原本今日係剪Sheepdog架~  

  不過個主人突然間話黎唔到呀

  搞到我最後要上我第三堂Poodle....

  仲要今堂隻狗N年無沖過涼同剪毛

  嘩~ 隻狗好臭  我要戴住口罩同佢梳

  幫佢洗耳仔直情臭到我想嘔出黎~ 

  佢d耳仔毛拔出黎係深黃色加一舊舊黑色的東東

  佢隻腳仔d毛完全用解毛刀都解唔到結 

  最後要剪左佢再慢慢用針梳梳鬆，d毛一舊舊咁

    梳完d毛都唔靚，有d短到見到肉，有d又好長

  波波修毛前未解結......  現場睇更可怕 & 超臭

  無辦法~ 唯有幫佢剪到好短好短先唔會咁醜樣 

 但剪完都係唔靚仔....Miss話要等佢長返d再慢慢修

  修多幾次先會變返靚仔~ 遲d就可以做bear bear裝

  剪毛後........ 無哂結！波波都開心左活躍左~

  原本3點開始剪狗~ 但我要等到4點幾先有poodle運到

  得閒到同阿sir吹水，幫佢同個鬼婆chat聽晚個剪毛比賽

  同埋幫手test下個Live既速度夠唔夠快  

  呢隻叫傻B，好乖仔但非常cool......   剪毛前

          剪毛後既傻B依然係咁鬼cool.......

     妹妹剪完毛之後勁happy~ 周圍撩人玩！

  呵呵~ 今日買左本新notes，成500頁勁勁厚

  原本響香港網上買要$780，但係阿sir $550讓比我

    阿sir 真係好好人，tum佢幾句就乜都得  

  本notes我超鐘意~ 裡面好清楚講解邊個位用幾號刀剪

  唔同身型既狗狗應該點剪、點樣補救既方法

  全部都好詳細呀~ 仲有唔同既造型添！