好耐都冇打過日記 lu, 之前就一個禮拜一次,而家就一個月一次...
話左收到份禮物就會打日記添,點知都唔記得左.....
仲要 fion 姐打泥問我收唔收到,真係 sorry 呢....
份禮物好靚呀,我好鍾意呢,多謝晒~~~


講番今日先,今日我地個 bioreactor 都差唔多可以用得
去到個 lab 就痴左線咁係咁剪樹葉,剪到手都軟埋....
但係到後尾先發現條數有問題...shit...咁剪咁多有咩用.....
d 蕉皮,橙皮又唔多夠喎,唔知聽日點算呢...
好耐都冇試過咁認真咁去做一個 lab 喇,可能呢個同其他 lab 唔係好同啦
呢個要落手落腳去整晒成個野,所有材科都要自己搵自己做,好好玩呢
我地個 reactor 都整得幾靚架,不過都仲未知實唔實用呢~

做完個 lab 就去左食飯,再跟住就去上個廢廢地 ge molecular bio tut 喇
佢都真係唔多掂.....專登用 d tut 泥對 ex 同俾人問書...冇人問就落堂....用埋 d 時間教書好過啦...
今堂又係提早落堂,都慣喇.....
跟住就同阿堯兩個去左一樓,今日有得捐血嘛~
去到填完張 form ,驗埋 d 血就捐得喇,因冇都乜人捐呢....

呢次驗血同以前有 d 唔同,因為今次俾佢拮完有瘀到喎~
以前驗親血,俾佢拮手指都會勁痛...不過呢次o個個人手勢好好呢~~
捐o個時個護士俾左好多野,除左都係o個 d 乜乜需知,一個唔多靚 ge 電話繩之外....
仲有一張 cert 呢~~佢話我捐左 5 次就有喎~~
不過佢拮針就差左 d ....唔知做咩後尾 d 血都唔出...
仲要話我梗係整郁左支針移左位,所以抽唔到啦....
之後佢"蚊"左少少出泥移過個位,佢咁郁一郁....痛到我丫....頂....
捐完血之後坐左一陣又要上堂喇,不過唔知係咪捐完血呢,好鬼眼訓.....
呢堂 enviro ....又訓晒.......哈.......

今日情人節,都冇咩地方去

仲要諗唔到去邊先死…乜都仲未準備好

不過好彩今日有人要training咋,唔係就咩時間都冇.....

放左學就去左銅鑼灣行左一轉,之後又番左屋企hea下

上下網又打下機咁,到左五點左右就出左去荃灣接人放工喇

去到荃灣就買左d野咁,雖然唔係好貴重,不過最緊要係你鐘意~

等到六點幾就出左泥喇,咁就去買下野食同周圍去行下

期間行到去買野間舖頭,差d以為自己買錯野添~

行到去千色店o個時攞左d野出泥,冇諗過你會咁surprise呢~

o係入面又見到隻喵,睇左好耐,仲以為我真係要帶o個條咁 kawaii ge電話繩呢.....

最後就去左飯廳食飯喇,開頭都諗住係一間幾普通ge餐廳,點知...

去到個門口,俾人個感覺都幾high咁,價錢仲...

其實我又冇咩所謂,最緊要好食嘛,不過有人又話唔好,咁咪去第二間囉

最後去左間叫八太郎ge居酒屋

去到坐低就叫野食喇,蠔,冇....蟹,冇...石頭飯,冇...就連拉麵都冇...死未....

最後都係叫左幾樣野食,好彩都ok ge...

食完野又去行下咁,諗住去海濱公園啦,點知又去錯左荃灣公園....

o係入面影下相,傾下偈,最後就送埋另一份野俾佢喇

點知…一d都唔覺得人地開心囉…有人話一早估到喎....

Cher....

第二日都要返早,所以十一點幾就要走lu
雖然個情人節過得冇咩特別,但係有我陪你過都希望你會過得心啦~

放左工番到屋企就沖涼,沖完就去食早餐喇
阿媽今日唔使番工,但係下晝又去左三"扣"父屋企打牌....
食完早餐訓唔著,因為有 d 事令我幾擔心...
不過諗番轉頭....都係自己想得太多....

下晝就陪左 quinn 去見工
唔知係咪唔夠訓,好小事都會忟....
不過都好小事 je,過一陣又冇野,不過唔鐘意自己咁樣....

見完又去左扒王之王食野,之前都收到阿姨電話架喇....
又叫我上去打牌.....唔夠訓真係唔想打...想訓多 d je ....
不過食完野都係上左去,等佢地食完就打喇...
開頭都有糊食下,通常 d 天仙局都係咁....
但係打打下就係咁俾錢喇....
一圈牌竟然可以打個幾鐘....期間係"色"都未掂過....
不停冧莊...不停自摸.......
有糊叫就冇得食...唔出"充"都要輸自摸......
戰意...士氣.....咩都冇晒......

佢地又打得大喎...完全唔理我 ge 感受.....
最後埋單四百幾.......尋晚加班 ge 錢咁就冇左...仲要倒貼....
好唔鐘意輸 ge 感覺......

今日赤口年初三,每年今日都要入屯門
一早就俾阿媽嘈醒...但係都遲左叫我囉...搞到又係最遲入到去....
o係酒樓食完野就去青松觀喇

年年都係咁拜,又要摺元寶,又要上香...
今日又帶眼鏡喎,搞到係咁標眼水...
摺摺下阿媽叫我自己一個過去另一邊拜阿爺阿麻同霞姨
拜完又番番過去喇
上左幾炷香之後就上去三"扣"父屋企

今年有 d 唔同,以前上到去都係悶.....
不過今年就有隻狗俾我玩喇~~佢真係好得意架~~~!!


玩左唔係好耐阿媽就叫我打牌,其實都諗住唔打架
但係又話就我打細 d 喎,咁咪打囉...
開頭都輸 ge,後尾俾我 win 番廿幾蚊,執番身彩....
打完就食飯喇,每次上去都食到好飽,今次亦唔例外....
食飽左佢地又打過,我就坐下睇下電視
到十點左右就走喇,要返工嘛~

今晚都好清閒,冇咩 call 接呢
坐下訓下又收工喇~

今日係大年初二,同以前一樣都係唔使去拜年~
放假又係同以前一樣訓到晏晝先起身呢~~

訓醒左就去左新都會買飛睇戲喇
o個時都係兩點幾,夜晚 d 飛都仲有好多呢
比想像中冇咁多人,可能係好多舖頭都冇開啦,而且 d 人都要去拜年嘛~
今次買左三張飛,點解~?因為霍元甲囉~~

買完飛仲有時間,咁就去左機舖喇
又見到有人打 house of the dead 4,咁就睇下啦
點知條友都痴線架...第一次見到有人打到 ch 4,仲要一下都唔中....
呢個時候就有電話泥喇,咁就過左去荃灣
食左 d 野就去左 ikea 度行下,都係今日先知荃灣有呢...

行到差唔多七點就番過去新都會食 pizza hut
叫左好多野食...食到好飽...冇辦法啦...要夠 $130 先換到張咭....
又有個免費 ge pizza 喎.....叫左三個小食加個飯先夠......
開頭都驚會遲入場架,不過客人都唔係好多,d 野食好快到
食完之後就落去戲院睇戲喇
但係落到去...嘩...激多人....我都係第一次要排隊入場睇戲架咋....
仲要遲左俾人入喎,都算啦,未入去已經開始左,開頭有少少都睇唔到....

套戲其實冇想像中咁好睇,可能打o個 d 位之前都出晒
加上霍元甲好無敵....最後個中村獅童都完全唔夠打咁...
不過都真係打得幾好睇 ge,但係知道 cut 左好多,遲 d 又要睇番碟....
睇完套戲都十一點幾喇,跟住就番屋企 lu