2006 年 3 月 19 日  星期日  

各位哥哥姐姐~多d留下言啦~你地既意見都對我有好大既啟發嫁!!

2006 年 3 月 19 日  星期日  

講番星期六d野先~~

星期六31果邊就宣誓~去到好眼訓呀.......隻眼好似張唔開咁樣,個樣勁累........

之後就一路係咁係度企好累呀.......

之後到左大約4:10度就完左lu~~

之後同阿媽同埋d隊員影左張相~

就去左食啟豐野~~

食完之後就去左ym果邊打印~因為今日要用(星期日)

之後仲俾我拿左塊板黎做繩結板添~~咁又唔洗出錢喇~

返到屋企就食飯~食完飯就開始做先峰d野lu~~因為一路睇蟲蟲特工隊一路整繩結板~~

so我做到12:00先整完~~~整得都ok既~我遲d post上黎啦~~

之後就開始整我個三腳瞭望台,點知d尺寸唔得~so好多時紮完又拆~

果個咁既野搞左我成個通宵~~so而家勁眼訓,勁頭暈囉~~

17/3

夜晚去左睇極地雪犬~

比預期中好睇好多~d狗勁得意~勁smart~之後最記得就係條食人鯨果度突然串左個豹頭出黎!!

個下真係嚇親!!嚇到我成個人彈起!!不過最後都好慘!!!死左兩隻狗呀!!仲有一隻隻腳冇左.....真係可憐

2006 年 3 月 14 日  星期二  

呢兩日去左荃灣去bio camp~

好辛苦呀..........因為我又病左呀.......不過就有好多funny野呀

13/3

12/3之前已經病到好辛苦嫁喇......之後到左13/3就一朝早就返學,不過都好趕呀...因為我唔知醒呀.............之後上到車就訓著左lu~~去到可觀自然教育中心就開始上堂,講下一陣間去大帽山到進行考察~~之後就去左lu~~個日真係好鬼死凍呀......凍到我d手指硬晒呀....仲凍到我影相時都手震呀......之後到左11點幾到就去左宿舍到食飯~~淨係得碟咖哩同埋排骨稍為好味d~~其餘果d都唔係咁好食呀......之後食完飯呢~~就到左最左最悶既野喇...又係上堂聽書,而且仲要準備聽日去紅樹林d野喎...仲之呢個最間就係最眼訓,最無聊,最悶既時間啦~~~之後到左5:00就free time 我就去左訓陣覺喇~不過都訓唔著,因為我間room都可嘈,而且有好多搞笑野呀~~monkey同埋翼龍訓埋一齊啦~~仲之就勁搞野,勁好笑啦~~之後到左晚飯....簡直就係不堪入目,勁度難食呀.... 食完飯就去左打羽毛球喇~~因為諗著出番身汗啦~所以著晒出衫出褲仲有裝晒所有野係個褲袋度~點知都係冇咩反應啊.......沖完個涼就開始又發燒喇.....仲燒到100度添呀.....................

等我打埋下文先

其實夜晚既野仲未完既~~

過晚原本我12:00就去左sleep嫁喇.....點知到左大約1:00就因為急著去廁所,而且仲俾人嘈醒左,因為對面床係度傾計....之後我就去左廁所啦~~去廁所個陣好似俾人見到,之後佢話『嘩!!!你咁大膽既!!』之後我就講左『我病個陣咩都做得出,最好唔好得罪我』之後返到去時就訓唔著,而且仲同對面班人同流合污係度傾計添~~

佢地原來係度傾學校d事非呀~~搞到我勁想聽,而且同係度講姣婆d野嗎~我梗係要一齊講埋一份啦~~~話晒我咁憎佢!!!!!

之後傾下傾下就傾到3:00度就舒服到訓左lu~因為個姿勢好舒服呀~~~~~點知訓下訓下,又會有時聽到佢地d對話,突然又加把嘴埋去~搞到我好似發開口夢添~~

到左朝早就食個垃圾早餐,之後就出發去西貢西徑既紅樹林lu~~

個度d空氣好清新呀~~而且d風景勁靚,仲有好多好多蟹仔呀~仲俾我地組搵到條鱔添~~之後做下做下野我就去左玩擲石仔~

玩到11點幾就返去campsite lu~~食完個午餐我地就去左做資料整理,準備匯報d野~~

匯報都ok既~~都算係咁啦~話晒都唔係做左好耐~~

到左5:00我地就返到屯門lu~~~

返到屋企就要做勁多功課喇................................

2006 年 3 月 11 日  星期六  

肩 章 考 驗 營 藝 項 目     阿賢

營 藝 隊 長 碓 係 廢   帶 領 無 能 真 係 弊
叫 佢 做 野 冇 樣 掣   頂 佢 唔 順 一 定 係
超 時 加 工 成 日 係   導 師 冇 氣 成 日 睇
落 雨 起 火 好 鬼 弊   阿 sir 囉 嗦 成 日 吠
執 野 個 個 無 人 掣   今 次 營 藝 好 鬼 弊
好 鬼 弊

主旨:

短短的字裹行間,作者真情流露出作對事次的肩章考驗營藝項目的無奈和對隊長的不信任,而且還從短短 句充分表達這兩 來的痛苦和行程。如有得罪,懇請原諒。

2006 年 3 月 10 日  星期五  

唔知幾時.阿楠問我仲咩唔打日記

冇解既,因為我唔得閒打嗎~~而且又冇時間,日日鬼死咁多功課

so咪冇打到囉~~

況且我都唔得左要打d咩,係街諗到打d咩嫁,不過就冇心情打......

講番今日d野先~~

今日終於可以去練波喇

之後練到8:00就走去返童軍

之後俾人點左,原來今日唔洗返既~

就係咁多喇~~~~

聽日去行山呀~~~