今日遲大到，差唔多成三點鐘先返到school~

  其他同學已經到齊，仲開始剪緊狗狗lu

  今堂係上Pomeranian！剩係上一堂就可以了

  OMG~   我隻Model Dog 真係好可慘......

  成身患有皮膚病，甩哂皮兼且有d地方甩毛一忽忽

  成身都一撻撻，同佢梳毛會跌好多皮屑出黎 

  無左好大忽毛，全身有四個部位都係咁

   全身嚴重甩皮......

  不過佢都算乖仔，剪甲同剃腳板底毛都無話周圍郁

  可惜佢個樣唔夠得意，其他松鼠個樣會好似成日笑咁

  但佢可能唔夠毛，搞到個樣似短毛芝娃娃多d 

  Miss話要同佢剪圓耳，我以為好似之前剪史納莎咁剪

  所以將佢成隻耳仔圍住個邊邊修剪哂........

  點知原來剩係剪圓個耳尖既部份就得

  好彩隻狗本身毛唔多，剪左都唔會太肉酸 ↓

  唉唉~ 因為隻狗d毛長短不一，有d地方完全光禿禿

  所以剪果時都有點難度，好容易睇錯變成兩邊不平衡

  無辦法啦~！唯有盡量去慢慢一步一步咁修剪啦~

  但係剪完都可以好清楚咁睇到甩毛既地方 

   尾部、背部有三大撻好明顯既甩毛問題

  今日我係最遲返學既一個，亦係最早放學既一個

  3點返學，6點唔洗就可以走得 

    因為其他同學都仲幫狗狗剪緊毛既關係

  所以我都無乜點影相，免得阻住其他同學剪毛嘛 

  呢隻真係超級肥騰騰.......   

  Choco因為傷口未好返，所以好耐無剪毛喇

  好耐無見Choco喇~  阿Sir話佢成日比其他狗咬 

  佢又乖得滯，完全唔識得反抗~ 搞到自已傷哂喇陰公