星期日陳瀚話想睇呢套戲, 開頭一心諗住陪佢睇, 見到poster寫住「壯志飢餐地獄血」, 咁熟口面既岳飛名句...仲要血字大大隻咁... 開頭冇乜興趣架, 不過是但啦。

入到場睇, 原來係希臘時期背景，勁似隻game Age of Myth既電影版。300名斯巴達人抵抗波斯人入侵既故事，希臘議會既腐敗、官僚同現實，諗起讀書時講過politics same dirty as prositute xxx.... 完全向呢套戲浮現。

劇情簡單，基本上你會估到哂佢講乜; 巴斯達人既尊嚴不可被侮辱、不可退縮、不可放棄..Spartans never surrender, Spartans never retreat!"等等...打鬥場面多, 基本上每一秒都在殺人，絕無冷場。 皇后好堅, 真係女戰士性格，同那個垃圾議員成強烈對比。D斯巴達武士唔駛著armor, 披住紅色長斗蓬, 著住黑底打仗, 擺個盾陣，超型。殺敵時d血真係一滴滴咁畫架 (電腦加工)

套戲又有d似木馬屠城，不過呢套精采又好笑d。有如MI 2既slow motion, d劇情都好好笑，例如講斯巴達人向溫泉谷到殺死好多波斯軍隊，波斯軍隊唔憤氣，派好多奇型怪獸打佢地，d怪物既樣超頂癮，有山羊頭、異形、大笨象(好似有史據的)... 等等...某程度上我差唔多由頭笑到尾，笑到隔離位向度望住我。但那個cheap精叛徒同波斯王個帳幕入面個d淫亂真係好嘔心，都係唔明白點解d外國片總係有加d床戲落去，根本加唔加都無關痛癢。

最抵死我上網睇人地既comment, 話呢套戲: 「是300個壯士, 每人8塊，總共2,400塊腹肌的震撼」 - (真係絕頂形容!!) d腹肌堅到我覺得好似特技畫出黎，邊有可能搵300條友都有八舊朱古力同你拍戲。

最後附注: 番到屋企上網睇先知..原來係phantom哥哥..真係唔認得bor.

2007年第一次開齋, 其實幾怯, 因為好耐冇帶過.. 開頭有d驚慌失措...但唱到<<一生最愛>>就開始入到主題。

 「越是靠近祢, 越要放下自己... 因祢是永遠, 因祢是不捨不棄。親愛耶穌 我只屬祢」

都係講句, 擺上個心係最重要，敬拜就是從心發出。

「我若能說萬人的方言、並天使的話語、卻沒有愛、我就成了鳴的鑼、響的鈸一般。
我若有先知講道之能、也明白各樣的奧秘、各樣的知識．而且有全備的信、叫我能夠移山、卻沒有愛、我就算不得甚麼。
我若將所有的賙濟窮人、又捨己身叫人焚燒、卻沒有愛、仍然與我無益。」(哥林多前書13:1-3)

感謝敬拜小組既幫手，有你地同我一齊, 我個人定左好多。因為除左主之後, 你地係我可靠既靠山!

雖然缺二、但係都係講句，老友我撐你

<憐憫>

在香港生活真的很幸福啦, 什麼都不缺, 無論幾咁貧窮, 都叫生活到落去，最多都只係話唔係想要乜就有乜啫。

哦！主啊使我少為自己求

少求受安慰  但求安慰人

少求被瞭解  但求瞭解人

少求愛  但求全心付出愛

--------------------------------------

好耐冇見你啦，多謝你份禮物。希望你生活安好，早日找到自己的道路!!!

男人帶飯代表什麼呢?

陳瀚公司正流傳著一堆流言: 陳瀚準備結婚了. 所以唔好鑿陳瀚請食飯.... @_@ 流言真好..擋災擋難

流言點傳出黎?

經過分析估計緣於佢向呢到做野做左3年幾差不多4年都冇帶飯習慣, 但最近他開始帶飯了。再加上佢從來都唔帶介子, 但最近他每天都帶著love+purity..所以他已被label係儲錢結婚..同埋已訂埋婚... 再開始流傳被女朋友迫婚...仲要傳到成間公司都知。

真係得啖笑! 辦公室的流言力量真的唔可以睇少。

帶飯真係可以健康d, 腸胃好d

介子上面寫住love + purity, 與上帝立約一男一女、一夫一妻, 一生一世, 反對婚前性行為。這就是我們跟上帝的立約!!

諗起讀書既時候與同學講起, 如果某一天在icq info (那時較多人用icq)裡打著「我要結婚了」有幾多個人相信, 立刻send mgs給你呢?

我好想養 poodle... 簡直對佢地係一見鍾情。

我昨日向銅鑼灣見到一隻, 超可愛。

但我有咁既耐性嗎... 而且一定唔係現在可以養到...希望將來有機會吧

我那個討厭的項目終於在今天結束，心情萬般興奮,  仲請左半天假

我幾耐冇向公司笑到咁樣呢? 這兩個月的痛苦終於過去了...  唉..但我都係蝕左一個鐘俾公司..因為我未做哂apprasial。

已經個個quarter都要做.... year-end再黎多個..煩唔煩人....

今天請假原本諗住溫書, 但係陳瀚因為今天考電腦試, 所以佢又請左假...等佢考完就一齊食晚飯行街

都係鍾意行旺角多d. 多野睇好多...銅鑼灣行黎行去都係咁

食左唔好食既元氣... 因為已經9點半..我想佢冇乜野食卦...絕對唔推薦世貿既元氣...唉

因為明天測shipping, 所以同j仔一齊在教會讀書,  都幾多人一齊讀...

溫到6點就走了，去左旺角既paris cafe. (上次同小風去完後就很想念它)

今天陳瀚問了我很多問題..拍左5年幾都未問過既問題....

不過你真係變左好多。 ^^

阿b, 你要加油!! 我會撐你!!!

希望大口仔舞獅會同你打氣 

阿c字 

<在乎祢>

祢的慈愛比天高　比海深　比我的生命更好　祢憐憫受傷痛苦的人
祢的能力比風強　比山高　沒有難成的事情　覆庇軟弱無助的生命

祢的眼睛看著我　從來沒有離開我　我是祢寶貝重價贖回的人
祢伸出施恩的手　把我緊緊擁抱　我平安　我生命在乎祢

----------------------------------------------------------------------- 

淘淘生日快樂呀 ^^

今天我跟上司閒談時講起「一分錢一分貨」，我笑說呢句說話唔可以亂講，因為$0.01一分貨，我收了多少$呢..:p 一定俾$0.01多. 

有一位專欄作家, 身為老板話如果公司請你，但你因人工太低而將你的努力打折扣，就與當初立約不符了，因為如果不滿意酬勞，我們有權拒絕這份工。但很抱歉，絕大部份既工作係唔會係簽約既時候講明，而且最流行既寫法就係ad hoc project，咁樣我地係米見到 ad hoc project既工就唔搵呢？咁可以話差不多不用找工作。

香港是一個奇怪社會，如果老板注重立約精神，那為何只著重我的開工時間，卻不理會我已到下班時間仍新加工作給我，要我立刻完成。也許這現實社會不太可能發生的事情，咁我都係講下jei，基本上工作既野就係要做.

晚上同小風見面，我地終於都見得成了，傾到半夜先走，這社會真的很多思想奇怪的人， 不斷野心求上的人，爭名奪利的人..

讓我地體會，有一顆知足的心，總比經常比較的人活得較快樂。

今天是我在這裡工作二年零一天. 還記得去年這日子我的戰友們陪我一齊慶祝渡過. 今天只剩下我跟b小姐了. 忙到死既情況下都冇乜MOOD. 不過... 加油吧!!!

坐2x回家時經過維記網球場，看見一班坐輪椅的人練習網球，他們一邊手持網球拍，一邊靈活地操控著輪椅，心裡很大的震撼：有什麼東西值得我一生去努力追尋呢？ 我從小到大都沒有特別喜好的東西，也沒有花太多時間在某一種興趣中。小時候學掃描是因為從小時候開始學習；學器是因為小學練習，直到中五就停了；學義大利文自學了一會兒又停了。別人都說我還未找到我喜愛的東西，會讓我有興趣的追尋落去... 我這個人對自己太沒有要求吧，也許在我面前出現的東西是美好的，但若不能擁有我也不太覺得可惜。

跟著想起事奉.. 約瑟團可算是自己事奉較長的地方；主讓我學習很多東西，面對來自不同背景的團友仔，與他們相處.. 等... 自己改變很多的地方，要突破自己的安舒區，不是做一些自己擅長的事，更讓自己學習要多依靠主，因為主給我機會去照顧祂的羊。我有時都會懶惰，但主總會藉著身邊一些經歷去鼓勵我..讓我有反省的時候。事奉從來都不是你得閒想做就做，唔想做就掉埋一邊的工作，堅持是我最大的得著。

<求主藉異象激勵我>