已經成個禮拜冇寫過日記喇,我都懶得續日寫.....
還掂呢個禮拜得一樣大事發生....就係病......

星期一一早起身就開始病....
頭又痛又暈....作嘔發冷冇胃口乜都齊....
番到學校都上唔到堂 ge ,好想訓呀...
不過佢講 d 咩都唔重要,因為我都用唔著~
諗住之後可以留o係學校溫書,但係根本都溫唔到,超辛苦.....
有勞你送我番屋企呢,不過番到去都訓唔著,有 d 野要攪~

星期二就學都唔使番,原本諗住番去抄 notes ge,但係都番唔到...因為成朝都肚屙....
明明尋日咩都冇食到...都唔知屙出泥 d 野o係邊度泥....
下晝頂唔住都係去左睇生,醫生話我感冒菌入腸搞到腸胃炎喎....
咁睇得醫生,就緊係攞醫生紙啦,咁就當然係攞埋星期三 ge 咪唔使 test 囉~~
之後又有人送我番屋企,之前去左食 d 野,又去左樓下間爛茶餐廳...我真係以後都唔會去!!好難食...

星期三冇 test 到,留左o係屋企度 hea,病嘛~~

星期四就番左學,不過就冇上到英文堂,番到去杏花就去百佳買包食,要清淡 d 嘛....
去到 canteen 都冇位坐,咁就去左個唔錯 ge 地方食我地 ge lunch ,不過最後都係俾人趕....
跟住就去左 402 做 report,到兩點半就上堂,之後就再做 report 到七點幾
做完一大班人就一齊出左去旺再度行,首先就係去醫肚,但係我就食到個肚痛左個幾兩個鐘...辛苦....
食完我地就上左朗豪坊度行,佢地都有收穫呢,不過我就冇錢買...哈....
買完又去左波鞋街,行完又去食糖水~~之後就走 lu~

星期五起唔到身上 micbio tech 個 lab ...諗住扮肚痛所以遲到...點知就開口中.....
刷完個牙就屙左幾次...抖左個幾兩個鐘左右就去睇醫生攞醫生紙,還掂又屙...順便攞埋嘛....
之後就番去做個 an chem lab,不過遲左番佢地都搞掂咁滯
做完個 lab就去 402 做 assignment 同個 report,之後就去上堂喇
落堂就出黃大仙上堂,今堂玩個 game 都幾正,爬枱~但係少 d 體力都玩唔到囉....
我就係冇....屙都屙到我腳軟,行多兩級樓梯都想死呀....
番到屋企就係咁打電話,要借衫同褲,淨係著一日,唔想買嘛....

星期六有人話好暈,諗住同佢睇醫生啦,點知入到去又唔肯睇....
之後食左 d 野就番屋企,坐到五點半就出左去行下,屋企冇野做悶嘛
其實諗住買恤衫,因為有人話借俾我但係又唔記得帶,不過最後都借到,只係冇諗過會係佢 je ...
去左屯門度行,行到差唔多八點就食野,超多人呢.....
食完再行多陣就番天水圍攞衫,跟住就再過九龍攞褲.....
番到屋企都十二點半 lu....

今日又冇番到學,聽日又唔使番,五日 ge 假期呢~
夜晚就入左去筲箕灣同班朋友仔打邊爐~

七點半左右就入到去喇,但係我唔鐘意阿 rex 囉~哼~你唔理我架喇~
今晚有十個人去,quinn,taka,rex,健,penny,堯,曾健,kevin,雞翼同我~
開頭都冇乜野玩,因為個個都掛住食野
食到咁上下就開始玩喇,例牌又係玩圍枚
之後就猜 partner,估唔到 taka 猜包剪揼係咁勁架~~
但係我地o個邊係唔識玩左一拳右一拳架囉...包括我自己.....

之後就玩左幾個 game mix 埋一齊,鐵鈎船長,蒙羅麗莎,芭蕉樹,bang pang wa 同大波細波
幾好玩呢,不過 kevin 玩到十點幾就要走,番工喎...
今日先知佢又有番馬會,個個都係今晚先知呢...
再夜 d 就泥左隻豬一齊玩~
不過玩到十二點鐘個個都要番屋企 lu

今日又冇番學,因為要整野食嘛~
十點幾就入到去,但係冇電話所以就上左去先喇
今次上到去仲見到佢哥哥添~
一開門就見到個新 ge 短髮 look,都唔算係好短 je~幾好睇丫~

坐左一陣就去左買野,買完返去就開始整喇~
一開始就要落左好多野調味,但係攪攪下發覺有 d 唔對路....
原來係我唔記得就番 d 份量....落得太多五味粉....好似朱古力咁呢.....
之後發現唔記得買菠蘿,買完又買...
番到上去就繼續整,不過我都係睇 ge 多,唔識嘛....
玩玩下發現左樣野,原來玩 ge 唔係"泥漿",而係"蛋漿"~~~~

整完呢味之後就煮菜同豆腐,今日先發覺清清地真係可以好好味呢....
因為呢餐飯實在係攪得太耐...食飽左都已經好晏 lu
諗住可以睇碟都唔得添....

過左一陣就出左去元朗,因為有兩張免費飛,所以就諗住去睇戲啦
點知上到車先發現張飛只可以o係銀座度用.....
不過o個時都叫早啦,咁就可以行下先番去睇
去左打機呢,玩左太鼓,睇就睇得多,今次係第一次玩呢,都幾好玩~不過就差左 d ...第一次嘛.....
再周圍行下咁,就去左食吞麵,o個粒雲吞大粒到丫....

食完野番去睇戲,一係就殺破狼,一係就 the exorcism of emily rose
因為其他唔係睇左就冇興趣...最後都係揀左 the exorcism of emily rose
不過有人睇o個時勁驚囉,都話唔好睇呢套架啦,我以後都唔會再同你睇呢 d 戲架喇~

一生何求

若有你 若有我 還有十塊 這樣我 便可以 約你去街
只有十塊 什麼信物平便買 甜蜜蜜吃些燒賣
沒老友 沒女友 如何愉快 生命要 用把尺 透徹了解
得到 沒有 或者當造還舊債 事業完美得不解
大概天要我兩者挑選 跟你兩個 寧願缺少了人緣
對我 你遍庇護縱寵 事業仍為我捐

若要的通通也沒有 然而仍可手挽手
剩下溫柔 問我一生復何求 庸才 仍可得到你問候
無限滋油 慢慢細賞星宿 沒有錢不要走
到了有錢通處走 樂在心頭
問我一生復何求 庸才 難得找到你願受
情在心靈 在身外 任一切 沒有

今朝差唔多六點先番到屋企,但係又鬼死咁精神喎~
梗係啦,坐 key 係冇咁多 call 架喇~又可以訓吓~
唔似得 d 坐 exp ge 做到死~哈~~!

番到屋企 hea 左一陣就訓覺,一訓就十一點幾
得五個鐘??梗係再訓下先啦,點知再醒已經兩點幾...
醒左之後就食野,食飽就同人傾下電話咁
到差唔多就要出去喇

點知唔記得左要去影相...出到黃大仙都六點九.....
好彩影相o個度好快攪掂,但係都已經八點..
半行半跑咁走番去,換埋衫都仲有時間俾我坐下...
頂....早知就唔使咁趕啦....

d 野 set 好晒就開始個筆試,唔難..但好多野寫....
跟住 ge 就係一個 mock exam,第二個就到我...有 d 緊呢....
話晒都係第一次做 referee...都唔多好...至少我都係俾自己緊緊合格...
諗住考完就可以坐下啦,唔使我打 free fight
點知又俾人叫左我出去....皇命不可違....

o個對拳套真係....勁臭囉...未帶上手已經聞到...得閒就洗下佢啦...
開頭打都冇乜野,不過打左一分鐘都冇就冇晒氣....
到就完 ge 時候....背脊中左一腳...好痛....
打完又多個地方痛....又拉傷背脊 d 肌肉...shut........!!!

坐到十點多 d 就落堂,早左差唔多成個鐘....
番到屋企.......好 tied ....仲好痛....!!!