今日朝早同4個棒棒堂+君怡+呀琳去唱k!

本來都幾悶下,但之後我地點左sorrysorry同埋nobody,

齊齊跳舞,哈哈,本來佢地4個跳先,我地3個笑到暈左,哈哈

jerry最好笑.哈哈.佢真係好得意.然後我地決定齊齊拍mv !

稍後應該會post上facebook喇哈哈.個個都癲晒=D

然後,番學,上Housekeeping,今次呀sir終於實戰教我地汁床.

佢試範果時真係好眼訓-,-..然後到我地試...我覺得我都應該應付到...

希望到時考試趕得切完成啦!要2分鐘汁好一張床@@

最後.哈哈.呀平同大佬鬥快汁,輸左請晒我地食雪糕.

呀平輸左.哈.放學齊齊去ok食雪糕xd


番教會英文班=.=食屎狗來的.冇人番.得我同珍番!

搞到我地2個好尷尬,又吾識答問題!=.=
 

今日好開心!過得比平時精彩=D

原來我真的這麼喜歡這個朋友

雖然距離遠了

在一起的時間少了

可能她覺得我再不重要

或許　她以為我再不在乎她

其實我心中還是那麼希望回到從前

這份感覺　我也不為意

她是我遇到第一個朋友會令我感到心甜

已經遺忘了這份感覺

今天突然去她日記看

才想起從前　我會因為這些而感到窩心

最熟悉的朋友與最喜歡的朋友　原來是兩回事

但發現　我們的友誼變了

不是變好變差　而是感覺變了

沒辦法　感情　就是會隨著時間而變

這是事實　沒人可以改變　只好　順其自然

今次18個ive人去蝴蝶灣BBQ!
上完普通話1點半就齊齊去屯門,搭地鐵,西鐵,
之後買野都買左幾個鐘=3=
再搭輕鐵入去,已經成個人冇晒精神,加上肚餓,又眼訓,冇晒心機=(
好彩起爐起得快,好快有得食,狂燒狂食!!
跟住影下相,佢地班男仔同人踢波比賽,我地做啦啦隊xd
哈哈有人燸左好好笑xd 跟住又玩下uno咁.次次都係我嬴-,-
其實都幾無聊,又冇全部人一齊玩game,
我覺得上次好玩d!,不過今次同d人又熟左.都ok既,
11點幾12點先走,得番一架車可以搭=3=.
力王陪我同呀軒等車.之後同呀軒搭車傾計.
哈哈.原來佢同我都幾似的.又搵到同類人.
同佢都幾好傾^^佢到葵芳落車.我到美孚總站落-.-
好想自己一個人行番去長沙灣,但係最後都係搭左的士番

今日是幾開心的^3^

明天責任重大,帶小組,唉,
 

今日番教會硬係覺得吾知點咁,好似硬係有d野我要負責,冇咁輕鬆的,但事實上我真係冇野要負責-.-

余sir morning call我番查經班,估吾到佢會記得哈哈,但語氣就差過上次喇哈哈,

個查經班,其實好悶-,-聽吾入腦,好多時都發緊夢的,希望下次可以專心d啦-.-

then好開心,敬拜彈結他,kelvin叔叔話我彈得幾好^^哈哈

小組既時候好搞笑,雖然今日好少人,但同平時一樣係笑死左xd哈哈哈.諗起都好笑.珍同埋我剪既圓形xdxd

唉~好驚呀~下2個星期司徒miss要去廣西吾番黎,我要帶小組喇,超害怕啊.不知怎麼辦..

突然之間要好認真去對待小組時間,好似好奇怪咁,,唉~希望有多個導師番~咁我就吾洗帶!

仲要我開埋導師會添呀-_-死硬喇!大家請為我祈禱!><

跟住晚堂,唉,我好耐冇聽過道喇又,次次都吾專心,吾得喇,下次要專心d喇~

晚上女孩們去聊天,今次聊得好舒服啊,吾捨得走啊哈哈^^

仲有試帶左銀既髮片,呵呵,帶完之後好想下面d頭髮可以留厚d啊,咁樣靚好多^^

今日總括而言都幾開心^^吾捨得完既一日^^

終於同呀yan,娟娟出來吃左飯喇，邊吃邊傾，吃越南野，傾感情事=)

好早就散左band，太累了，下次放假再約！

番家既時候搭地鐵，聽住歌，好有衝動繼續搭落去，搭到總站搭番轉頭，

但為左要番家睇老公萬歲打消左呢個念頭，但特登去屋企樓下既花園行左陣先番家^^

真係好想搵日自己出去搭巴士流浪一日，拎住ｍｐ３，８達通，搭到果到想落車就落車，

比自己逃避現實一日，好舒服，好靜，一個人，過一日

ps:現實中的我 電腦中的我，差很遠嗎？