2006 年 1 月 17 日 星期二  |
| 貼我.....!? |
今晚俾人貼左....仲叫我快 d 答.....
我實答 ge ,不過唔係今晚.....
等下啦~~
到時再加番兩三篇日記先~
好~~而家開始答問題喇~~!
先回答一條問題
1) 中新春金多寶~ 6 千萬呀 !!
2) 補考唔會多過一科....
3) 順利畢業.....
4) 讀完書搵到工
5) 令阿媽每日都過得開開心心
6) 同你地 keep 到一世好朋友
7) 有車.....
8) 有樓.........
9) 結婚.............
10) 生仔....................
邊有咁多野想做丫.....
被點人士除左要答以下問題之外，仲要係最後加多一條問題
11. Sandy問: 如果時光可以倒流，你想回到哪時?
細個每日都開開心心,無憂無慮o個時
12. Nic問: 大家可以用愛他人的心接受他過去和一切過失嗎?
可以
13. 程問: 如果真係要死……你想自己死先定係自己o既情人死先?
你死先啦.....咁多野唔問...問埋 d 咁 ge 野.....
14. 歡問: 點你名果個人係咪你愛既人之一? 十個愛有幾多個愛?
佢有資格咩~!?
15. 假如你識游水, 阿媽同愛人同時跌落海, 假設阿媽同愛人一樣體重, 救邊個先?
阿媽都唔識游水,梗係阿媽啦
16. Kev問: 當你寂寞時, 會想起誰?
地位祟高o個個囉
17. Dodo問: 在你的人生中, 最傷感/最唔開心係咩時期?
過左 ge 野仲提泥做咩丫~而家開心咪得囉~
18. Wilson問: 直到現在,你對兒時的理想/ 夢想還有堅持嗎?
堅堅地啦
19. Carlos: 覺得10年之後自己會係一個點樣既人
中左金多寶 ge 有錢人~~~
20. Bowie問: 你會唔會唔敢示愛?
唔會
21.wincy問: 依一刻, 你最想邊個出現係你面前?
22. Be@n問: 你會為理想而不惜一切嘛...?
唔會啦
23.★海晴㊣問：朋友 你的旅遊勝地 在哪裡喔!?
幸福島,台灣
24. 嘟賢問：拍緊拖既你或暗戀緊人既你鍾意邊個(我指愛情既鍾意,唔好講d明星名出黎)？
請列出全名,花名,年齡,外表,性格 (玩大D)
林嘉欣..........
25.姐夫問:拍緊拖既你或暗戀緊人既你既對象係o係邊識同點識?
學校....呢個就....有冇人可以幫我答~?
26.Matthew問:如果你見到暗戀緊人或X拖住果阿叔或阿爸級的伴侶時你會有什麼表情和感覺
27.ket問: 你現在過得愉快嗎? 為什麼?
日日都咁愉快~
28.houwai問:送你一個願望你會要咩同埋點解?
24號開 ge 號碼~~仲要問??
29.Loraine問:如果有日起身gei時候你發現自己變左做陳思敏,你會點?
邊位呀....
30.kaki問: 到這一刻為止,,邊個係你最重要既人? 只此一人!!
阿媽啦梗係
31.哥拉問：如果你可以同人交換身份，你想同你邊個朋友交換？？點解？？
我好滿意喎,唔使換啦
32. fifi問:窮極時會唔會出賣色相?點解?
痴根 ge 你都......好痛架....
33. woho 黨成員問：只可揀讀香港專業教育學院同副學士,, 會揀邊樣. 點解?
ive 啦,我鐘意囉
34.昇問:如果楊受成想唱K,要你揀一個女歌手陪佢,你會揀邊個?
欣兒.....
35. 黃蛇問:比你揀...你想有lulu既身高但有彈跳...定有家熙咁高但跳唔起呢?
無聊....
36. 寶瑩問: 如果俾你喜歡的人擺明拒絕你愛意, 你仲會唔會放棄?
咁就順其自然啦
37. milk問: 分左手之後會唔會同你個ex做朋友?
會
38.阿魚問: 識左最耐既朋友係邊個....識左几耐?!?!.
有一個小學識到而家,不過唔知仲算唔算朋友
唔計 ge 話都應該係阿 joe ,都七年 lu
39. Winson問：示愛時，你第一句講的會是什麼呢？
喂~~
40. Christy問: 答完咁多題既你~ 而家最想做咩?
打牌~~~
算俾面啦,用左我好多時間答架~~
下次去食 pizza 你請啦~!!
|
| 2005 年 12 月 29 日 星期四 |
唱 K 打邊爐  |
今日約左 ive ge 同學仔去唱 K
不過我又遲大到呢...
出現 ge 人有健, rex, penny, taka, 我, quinn ,同埋好耐冇見 ge teddy
唱左好耐呢,不過都係冇乜點唱
期間睇左杜汶澤個 MV, 超好笑喎
唱完 K 就去左陪人整錶啦,其他人就陪左 taka 去整電話
整完錶 join 埋 kevin 就o係旺角行左一陣
諗住去滿記再食榴槤布甸啦,點知...西貢都冇咁貴 ge....
所以三個人淨係叫左一個布甸,食完就走人去左石磨坊喇
去到食左兩個糖品,都唔記得叫咩名喇
淨係記得個刨冰山好高, d 芋泥好好食 je~~
仲要勁大件喎,三個人食都食唔晒
食完佢地就打泥,點知佢地仲要等到七點先攞得番個電話
所以我地三個就去奧海城 join 阿堯先喇
諗住去食飯o個間野度睇下先啦,點知個人話得兩個鐘喎
食都唔止兩個鐘啦,仲點玩喎
好彩阿堯話長沙灣有一間,咁就打左個電話去問下喇
任食任飲之餘仲任坐,咁就決定去呢間喇
o個度有個部長唔知想點,係咁走泥同我地講野喎....
個爐又唔係好聽話,食食下又會唔著....攪到要換爐呢
食左一輪之後就開始玩喇,不過 d 酒唔係咁好飲...
呢晚 taka 飲左唔少呢,不過好彩佢冇咩事 je,因為我都有份攪到佢飲咁多...
我地玩到十二點到人地收舖就走lu |
2005 年 12 月 28 日 星期三  |
| wild camp第二日 |
原本就八點半要起身 ge,但係尋日實在係太累喇,唔想起身......
到左九點半都係俾人叫醒,刷牙洗面之後就食早餐喇
食飽左就要執野走 lu,我地沿路行番出去
到左睇報紙o個段路.....見到好多牛屎呢...都唔知有冇踩中..我諗冇掛...
之後就行第二條路去玩游繩喇,又係行山呢
呢段行左一個鐘左右,但係中間就發左 d 事
XO 受左傷呢,開頭都有 d 擔心 ge,但係望真 d 原來條友o係度扮野
你 d 戲唔該做好 d 啦,好嘛~~?
不過呢個時候,就見到其他人 ge 真面目喇....佢地竟然o係度影相唔理佢....
行左落山之後就去左間士多坐下,等到阿安佢地 set 好繩就出去喇
因為好多人都係第一次,咁阿安就教我地點著o個抽野,好搞笑呢~
不過游繩用左好多時間,去到中間仲落雨添,好凍呀.....
游繩都真係幾好玩,不過實在太短喇,好快就落到去...
落到去隻手都俾條繩磨到好痛...
到個個都試過喇,就搭番車出西貢解散
但係要等好耐先有小巴,咁我地就 call 的士喇
出到西頁就去左 M 記食野,好餓....
食飽就各自番屋企喇,我地兩個就行左一陣
之後就去左滿記食糖水
食完就搭番巴士出鑽石山,訓到差 d 唔識落車呢
約左阿 joe 攞番個銀包同個袋,跟住就搭車番屋企訓覺 lu |
| 2005 年 12 月 27 日 星期二 |
| wild camp~~~ |
今日好早就起左身,因為今日要去 camp 嘛
一早就去到阿 joe 屋企攞野,諗住自己都遲左啦,點知 d 人都遲...
之後就番中心喇,番之前就去左買早餐,先發覺漏左個銀包o係佢屋企......
去到中心,見到一大班死o靚仔,好Q嘈....過左一陣先知要同佢地一齊去.....
食完個早餐其他人都到喇,真係遲.....
跟住就分組攞 d 營呀爐呀o個 d 野,攞完發覺個 bag 勁重....
執齊晒之後就搭車去西貢,再轉車去黃石
o係車度o個班死o靚仔o係度嘈住晒,難為阿四同阿圖仲要睇住佢地.....
去到我地就開始行山,o個度 d 路都行得幾舒服
行左大約三個幾鐘左右啦,我地就去到個 camp site 喇
終於都可以放低個袋.....
去到就開始搭營喇,第一次搭都唔係好識呢
之後去左斬柴夜晚用,去到六點左右就開始整野食喇
都唔明佢地兩個 ge ...明明 d 野都食得架啦,都唔俾人食 ge ....
食飽左就要洗野,再 hea 多一陣就要整晏晝買 ge 蛋,橙同椰子喇
個椰子好難開呢,乜都冇,搞到要野人咁用石頭開...
開完就發蛋,跟住就倒落個殼度喇,不過o個時都唔知佢會點整 ge
搞掂就開始今晚 ge nite solo 喇
行番我地入去 camp site o個條路出去起點
朝早同夜晚行都真係差好遠....都真係有 d 恐怖架
行到去起點做左一陣 briefing 就逐個行喇
其實都只係一條直路 je,冇咩特別野
不過行到去終點時一個人都唔見 ge,冇可能架喎
我又唔係第一個....行多兩步就見到有閃光喇
原來係個個坐低晒唔出聲~
到齊人之後就諗住走得啦,點知仲有得行
就係行條未行過 ge 路,要入去睇張報紙
o個時好多個女仔都話唔玩,阿安就問邊個夠膽入去啦
又冇咩好驚,咁咪舉手囉,點知佢就叫我第一個入去
入到去睇左段野,但係入面太黑喇,用入面支電筒睇完野出泥行左一陣先睇得番野
初頭以為等齊就番去啦,點知要自己番.....
呢段路就真係好長喇,起碼要行兩三個字先番到去,呢度都真係有少少驚架
番到去之後等齊人就開始 camp fire 喇
debriefing 時我都唔知自己講左 d 咩....淨係記得講左好多次個驚字...
但係我又唔係真係好驚咋喎......
到咁多個講晒就食我地整 ge 椰子蛋同橙蛋喇
o個時其實都幾大風架,又凍喎,個個都冇食,得我同阿 quinn 兩個食
不過都冇乜味,唔多好食
番到個營我地就煲水食燒夜同飲朱古力喇
食飽左就訓 lu,又凍又累又眼訓.....
但係呢晚都訓得唔好呢,因為真係好迫呀.....
五個人迫o係個營度.....想轉個身都唔得....郁都郁唔到呢.....
仲要被人搶晒 d 被喎....凍到....
就係咁....第一日 ge wild camp就過左 lu |
| 2005 年 12 月 26 日 星期一 |
| 冇番工 |
尋晚訓得唔係咁好...但係好舒服呢~~
很矛盾嗎~?對呢~~
朝早唔o係屋企,到下晝番到去諗住訓下啦
夜晚要番工嘛...請唔到假......
點知一番到屋企又去左第二度玩.....
冇訓過添...
落到去巴士站見到冇人等車....
再望下個電話.....shit.....
最後o係別人 ge 慫恿之下....番番上樓....哈....
其實個人都好 tired,尋晚無覺好訓嘛...
不過番到屋企都係冇訓....去左"石澳"玩~
直到點幾兩點先訓...
早知係咁 ge .....還掂都夜訓咯....番工好過啦....
p.s 而家係 1 月 10 號 ge 夜晚 12 點14 分
聽日要 test ge 我竟然o係度打緊日記....
唔想溫書呀.......!!! |
|
|
