今日要幫隻西施剪毛，隻狗狂流鼻水

成個鼻頭附近都係綠色的，洗唔甩

同佢剃腳底毛點知佢太過污糟喇

又賴尿尿  要沖完涼先至剃得到

之後同佢剪甲！嘩~~ 都唔知幾耐無剪過

d指甲長到卷到彎哂鷹爪咁 把刀都入唔到

隻狗又不停咁反抗，好辛苦先同佢剪完

Miss教我點樣剪傳統式西施喇~

腳仔要45度角向下，patpat要分中間界

最重要個patpat要修得圓圓的 

最難係修個頸圈同埋前腳...前腳我剪多左少少

肚仔要修得靚都好難，因為西施成日趴響度

所以要成日叫佢企響度先剪到，梳兩下又再趴..

我都知隻狗仔好累....... 真係辛苦佢了

角力左七個鐘頭終於完成，幫佢噴埋蜜糖香水

西施主人另一隻大笨狗，d毛打哂結好似乞衣咁

見到佢咁樣真係好憐  天氣仲要咁悶熱

同學同佢剃毛其間，佢突然噴屎屎出黎

好彩後面係Spa，所以無噴到任何人咋

不過就搞到好臭，個個出哂門口避又遇正落大雨

今日真係一個不愉快既日子

Notes又比個同學搶左，真係好無禮貌又無家教

搞到阿Sir都好尷尬同我講唔好意思

而家阿Sir話會速遞份Notes比我喎.....

嗚嗚......  又無得溫書喇！！

上完堂真係好累........仲要坐成個半鐘車先返到屋企

上到架車度傾左一陣電話就訓到死豬咁

訓到我唔想落車呀！返到屋企狂搵返d資料參考下