今堂已經係第九堂喇~ 上埋呢堂就要考試喇 

  今次係自由堂，可以自由選擇自已想剪既狗種

  經阿Sir既提議下  我選擇左再剪一堂迷你史納莎

  因為考試通常都會考史納莎，而且係寵物美容店既常客

  原本今日阿Sir係諗住比Choco我剪架 

  因為我前一晚響MSN叫佢要比隻乖d靚d我既我剪

  可惜自已掛住睇奧運  搞到遲左返到學校啦~

  去到既時候另一個同學已經幫Choco梳緊毛喇！

  未剪毛既LuLu.......  都幾多地方要解結！

  之後阿Sir就比左Miss個乖女LuLu我剪 

  好彩佢都算響乖女啦~ 係有時唔肯企定定比我剪毛姐

  不過隔離果隻史納莎唔知仲乜咁憎佢 

  係咁不斷吠LuLu，搞到LuLu好似個BB咁細細聲叫

   成個身震哂，要我攬住佢先至無咁驚咋....

  剪毛前 LuLu

  剪毛後 LuLu

  我覺得自已真係進步左少少  越來越快手咁

  雖然係最遲返學果個！但都係第二個就完成 

  仲要今次成隻狗都係自已剪，Miss無示範又無幫我剪

  仲要史納莎咁多個steps都可以咁快，自已都驚訝

  之後同d狗仔影下相，問阿Sir拎埋tips就走了 

  超鐘意呢隻史納莎呀~ 好似隻Baby Horse  

  呢個係主人要求既飛馬裝，真係好得意！

  呢隻都係Miss既寶貝仔之一 Visa 

  Miss總共養左15隻狗...點解隻隻都可以咁乖架

  久未露面既Bapa呀~ 又係Miss個仔 

  yeah~ 好耐無見佢喇！依然咁鐘意hug我

  Miss個女GiGi，前幾堂先幫佢剪完毛咋嘛

  咁快就唔記得我喇....... 

  阿Sir個孫仔，即係Choco個親生仔

  咬老豆既衰仔 = =