今日赤口年初三,每年今日都要入屯門
一早就俾阿媽嘈醒...但係都遲左叫我囉...搞到又係最遲入到去....
o係酒樓食完野就去青松觀喇

年年都係咁拜,又要摺元寶,又要上香...
今日又帶眼鏡喎,搞到係咁標眼水...
摺摺下阿媽叫我自己一個過去另一邊拜阿爺阿麻同霞姨
拜完又番番過去喇
上左幾炷香之後就上去三"扣"父屋企

今年有 d 唔同,以前上到去都係悶.....
不過今年就有隻狗俾我玩喇~~佢真係好得意架~~~!!


玩左唔係好耐阿媽就叫我打牌,其實都諗住唔打架
但係又話就我打細 d 喎,咁咪打囉...
開頭都輸 ge,後尾俾我 win 番廿幾蚊,執番身彩....
打完就食飯喇,每次上去都食到好飽,今次亦唔例外....
食飽左佢地又打過,我就坐下睇下電視
到十點左右就走喇,要返工嘛~

今晚都好清閒,冇咩 call 接呢
坐下訓下又收工喇~