終於都到左考試既日子喇  緊張死我喇~

  事前睇左好多notes同一d參考書，仲有video

  原本今日有3個同學一齊考試架.... 

  不過有一位臨時甩底，得返我同Connie 

  實在太好啦   我同佢可以話係最老友架

  我地大家都會互相幫忙，大家都係考史納莎

   今次既model狗就係阿Ming個好朋友 

  好好人既婆婆隻狗女"Bear Bear"喇~

  不過"Bear Bear"都係一隻比較難搞既狗仔

  佢唔鐘意人地剃腳底毛、唔比人剪甲同拔耳毛

  Miss竟然仲叫我幫佢剃Poodle腳....

   剃左我勁耐先剷乾淨哂兩隻手仔同腳仔

  沖完哂涼、吹乾d毛 阿Sir影埋相後

  就開cam影住我同Connie考試既過程喇

  考試既時候唔知點解我一d都唔緊張喎~~ 

  好順利同"Bear Bear"剃到個裙腳靚靚

  係我剃得最靚既一次呀 條界好明顯唷

  最開心既就係，我最怕最怕剪得條V字尾唔靚

    仲有眼角位既倒V剪得唔夠明顯

  但係今次剪得非常成功呀~ 真係開心死我 

  至於耳仔當然無問題啦  條邊都唔錯喎！

  可能"Bear Bear"已經開始好累了

  我剪剪下佢成日都想坐低呀~ 不過都幾好

    起碼佢會比較安靜唔會成日周圍郁嘛

  個cam影住我架~ 如果我handle唔到佢就慘喇

  最後響限時兩個小時既程況下  剛剛好完成   

  Miss同阿Sir都讚我地兩個剪得好靚呀

  Miss仲讚我手勢好好添呀~ 嘩！開心到爆

  希望真係會合格啦  而家鬆左一口氣喇

  跟住同Connie一齊考埋個筆試先~

  都唔係好難姐！不過cocker果幾題唔太識

    因為我都無機會遇正有cocker比我剪

  不過最後都完成到果幾題，應該都會幾高分

  而家剩係等美國既評判睇完我考試段片

  同埋睇哂我d美容前後既相去作出評分

  大約10日左右，我就會知道自已合唔合格了 

  希望美國果邊既評判，比高d分我喔~ 

  上邊呢隻係Connie既model狗 "肥仔"

  放學果時Connie話我知原來佢剪錯左個pat

  佢無剪到倒三角形......希望佢都會合格啦

  仲有阿Sir叫我地下星期二有時間返去學校喎

  因為蘋果日報會黎做訪問~ 我地可以返去玩下