聽日係第一日考試啦~~

首先係考數學, 好彩前果幾日放學都比老師監住溫書,

今日個補習老師又黎同我狂補數學,

希望順風順水, 考個A返黎-.-

我亦祝大家考試順利, 學業進步!

哈哈, 又去完旅行啦!! 不過係去彿山, 當然唔係跟團-V-

去爺爺度住啊!! 不過今次兩個表姐都要返學... 到今日先放假><

家姐又要返學... 冇人陪我玩... 都係日日係度玩明星志願...

呀, 我終於第一次玩明星志願2000, 個林立翔好型耶!!

跟住... 姑姑買左兩個好靚鐵罐裝既KITKET比我,

一個係正方形, 一個係心形, 靚爆!!

呢幾日帶左中史功課去做, 都冇掂過-V-

就黎要返學啦...

頭先十二點幾返到屋企, 終於聽朝可以訓耐D喇!!

今朝又係係間酒店度食早餐, 又係D日式野, 不過我都冇乜野岩食...

上午去左銀座行左兩個幾鐘頭, 我地去左個博品館度行,

嘩, 入面有隻好真既馬, 試得個頭擰下擰下, 勁可愛呀!!

不過慘既係有班細路係度拉佢隻尾, 又打佢個頭．＼／．樣衰!!

最憎人咁樣對待小動物!! ( 就算係真又好, 假又好。)

行到十二點幾, 就去左唔知邊度食鐵板燒午餐, 正到...無得頂!!

佢仲有D意大利粉係勁好味...YUMMY!!

跟住, 就係上飛機既時侯... 架飛機又係有得打機&睇電影,

我又睇左成套《穿PARDA的惡魔》, 好好睇~XD

回到香港LU!!  

由於果兩日冇用電腦上網, 之後又去左彿山, so, 呢家補寫。

第四日, 又係一早就要起身出發。

食完早餐後, 搭旅遊巴士去左一間廟度拜下呀、買下野呀咁,

跟住就搭左幾耐下既車程上宙士山, 上左然後入左一間餐廳,

食左一個set lunch, 全部都係日式d魚生、冷麵、烏冬等等。

然後再搭幾十分鐘車去左富士山唔知邊度,

本來諗住去滑雪噶!! 點知落雨... D雪係結左DD冰, 差D滑到你跌低-V-

所以大家只好掟雪球... 都幾正。*V*

再之後就去左間溫泉酒店, 係入面有個大廳作DINNER之用,

又有好多個溫泉, 成晚我就係個溫泉度同家姐玩。

間房要訓榻榻米呀, 好正呀>v<

MERRY CHISTMAS!! 今日正正就係一年一次既聖誕節,

係東京過聖誕節係有幾唔錯既氣氛, 不過仲未落雪...

聽日得幾度... 我仲要上富士山-V- 有得玩雪*V* 話唔定會落埋真雪!!

今日8:30先起身, 因為9:30就要集合, 所以冇食到早餐...

跟住本來要搭旅遊巴, 點知架巴士突然死火... 要搭地鐵-.-

不過跟團都有得搭到地鐵又真係幾好玩XD

搭左5個站, 成功到達我地既目的地－－新宿。

果度有幾條街係勁多舖頭... 仲有HELLO KITTY 專門店...模型呀果D周街都係...

LUNCH去左一間東京大飯店度食鐵板燒... 搞到成個頭成陣味...

然後再搭車去左HELLO KITTY LAND, D遊戲係想像唔到咁低B。( 除左個3D立體影院)

不過只要當自己係六歲以下既細路就會覺得好好玩。

玩左一個鐘, 買左隻玉桂狗女朋友既杯, 走人。

跟住就大獲, 塞車-0- 原來40MINS既車程變左成兩個鐘頭...先去左果個咩21世界唔知乜,

玩左個勁激既過山車-.- 我同家姐特嗌大嗌, 離心力80%... 仲要有時係就黎跌出去-0-

因為塞車阻左唔少時間, THEN我地只係玩左45MINS就要走人去返新宿食DINNER。

我地到達一間太子唔知咩酒店既餐廳度食自助餐, D壽司...一流!!

不過食左DD野就覺得好飽... >3<

再講多次... 聖誕節快樂~!