我成十二點先返到去囉！

總之唔咁Q早返去啦！

條大陸厘八婆都唔響度~~

又唔係真係咁多人流喎！

仲要比我知道左樓上平勁多

Z2 佢地賣$1280，我地賣$1580

其實都好，起碼佢問我點解賣唔到

我都有多個理由比佢先丫

好在今日我都賣到三部PDA PHONE

馬鞍山D人真係有錢得黎死孤寒

乜都算死草，又鐘意拋書包

個個都以為自已既知識水平好高咁

仲要極度無禮貌，串到九彩咁

又唔係買又搞搞震，好似撩交嗌咁樣

所以我都係求其買得幾多得幾多

唔會駁哂老命狂嗌黎sale客

行埋黎問我野咪答下囉！

老細行過咪又做下樣講兩句囉！

個豬頭四眼龜呢幾日好似對我好好

我真係受寵若驚，今日仲話請我食Pizza

不過我話飽唔食喇！我心諗：「食左頂住我心口」

夜晚七點左右，Mato突然出現呀！

我真係非常非常之開心見到佢

我有好多好多野想同佢講

可惜當我想同佢傾計既時候

個豬頭四眼龜同大陸厘毒舌婦阻住哂

佢地兩個咁叉襯，應該一齊去結婚啦

到我得閒既時候已經發覺Mato走左喇！

真係好想同佢講句：「你真係一個好好既老細」

好辛苦先至等到八點收工

老公特登出黎馬鞍山等我放工

之後一齊塔馬鐵轉火車出旺角

去左睇『搞乜鬼愛情爛片王』

睇下笑片舒緩一下我既心情都唔錯