今日約埋Connie一齊返左去學校交相

  去到見到有大隻過我既黑色poodle

  佢一撲埋黎我差點成個人跌低....

  原本諗住去到都係同阿Sir吹下水而已

  點知佢叫我幫手睇住d新同學，教佢地剪甲

  有兩位同學又真係好依賴我，成日問我野

  但感覺怪怪的，因為我覺得自已都唔係咁叻

  但另一方面又覺得好開心，因為阿Sir覺得我好

  先會叫我幫手嘛~ 咁幫到人自已又覺得開心

  之後阿Sir話會有個客帶隻狗黎沖涼

  叫我幫隻狗沖涼、指甲、剷肚毛/腳底毛、拔耳毛

  我當然無所謂啦！當自已有隻狗練習下姐

  點知同隻狗指甲果時佢好惡死，咬左我幾啖

  仲要係咁"胡"我囉！超級惡搞呀.....

  仲要爪損哂我個胸口添....真係痛鬼死我喇

  之後佢個主人黎接返隻狗走果時

  阿Sir有點唔高興咁同佢講話隻狗咬人好惡

  點知個主人話佢隻狗係人都咬，連自已主人都會咬

  真係聽到佢咁講，我地個個都非常嘩然

  阿Sir直情同個主人講佢咁樣寵壞自已隻狗係唔得

  真係唔知呢d主人諗乜野架，再大d真係咬死人啦

  之後阿Sir比返錢我，因為我幫佢手沖涼

  但係我唔係好想收，因為覺得自已做得唔係咁好

  而且我只係當練習而己，有無錢都唔緊要

  呼~ 今日就係咁忙左一日了！但係好滿足！