23-Oct-06 - 27-Oct-06
從星期一那天看見我上司病厭厭的樣子，我已知出事，但冇出聲，因為怕他又話我係烏鴉口.... 但事實証明我只是把事實講出來吧！竟然患德國麻疹，唔係卦..... 唔講都唔知德國麻疹係呼吸性傳染，我仲以為係皮膚病添.... 結果佢要在家中自我隔離三天，簡直是我的悲劇。不過，生病也不是我上司所想的，而且我也常常放大假，他也是一個人在忙，所以我要加油吧！ 其 實只是工作數量多，麻煩程度都不算太嚴重，我都解決得了。反而係d sales極討厭，星期四晚我發惡了，對一個將離任的人發火，因為他太離譜了。氣也出過了.... 忘記吧. 呢幾日得番自己一個既時候依賴性冇咁強，學左好多野，好開心。只是習慣上司向度就搵佢搞掂，其實我自己是做得來的。 星期四晚我有回去練習，唔，背歌詞 (特別是頌主那類形的歌詞很文縐縐...)希望快點練熟一點，聲線和諧一點。最好玩係自己最後私底下練習既時候一齊jam歌，係一件很開心的事，因為大家都玩得，就好似去新加坡時同simon佢地一齊玩那種感覺。 很渴望那種大家放得很開，自然相處的團契生活，互相信賴的那種感覺，是我渴望的，不過，我依然愛我自己兩個團契的，只是希望大家的關係能夠建立更多吧。
這項實在是我很大的弱項。不是沒有興趣，而是覺得很難。 學了五年也不懂，而且我這一季的時間密密麻麻.... 陳先生對這門學問很有興趣，他報名參加了。而且他聲線比我好，應該不錯吧。 我，仍在依賴指揮的指示及按著領受的感動中繼續歌唱。
之前應承左嘉瑋請佢食飯但咁耐都唔兌現.... 呵..唔好意思.
我地一齊去元祿食壽司, 竟然遇到淘淘一家. 咁橋既？
又一齊出海旁傾計. 東掊西扯什麼都傾. 好開心呀. 希望你無論讀書，信仰及健康都一天比一天進步啦！
今天下午第一次參與敬拜練習. 突如期來既試音，其實自己都好怯... 現階段好多野都仲未有決定，你地要加油呀！ 練完之後難得的與他去拍拖. 今天是我近期最開心的一天，因為多左時間見面，佢又有好多分享俾我聽..覺得..咁先似拍拖。 又睇左好多靚靚既東西，呀！原本話幫你睇架嘛，點解會變左我買野架？ 我覺得自從你去完新加坡回來後變左好多，唔... 應該係話多左表達一d自我。 喜歡有性格，有你自己一套諗法既你. 無論如何，希望你活得更快樂吧，因為就算你身邊什麼都沒有，還有我在你身邊吧！
逢星期二我習慣在旺角乘飛van回家. 飛van速度快, 總對它的危機感掉以輕心. 今晚遇上飛van比拼, 整個過程心慌慌, 接近想嘔吐, 最終撐到回家了. 但逢星期二我仍然是會搭飛van的. 唔通搭102咩...
自從我再次有屬於自己的房間後, 歸屬感多了，我覺得可以好好享受這空間。 竟然養成每早摺床的習慣。(我以前是跟媽媽一起睡，摺床是我從不會做的事情). 雖然一開始摺床是因為跟阿詩睹氣，不忿被說只會三分鐘熱度，我就因為這句話每早都摺床，但習慣就好了。 想要一張龍貓床鋪，但街上儘是冒牌貨，質量很差，好像很快玩完.... anyway, 我愛我房 :)
一個看次common既答案，你是否知道背後使負責人感到為難？
其 實無論邊個負責搞活動，都曾遇上這個問題. 因為所有籌備都要統計好人數，才能預算。其實都唔只一個人反映呢個問題俾我聽，表逹唔想再負責籌備。今次到我搞既時候又係咁... bbq要預食物、預場地、... 很多很多東西預備，我們不是不願意做負責人，而是這樣使搞手很為難。我同意有時真係未諗好，但如要因個人決擇不定而使其他人難以預備的話，我就不太認同 了。
也許，要讓每個人經歷做籌備人，才會知道做負責人是不容易的，每個負責人都很需要你地既支持呀！
希望有一天你地能夠體會負責人既心情。