四點就起左身溫書..但係又訓唔著....
好眼訓呢...都溫唔到ge...

差唔多九點番到學校食早餐
唔知點解會同星期二發生ge事一模一樣呢...
但係一個人ge出現就破壞晒喇...

食飽就入左library溫書,但係都溫唔到ge...
搞到一點半就入去考試
d mc好難呢...不過好彩d long quest都識做
合格就應該冇咩問題ge
考緊o個陣去左toilet打電話,差d俾人發現呢...

三點九就出左canteen坐,等齊人就走喇
之後就出左旺角行
行完就番竹園食野,跟住就番館

好唔想番呢...每次都係教...真係好悶...
仲要教埋d人都勁惡搞....
下個禮拜四可能要請假番館...
今次真係考四段呢,實好好睇je
但係又請假...又少d錢洗...

今日提到一些事...真係有d唔開心呢...
很想可以好似以前一樣...
但又或者...係自己太多心呢...

呢一兩日有件事很想做..但又很怕做...
仍然未有心理準備呢...

尋晚唔知做咩頭痛...諗住早d訓今日會冇事啦...
點知一起身又痛番....成日都間唔鐘痛下...

十一點幾就醒左,hea到兩點幾就去自修室溫書
不過今日溫得好慢...好多都要睇多次先明...

有d人o係佢未換電話之前
我係唔會再打俾佢架喇!!

溫到八點幾就番屋企...
因為好肚餓..

今晚仍然係早d訓,早d起身溫書

每次考試都係早起身,不過今次就遲左d...五點...
好眼訓呢....唔知做咩訓唔著..訓一陣又醒...

溫左一陣就搭車番學校食早餐
食完就溫書喇,不過就留o係canteen溫,唔多想入library...
溫到點幾就上三樓考試
之前都有d緊,不過入到課室反而好輕鬆呢

個課室真係好凍好凍...借左teddy件衫泥著....over size....
著左都叫做好d...但係都仲凍...身子弱呢....

好多個都話今次exam比上次個test易
可能係今次自己冇溫書啦,我就話都有d難喇...
不過合格夠架喇,同埋唔使輸已經好滿足...
不過我都望人地考得唔錯ge~
最好就同分大家都唔使飲~

考左兩個鐘都冇就走lu
其實兩個鐘都嫌多啦...仲話要做三個鐘...
做晒就落左canteen坐,鮏左阿rex部psp玩
第一次贏呢~都幾有滿足感~

跟住就諗住去自修室溫下書咁啦
點知又出左尖咀....哈...
o係金星見到有部新機,唔知係咪阿joe講o個部呢
打左一陣就周圍行下,行到八點幾就番屋企lu
有栗子食~多謝呢~

相對無言的感覺是否難受
視乎你怎樣看待兩人之間的關係呢

明明呢兩日都唔夠訓,但係今日又勁早醒左呢...
醒左之後就睇左d notes咁
跟住就同左媽媽去飲茶

食飽飽就去打bowling
其實佢都話我要考試唔去架...
但係佢又想打好耐,今日唔陪佢又唔知幾時先得..

加上又多一個藉口俾自己唔溫書呢...
我...真係想逃避呢.....
打左兩個鐘隻手都幾tired...
今日ge狀態都幾飄下...

打完就陪媽媽去買野番屋企煮飯
食飽就坐o係度打日記~
一陣要溫書呢...好唔想...

今晚要早d訓,聽日要早d起身溫書~
我係唔會re-exam架~


呢幾日想起joey一首舊歌.....

今日起身之後就去左食野
跟住又入左沙田
o係新世紀見到阿堯呢~
我真係讀書架~

諗住去完沙田就去自修室溫書啦
點知攪掂晒d野都三點半....
自修室又五點鐘關門大吉喎...
又番左屋企...

online同訓覺.....
又冇溫過書....shit........!!

晚上傾電話...發覺自己原來失去左好多野...
好多細個ge回憶...好多值得我去回味ge童年往事...
好多相都影唔番lu....
從此又多一樣值得我後悔ge事呢...哈....