今日朝早番大快活見到好多小六學生同家長黎食野
先知原來今日係統一派位,升中學
呢件事原來離我已經有6年-3-
哈哈仲好記得果日既情況.李慧珍話見住我呀媽開心到支花都整斷左.哈哈.笑死xd
果時我比起而家更加傻下傻下-3-填志願果d.都係可以話求其.-3-完全唔知發生咩事咁.
更加冇諗過可以有第1志願,我既成績.根本冇乜可能入到張明添,入到去讀,d成績一直比人落後.
每年,唔係補考就係差唔多要留班,但係又年年都升到,真係好好彩-3-
到左上年,會考-3-我都係傻下傻下咁,覺得自己唔好話升中六,連分都唔知拎唔拎到,預計自己得5,6分掛.
點知放榜果日,有9分-3-我仲要傻到唔識睇幾多分,拎左張野要周圍問人我姐係幾多分,哈哈.
證實左係9分,都要睇多次係咪真係曾翠柳,雖然係咁,但係又冇乜話特別開心,覺得係意外收獲囉.
然後去左讀ive.本來同何寶仲要唔係報呢個.報錯左.不過又將錯就錯.就咁讀左一年.
又就黎知我下年可以讀咩.希望我既升學歷情繼續係咁順利啦-3-.
我覺得上帝真係好鍚我.我永遠都係唔知發生咩事.傻下傻下.
而且對呢件事冇乜大既喜怒哀樂,樣樣都係以"順其自然"呢4個字去面對.
成條路.好似有人為我安排好咁.到目前為止,都太順利,我年年都會覺得,上帝係公平,我一定唔會再咁順利.
當然啦.細個真係唔識努力.近呢幾年.雖然話係上帝既恩典.但自己都有努力去做好既.只不過將個結果交比神囉;)
數說番神既恩典,充滿動力去廣西,為佢工作
雖然我話我自己愈來愈唔愛神,但係神係我生命確實係做左好多野,呢d係無可否定.
希望有人可以為我祈禱,希望我唔好再忘記神,希望我每日都會靈修,
我諗起神比我既呢d野,我太唔配得擁有,
我好想!我好想為神做番d野!=)
