hug佢，佢就原諒我喇

  沖完涼之後佢都累了！其實我比佢更累.........

  一路同佢剪毛毛，佢就一路打喊路同想坐低

  但我要剪佢肚仔毛同頸毛，一定要佢企響身嘛

  剪完佢就頂唔順要訓覺啦~ 眼仔都睜唔開喇！

  最後真係訓著了，真可愛 

  上次考B牌果個師姐幫"阿妹"解毛解到7pm都未得

  所以佢今次要補堂幫阿妹再解毛同整返個靚造型

  實行黎一個大變身~ 上次成隻爆炸狗咁

   今次終於似返一隻傳統貴婦狗喇~！！有波波腳！

  個乖女仲認得我，我放學走人佢擺尾要我hug佢

  真係好鬼抵錫架~

  。。。。。。。。。變身前。。。。。。。。。

  。。。。。。。。。變身後。。。。。。。。。

  影下其他狗仔先！不過我係今堂最快完成果位

  其他同學仲幫Model狗仔剪緊毛

  為左唔好阻住佢地，我都係影得幾張相咋

  不過今日好開心~ Miss讚我剪得Tequila好靚

   佢話我今次如果自已開鋪可以收得錢啦~