我以前真係可以話係幾濫下嘅女仔.但係直到我遇見佢...
無人係一生出來就系濫嘅.其實大多數都係受咗刺激.或者係俾人玩過.而我就係屬於後者...
十四歲嗰年.我遇見一個令我明白咩叫愛嘅男人.佢叫平.或者十四歲真係細咗D啦.但係我屬於比較早熟嗰種.所以講愛.一D都唔過份.遇見
佢.我可以話真系拋曬身去愛.同佢一齊無幾耐.我就將第一次俾咗佢.當時我真系好愛好愛佢.只要佢要只要我有,我都可以俾佢...
嗰晚嘅第二日.佢妹同我講話聽到佢哥同佢哥 D F講話懷疑我係唔係處嘅.雖然有血.但係同佢一齊無幾耐就肯同佢做...我聽咗之後好嬲.
我肯俾佢係因為我愛佢.但係佢居然咁講我.我就喊住走......
我番到屋企佢就打電話來氹我.話佢只不過同佢D朋友講下笑.佢從來無懷疑過我.或者嗰陣真係俾愛沖昏咗頭腦.我居然相信佢.之後我哋
就無風無浪咁過咗一段時間.有次.我哋出去玩.我同佢一齊識咗個女仔.叫嘉嘉...嗰晚我地仲同埋佢個男仔嘅朋友一齊去咗個女仔度訓...
過咗幾日.佢打電話來揾我.我一聽到係佢把聲真係好開心.但係我估唔到佢一開聲就講話同我分手.之後就掛咗電話.我打番去佢就唔聽.
我好傷心.真係好傷心.我咁愛佢.連最珍貴嘅第一次都俾咗佢.佢就咁樣對我...
我喊咗好耐.之後我覺得我需要揾個人傾下.之後我去咗揾嘉嘉.嘉嘉好似早就知道咩事咁.佢無講D咩.只係同我講話叫我忘記咗平.佢話佢
知道平有咗第二條女.我問佢係邊個.佢話嗰個女仔就係佢...
我企喺度成個人呆咗.過咗一陣.我問佢.佢哋幾時開始.佢話尋晚.佢仲話我知尋晚平喺佢度過夜.我真係覺得好痛心.雖然我哋唔係好好朋
友.但係都算係朋友啊.佢點可以咁樣出賣我.我真係對朋友同愛情呢四個字灰曬...
我唔知自己仲可以點.我只知道我一瞇埋眼就見到佢.我好痛苦.我開始啪安定.開始晚晚出去HI嘢出去蒲.每次我HI完嘢一清醒可以話身邊
都會有個男仔.次次都唔同.我開始作賤自己.只要我睇得上眼嘅開房無問題.上床都無問題.
唔夠半年.我就已經同超過五個男仔發生過關系.好多人其實都喺度講我嘅閑話.但係我唔在乎.心都死咗.身體要來又有咩用?
直到我遇見佢......
嗰時係冬天.我嗰晚HI大咗.走咗出去間場嘅後門.我貓喺度.我好唔清醒.但係我成個腦都諗起平.我好痛苦.我貓喺度喊.喊得好犀利.突然間有
人開咗後門行咗出來.佢企喺度講電話.我望咗佢一眼.幾靚仔.幾高幾瘦下.應該都係成日出來蒲嘅男仔.但係我呢間場我一個星期來足七晚都未
見過佢.基本上來呢度蒲嘅我都識.
"你唔好咁棱煩得唔得啊?我D事使棱你理啊.你自己掂點自己得啦."佢好嬲咁對住部電話講完就CUP咗電話.
"哇...你貓喺度做咩啊?想嚇死人啊.頂..."佢望到我嚇咗一大跳.
"我貓喺度都要你批準啊?我喺度好耐啦.係你自己青光眼咋."我大大聲咁鬧番佢.無拉拉咁大聲吠我.想死啊...
"你喊啊?"佢貓喺我對面.好近好近.我甚至可以見到佢D汗毛.
"我喊又關你事?我D事使棱你理啊.你自己顧掂你自己得啦."我學佢頭先咁鬧番佢.
"問下啫...HI大咗啊?上來我間房坐下啊."佢越靠越埋.我就越縮越走.
"你間房有寶啊?"我用殺死人嘅目光望住佢.
"寶就無啦.不過K就有一包."佢唔知喺邊度攞咗包紙巾俾我.(我諗地下無得執呱?)
之後我就咁識咗佢...
上到佢哋間房.成班人都好生面口.我諗都係第一次落來呢度玩.除咗有個女仔我見過嘅.但係唔識.佢都周不時落來玩.
我坐喺佢隔離.佢攞咗包K過來俾我嗦.嗦完之後就同我傾計...
"可唔可以話我知你叫咩名啊?我叫華仔."佢望住我.只手慢慢搭喺我脖頭度.我無拒絕.反正我都慣噶啦...
"VIKI..."講真嗰句.我都對佢幾有FEEL.但係我好清楚.即使再有FEEL都無用.一晚之後大家當無識過.
"你頭先做咩喊啊?講我知啊.睇下我幫唔幫到你."佢講呢句話嘅時候個樣好認真.好溫柔.雖然知道係扮出來.但係我都有幾分動容.
"無嘢啊."
"俾人飛啊?邊個咁無眼光啊.咁啦.我做你條仔啦.我都唔算差啫."佢好越講越似真.
"好..."唉..呢D說話我已經聽到麻木咗.
"你話噶.咁以後我就係你條仔噶啦.你唔好出去媾仔啊."佢講完就錫咗我一淡.
就咁樣,我哋開始咗.同佢傾咗成晚先知原來佢係呢邊人.好細個就出咗香港.今晚帶香港D F落來玩...
本來我以為收皮之後佢會帶我去開房.但係佢無.佢開車送咗我番屋企.佢問我要咗我個電話.之後錫咗我一淡就走咗.我喺度諗或者佢今
日玩得太疲倦所以對嗰D嘢無興趣.
後來幾日.佢都無打電話俾我.我已經幾乎忘記呢個人.但係嗰晚......
3) 嗰晚我又HI大咗.我東歪西倒咁行向後門.一開門我就見到華仔又攞住部電話喺度傾電話.我本來想縮番入去.但係佢已經見到我...
"聽日先打番俾你.我條女來咗."佢一邊向我行過來一邊對住部電話講.之後就CUP咗電話.
"你做咩俾個假電話我啊?搞到我揾都揾你唔到!"佢過來攬住我.語氣有小小嬲.但係表情又好似好開心.
"我邊有啊?你自己記錯電話咋呱."我真係好意外.佢居然仲話我係佢條女,或者佢仲想食呢份未食過嘅消夜.
"唔係13XXX6XXXXX咩?"佢居然背得出我個電話.雖然錯咗一個號碼. Z "13XXX9XXXXX啊..都話你自己記錯噶啦!"可能佢有過眼不
忘嘅本事啦.我實在揾唔到理由去相信佢會用心去記我個電話.因為我個號碼11位數9個數字.連我自己都用咗好耐時間去記.
"可能我嗰日將9按成6啦.唔怪得啦.打過去次次都係空號.我以為你玩我添啊."佢摸住我塊面.又錫咗一淡.好溫柔.好溫柔.
之後我又同佢上咗去佢間房玩.但係今次班人幾乎都識得.其中一個就係平.我成個人傻咗.我喺呢間場玩咁耐從來都無見過佢.但係今晚居
然俾我喺度撞見佢. ~p
"呢個我小學同學啊.叫阿平."華仔坐喺平隔離.我坐華仔隔離.佢介紹平."呢個我條女."
"HI..."平先同我打招呼.我點咗下頭無講嘢.或者佢唔想俾華仔知我同佢D 嘢啦.但喺成間房得華仔一個唔知...
我成晚都坐喺華仔隔離.華仔成晚都攬住我.佢同我講好多嘢.我都無心裝載.我時不時會偷偷望下平.佢瘦咗.染咗頭發.半年無見.佢好似無
咩變到.但係或者佢會好驚訝.以前嗰個甘乖嘅我會變成咁...
又收皮啦.佢真係車咗我去開房.睇來佢真係同嗰D人無咩分別...
一切同我想象中嘅一樣.我哋發生咗關系.可能太過累.一陣間我就訓著咗.到我訓醒已經係傍晚六點幾鐘.我隔離嗰半張床空咗.一切都同
以前一樣.每次同D男仔做完第二日都會得我自己一個番去.今次都唔例外.
但係我摸咗下隔離.有余溫.可能佢巖巖走啦.我坐起身去廁所刷完牙出來見先發現臺度有個禮物盒.我走過去拆開來睇下.係一條白金手
鏈.我喺度諗或者係佢要買來送俾人哋走嗰陣唔記得攞啦.就喺呢個時候個門開咗.我見到佢抽住兩袋M記行入來.我嗰陣有種好奇怪嘅感覺.連
我自己都講唔出...
"你醒咗啦?我頭先去咗買嘢俾你食啊.怕你醒咗之後肚仔餓."佢行過來將D嘢放喺床頭櫃度...
"噢.."我應得好冷淡.但係其實我個心好暖.好暖.佢係第一個同我講呢D嘢嘅男仔. l?
"我對你咁好你唔獎勵下我噶?"佢笑住走過來攬住我.笑得好奸.
"你想我點獎勵你啊?"我突然間有種好幸福嘅感覺.雖然我知道只係過眼雲煙. F,.
"我想..我想...我想...."佢個頭越靠越埋."我想你錫我一淡咯.次次都係我主動錫你."
我松咗口氣.本來我以為佢會話想嗰味嘢.但喺我真係無諗到一個大我四歲嘅男仔會有咁細路仔咁可愛嘅一面.
我錫咗佢一淡之後佢走過臺度攞起個禮物盒遞俾我."送俾你噶!睇下鐘唔鐘意.我今日趁你訓著嗰陣落去買噶!"
"多謝.我好鐘意."我依然面無表情.但係我真係好開心.好感動.我開始奢想佢對我對我係認真嘅.佢走過來幫我戴好條手鏈.又喺我塊面度
錫咗淡. ;
食完嘢過咗一陣佢就送咗我番去.佢話今晚有嘢做.我未入到屋就有F打電話叫我出去玩.我哋又落咗嗰間場.今晚同我哋出來嗰班仔我全部
都識嘅.玩咗一陣.有個叫飛嘅男仔過來攬住我.我知道佢有條女.佢哋行咗三年有多.但係佢成日都出來媾女.呢D連佢自己條女都好清楚.當然.
我都無必要拒絕啦.
之後我好唔舒服.想嘔.飛扶我出去買水飲.我哋一出到門口就見到華.佢都見到我哋.佢走咗埋來.扯開我.捉得我只手好痛.佢成個樣青筋都
出埋來.好嬲...
"你咁算點啊?電話又唔開機.仲喺度媾仔.你當我死噶?我一做完嘢就揾你.你咁棱樣對我?"佢越講越激動.越捉越緊.連我HI到傻更更都覺
得痛.
"我電話無電."我推開飛.唔敢擡頭.但係我好唔明白佢點解咁嬲.唔通佢真係當我係佢條女?
"無電就可以媾仔啊?你講啊."佢講得好大聲.好惡.嚇走咗飛.亦都搞到個個都望住我哋.
"SORRY.."我唔知點解佢越嬲我個心就越甜.或者我真係渴望被重視啦.
"SORRY?一句SORRY就算啊?我同你講啊.下次再見到你媾仔你就死俾我睇.我唔打你都打死D七頭."華雖然好大聲.但係佢咁講其實都已
經原諒咗我.
嗰日之後.佢日日都同我一齊.但係佢就一直都無帶我番佢屋企.雖然我有時會唔開心.但係我一直都無開口問佢......
不知不覺我哋行咗個幾月.嗰個幾月中我哋都好開心.過得好快樂.終於.華自己開口話過年帶我番去佢屋企.
4)
轉眼間就過年啦.年三十嗰晚我哋喺酒店一訓醒佢就車我番去佢屋企.佢屋企好冷清.得佢媽一個喺度等我哋番去.佢無兄弟姐妹佢講過.但
係佢從來都無講起過佢爸.我諗佢爸可能過咗身.又或者同佢媽離咗婚啦...
未食得飯.我同佢喺廳度坐.可能我已經愛上佢啦.所以我好想知道關於佢嘅任何嘢.
"咦...唔見你老豆嘅?"我用試探嘅口吻問佢.
"我無老豆噶.你唔好再提呢兩個字."佢好火.自從上次同飛鍋嘢之後佢都未試過大聲同我講嘢.但係佢今次咁大聲同我講嘢.我個心好唔舒
服.
"SORRY..我無心噶."佢好似睇得出我唔開心."佢同我媽離婚好耐啦.你唔好再提起佢啦.我哋都當無咗呢個人噶啦."
"嗯..."本來我都只係小小唔開心,但係佢越係溫柔我就越覺得委屈. "
"錫錫啦..唔好咁啦.我媽見到會唔中意噶."佢攬實我.錫我塊面度亂錫.
一邊食飯佢媽就一邊起我底.我都有句答句.之後佢問我咁細個做咩唔讀書.我無答.唔出聲.就話我食飽啦...之後就行咗入佢間房.
佢跟住我行咗入來."我媽係咁噶啦.你唔好擺喺心度啦."
"我無嘢啊.你出去食飯啦."我笑得好假.雖然呢個問題無咩.但係我真係唔知點答.
"走咯.我哋出街食啊."你拉起我行出門口.
"無咩事唔好帶佢番來啊."我哋行到門口佢媽就用好嚴肅嘅語氣講咗呢句嘢.
佢無出聲.大大力咁關上門.但係我塊面已經變咗苦瓜.佢一路咁氹我.氹咗好耐.終於到咗晚上11點幾.佢車咗我去廣場倒數.喺人群中.佢捉
住我只好.好緊.好緊.好似話我知點都唔會放開我.
嗰晚我哋又出咗去玩.玩到第二日先番去.佢又車咗我去佢屋企.我唔肯行入去.佢就同我講.佢要用行動話俾佢媽知佢認定我.
但係佢媽都好難應付.日日都用D好婉轉嘅說話來話我知佢唔鐘意我...
5)
就咁樣.又咗一段時間.2月14情人節.我六點幾鐘訓醒天已經黑咗啦.可能因為冬天啦.但係佢已經起咗身.唔知去咗邊度.我打佢電話.佢就
話今日有嘢做話今日陪我唔到.提都唔提情人節嘅事.我"哦"咗一聲就CUP咗電話.好唔開心.情人節都唔記得唔緊要.我同佢講過好多次.情人節
係我生日.佢咁都可以唔記得.我真係無辦法唔發脾氣.
過咗一陣.佢個朋友打電話俾我.話見到華同個女仔上咗去XX酒店.之後佢打電話問華.華講咗邊間房俾佢知.佢鄧我唔底就打個電話話我
知.仲話來車我過去捉華.
我聽到之後好傷心.好嬲.換完衫就落咗去等華個朋友.佢車我到XX酒店門口就走咗.話怕華會怪佢.我自己行咗上去.到咗嗰間房門口我就
扭咗下門鎖.無鎖門...我就直行咗入去.
房度無開燈.但係有蠟燭嘅光.我好嬲.狗男女.居然喺度燭光餐.
"老婆仔...我愛你.生日快樂加情人節快樂."華突然間抱住一紮紅玫瑰.企喺我面前.雖然好暗.但係我都可以見到佢塊面紅曬.一齊幾個月.
第一次聽到佢叫我老婆仔.第一次講我愛你呢三個字...
"......"我呆咗喺度.唔知點好.本來好嬲嘅心情突然間好感動.直到眼淚滴咗落來.我先回魂...
"傻豬.你做咩喊啊?使唔使感動成咁啊?"佢將紮花塞俾我之後幫我抹咗下眼淚."咁就感動成咁搞到我都唔敢再攞呢樣嘢出來啦."佢講完
喺袋度攞咗只戒指出來.雖然粒石唔算大.但係我已經超級感動.佢幫我戴喺右手只無名指度."以後你就係我老婆噶啦.鬼叫你細個未夠年齡註冊
咩.唔係就擺足一百圍賀下佢啦."
"你好衰啊.咁樣玩我.搞到我頭先超傷心啊.下次唔準咁啊!"我捉住佢件衫來抹眼淚.
"咁先夠驚喜啊嘛..哇...乜咁搞啊.擺酒都係呢件噶啦."佢一邊笑一邊用件衫幫我抹眼淚.我終於知道咩叫幸福.從你走進我生命的那一刻.我
的世界到處都是彩色.是你給我彩色世界......
6)
嗰晚.佢喺度同個F傾電話.我沖完涼出來見到佢個樣好恐怖.好似好嬲.好火. `
"做咩啊你?咁嬲嘅?"我坐喺佢身邊一邊抹幹D頭發一邊問.
"你知道我最憎人哋呃我,你點解仲要呃我啊?"佢好激動咁企起身.瞪大對眼.
"我呃你咩啊?你發咩顛啊?"我好無辜咁望住佢.我幾時呃過佢啊?
"你同過平一齊點解唔話我知啊?"佢逼近我問.
"邊個同你講噶..."我心虛咁答.但係我無心呃佢.
"你理得邊個講啊.我問你點解呃我啊?"佢退咗一步撞到電腦臺.
"我唔係有心呃你噶.我都係唔想你難堪啫..."
"我點解要難堪啊?有咩好難堪啊?我根本唔在乎你嘅過去.如果在乎我都唔會同你一齊啦.早就有人同我講過你以前D嘢啦.你以為我真係
咩都唔知啊?個個都話你老泥妹.話你點下賤點下賤我根本唔在乎.我在乎嘅係你同我一齊之後點樣."
我摑咗佢一把.之後就貓喺度喊...
我最唔想聽到嘅嘢居然出於自己心愛嘅男人把口.口口聲聲話唔在乎.唔在乎就唔應該再提啦.
"對唔住啊.對唔住啊.係我錯啊.好唔好."佢見到我咁樣即刻過來氹我.佢一攬我我就推開佢.我真係好傷心...
"你走開啊.我唔想再見到你啊!"
"原諒我啦.我真係唔係有心提你以前D嘢噶.係我錯啦.好唔好."佢一變講把聲就已經變咗.因為佢都喊咗.
"我唔係有心呃你啊.我都唔想提以前啊.我同佢都係怕你知道咗會唔開心咋.!"我望住佢.好心痛.我第一次見到佢喊...
"唔提啊.大家都唔好提啦."佢攬住我.我哋兩個喊咗一陣就當好似無事發生過咁.
終於大家都知道對方之間嘅愛有幾深啦.所以我同佢都好珍惜對方.好體諒對方.但係我始終都係過唔到佢媽嗰關...
7)
嗰日.佢香港個老細打電話來叫佢番去.話有嘢要傾.
"出來傾下."佢出咗去之後.佢媽就來敲門.
喺廳度佢坐喺我對面.好嚴肅咁望住我.十幾分鐘都無出聲.
"有咩你就講啦."我率先開口.再對望落去我怕我會變白癡.
"你同阿華一齊有咩好處啊?我諗我要話你知.雖然我哋住靚屋開靚車.但係等我死咗之後D遺產都唔會俾阿華.喺佢話唔讀書嗰日開始我都
講好咗.要佢自己賺錢養自己.我唔會俾錢佢洗.以後我死咗所有財產都歸佢舅.因為我要我個仔自力更生."佢媽講完就將份遺囑推到我面前.想
證實佢所講嘅嘢.
"咁又點啊?唔通你同世伯結婚都係為咗錢咩?"我討厭人哋攞錢撻我.有錢好巴閉咩?只不過嗰兩千萬幾萬存款就可以用錢來侮辱人哋嘅
人格咩?
"......"佢用好奇怪嘅眼光望住我.可能俾我頂到講唔出嘢來啦.
"我知我咁細個無資格同你講愛.但係鐘意一個人都唔可以用錢來衡量."我講完呢句嘢就入咗房.佢一直都無出聲...
當時其實我真係好驚.不過可能嬲過頭啦.先會敢講出嗰D嘢.我番到房自己一個坐喺度傻笑.呵呵.我都唔知自己幾時變得咁勇敢.好似電影
度咁.同個阿嬸講愛.哈哈!
過咗一陣華番咗來.我同華講咗我今日講D嘢.佢都笑咗一陣就好認真咁同我講.叫我唔好再提佢老豆,唔喺嘅話就好大鍋.
"到底咩事啊?"我真係好想知.
"佢同我媽一齊嗰陣好窮噶.之後我媽同佢挨咗成十年.有咗錢之後佢就出滾.跟住仲要同我媽離婚.嗰陣我得3.4歲咋.我媽一手一腳帶大我.
呢幾年佢猛咁揾我哋.因為佢個二奶無得生.佢無後代就想揾番我.我哋都好憎佢."華講得好清楚.我見到佢D表情好痛苦.
"唔好提啦.以後我哋一家三口要開開心心啊.哈哈!"我坐上佢大腿度撒嬌.
"豬頭..."佢將我抱得好緊.我諗佢個心度一定好激動.
尾聲
時間流逝.轉下眼我哋就一齊一年啦!佢話過一等我夠年齡就同我登記.我哋都好希望呢一日快D到.我哋都好想可以快D成為合法夫妻.斯
守一生.
嗰日喺我哋一周年紀念.我哋去咗海南島旅遊.天氣有D凍又唔可以遊水.我唔知你帶我來呢度做咩.但係當到達目的地嘅時候我終於明白.
我哋企喺嗰兩塊寫住天涯.海角嘅大石下面....
"老婆.天涯海角都有你陪我走過.我哋以後都唔可以分開噶啦."你拖住我對手同我講.你又面紅啦.你面紅個樣好得意.好可愛.
我哋一齊喺海邊睇日落.我真係覺得自己好幸福.因為有你.雖然我從來未開口同你講一句我愛你.但係我嘅心.你明白...
又就來過年啦.我哋一齊去行東門.之後佢話佢要去紋身.去到之後佢同個老板講話要紋個X.因為我個名最後一個字係X呢個字母開頭.佢將
個X紋咗喺胸口.因為嗰度代表心.
佢嘅意思係心只有我.見到佢咁我好感動.我都要求紋個H喺心口.之後我哋兩個痛到一齊喺度震.但係震得好幸福.
之後我哋去行到西華宮門口.因為人太多.我哋走散咗.我先見到佢.我見到佢好似好緊張咁周圍望.我特燈走過佢附近喺度叫佢個名.我扮
到好驚咁.佢走過來攬住我.同我講."傻豬.我喺度啊.".好甜蜜.好甜蜜...
夕陽真係好美.但係終於都係到咗黃昏......
嗰晚.我哋喺獵奇門HI緊.突然間佢朋友打電話來話佢哋喺百雅圖同人哋打架.叫華過去.華叫咗佢F睇住我."老婆乖啊.老公出去一陣就番來.
我愛你.要乖乖地啊."佢講完呢句野就走咗...
一個鐘過咗去.佢都未番來.我好驚.好擔心.打電話俾佢竟然無人聽.我越等越驚......
終於我最怕嘅事發生咗.佢媽媽打電話俾我叫我去醫院.話華撞咗車衣家急救緊.我一邊喊一邊走落去接咗部的士過醫院.去到醫院.我見到
佢媽媽坐喺手術室門口一直都喺度喊.
©*
"點解會咁噶?"我走過去捉住佢媽對手.好激動咁問.
"我都唔知啊.頭先有人打電話去屋企叫我來醫院."佢媽已經喊到把聲都啞埋.
我坐喺佢媽身邊同佢媽攬埋一齊喊.一個鐘.兩個鐘.三個鐘.四個種.終於.手術室個門開咗.個醫生走咗出來...
"我們已經盡力了.你們進去看看他吧.馬上要推去太平間了."個醫生講完就走咗.
我同佢媽沖咗入去.見到佢訓喺度.佢媽暈咗.D護士送咗佢媽走去第二度.得我一個留喺度...
我望住佢.手摸住佢塊面.佢塊面好凍.好凍.我除咗件衫幫佢撼住個身.佢最怕凍噶啦.我要俾D溫暖佢.我用盡全力抱佢訓喺我身上."華.唔
怕.唔會凍噶啦.唔使怕."我猛咁錫佢塊面.因為佢話過最鐘意我錫佢."華.我愛你啊.你有無聽到啊?應下我啊."我攬住佢喺佢耳邊講.我諗佢訓著
咗啊.所以無應我.一定喺咁.我一次又一次咁重復我愛你呢三個字.等到佢一訓醒就可以聽到我講"我愛你".佢隨時可能會醒噶.所以我要一直講.
一直講.
過咗一陣.D醫務人員走咗入來.佢哋要我借過.佢哋推咗佢走.我企喺原地.望住佢俾人推走.我眼前一黑...
到我醒番已經喺自己屋企.我起身之後先記起.你離開咗.你永遠離開咗.你離開咗兩個世界上你最愛都係最愛你嘅女人...
四年啦.我一直都無同過其他男仔一齊.因為我係你老婆.永遠都係.只戒指我帶到衣家.我會戴一世.呢只戒指係我哋嘅結婚戒指.仲有條手
鏈...
但係我嘅世界.喺你離開嗰一刻只剩底灰色...