今日...上午冇乜野發生, 只係好肚餓, 一小息即刻奪命狂奔落去小食部食野。

到左食完LUNCH, 跟住係恐懼既數學堂。

其實本來唔恐怖既, 不過係今日quiz咁解-v-

10條問題, 我靜係識答3題-v-

仲要份卷50分滿分呀!! 大獲飯喇今次!!

　　今日, 都幾黑仔的, 仲要係黑得好緊要果隻。

朝早十點幾, 諗住同媽咪落街食早餐, 落到地下果陣,

有家人搬入黎我住果座大廈度, 我就係度望黎望去望佢地,

一時冇留意我行緊去一個得5cm既石梯度, 一野擦落左去, 就咁跤柴-v-

本來冇咁痛, 跟住食完早餐諗住返屋企既時候, 開始勁痛,

係屋企做功課果陣, 媽咪話帶我去睇跌打, 我一起身, 隻腳直情係一轉就痛,

喊到我成臉都係眼淚-v- 我地搭的的去好運果度, 有個姓鄧的跌打, 去左果度睇...

個人幫我用跌打酒揉下隻腳, 跟住拎個類似紅外線咁既東東黎照我隻腳, 係熱熱地的@@

然後整左一塊勁暖既藥落我隻腳度, 包好之後比錢走得。

返到屋企爸B媽咪話打邊爐, 出去買送, 我就留係屋企繼續做功課...

頭先9點果陣拆左塊藥出黎, 行得走得LU~^^雖然仲有少少痛...

　　今日都算係一個忙碌既星期六, anyway, 上午都仲係得閒到嘔。

唔知點解, 今朝八點幾九點就起左身, 冇想再訓既念頭,

我只好係度睇一本正書!! 《孤雛淚》正爆。

跟住上網打機 & chat, 玩到下午兩點幾, 要去學口風琴啦...仲要去完葵興咁遠水路-v-

3:30出門口, 飛巴士轉飛地鐵, 遲到了-3-

去到個課室之後, 仲要比個雖然都係中一, 但係高我一倍, 而且仲要似足中五生既男仔串-v-

5:30學完, 又搭車返屋企已經係六點幾...

跟住... 我又要去長沙灣同爸B媽咪去飲( 註一 )!! 野食就幾好味, 不過依然肚餓。

返到黎屋企10:30, 仲未沖涼仲未做晒功課, 飛黎打BLOG XD

唷唷唷, 要做功課啦, 聽日同姨丈、姨姨去睇靚靚( 註二 )啊!! 睇靚靚係我等待已久的日子>V<

註一：「飲」即只去參加婚宴或壽宴等宴會，通常去酒樓果D。　

註二：靚靚係一隻貴婦狗，本屬我姨姨的朋友，跟住借左比姨姨玩兩個禮拜，現比姨丈的細佬買左黎養。　

　　今日星期五啦, 唔洗咁早訓, 聽朝我諗都係照舊十點鐘起身~ XD

 剛睇完CREAM果個RENEE既日記, 又增添了點點憎佢的感覺, 仲話要同183合作囉!!

尋日趕做中史果個省份圖, 搞到1:15先訓, 跟住1:30先訓得著, 今朝眼訓到起唔到身,

比媽咪嗌左幾次先肯起, 嗚有淺淺的黑眼圈T^T 不過我都唔打算今晚早訓XD

呢排上網果陣都係起勢咁聽某幾首歌, 都係無盡的愛、天下無雙、感應呀果幾首啦,

終於我發現原來我聽告別校園時係會喊-V- 都係掛住小學既關係吧-.-

捱不了XANGA的英文...>.< 我睇唔明哇"" 點都要做一次衰女

DINZ""恕我做一次衰女>< ( 我要努力寫日記!! )