仲諗住今日要去下街,買下野咁
不過又訓到差唔多三點先起身.....
唔知做咩訓唔著....實係早得滯訓唔到啦...

好似好耐都冇試過同人講電話講通宵喇....
尋晚講左d野俾人知,又知道左人地d野
你都唔係第一個話我觀察力強架喇....對上一個人係...

六點半就出左去同阿joe食野
講開一d朋友間ge問題,其實大家遇到ge都差唔多
或者只係我ge錯覺啦,不過好多野都唔係我地可以控制得到

夜晚上左去中央踢,好耐都冇去過喇....
唔知係咪通完頂....個人都冇乜力...波都控唔定....
今晚同大口撞左幾野...又俾佢踩扁左隻腳趾...勁痛呀....
踢到手都損埋...都係睦鄰街好踢d.....

食野時講番起以前吉之島o個件事
諗番起都覺得成班人都好傻,好好笑~
但係唔傻ge事,又點會咁開心丫~

又係星期五,又係無聊ge一日....
一早就要番去上physio,今日已經係連續三個fri冇遲到lu~
上到十點發生左個小騷動...又有不速之客....
係..我係驚....咁又點..黑帶都有弱點架嘛....

之後ge org chem上左半堂就教晒
未夠十二點就開始o係canteen度hea....
做完report sheet同填完form就食飯
之前飲左一啖人地支野...唔難飲..不過有d怪囉....仲話要飲晒佢....

食完飯又係bigDee...個個禮拜五都係咁....又話溫書喎...
玩到四點幾就上五樓上堂
今日先知原來我係俾人黑住架囉..你一唔玩.....

呢堂physio tutor問左好多問題
但係d點解溝酒飲同用飲管飲會易醉d
ester都係解釋唔到....
不過呢堂學左個新字~ "T-cell" !!!
呢種T cell又唔同o個種T cell架喎~
搭車時又有多個新term~~
micro........~~~~~
到底係有T cell先,抑或有micro.......先呢~~

今日訓到點幾先起身,點知一醒就收到d不幸消息....
冇野ge....不過受番幾腳都在所難免架喇....

原本阿媽就話請假要我陪佢,但係尋晚先同我講請唔到....
又無無聊聊咁hea左一日...
有時要想通一件事,真係需要講時機
想得通當然係好事,但想唔通ge,又何必去鑽牛角尖??
今日,又突然俾我想通左一件事....

夜晚出黃大仙時打俾湘湘,咁arm佢又搭地鐵
o係九龍塘join佢時....真係撞到蘯蘯聲.....
番到竹園時有d人又未到喎,就係咁俾人脅持左上慈雲山....
番到落去已經七點九,但係我都未係最遲囉....

食完野都已經過晒鐘,又咁難得見到肥仔,所以就繼續傾偈
不過就唔係傾左好耐,到九點左右就走lu
之後三個人o係黃大仙行泥行去,michael仲做埋d白痴野
都好似好耐未試過笑到標晒眼淚水喇~~

今日去中大參觀人地d lab
勁早九點就去到火車站,齊人就行過去
點知我地到左,學校班人都未出發....
等到佢地十點先泥到.....

briefing完就分開幾組參觀
首先我地行左一樓,睇左d唔同ge mice同hamster
有d mice係mutate左,變左黑色同灰色,都幾靚架
但係有一隻就勁樣衰....仲要冇毛添....

之後就上左去四樓,呢層就全部都係擺動物ge
入去之前又要著袍,帶mask,頭套,鞋套同手套.....
我覺得自己真係好似董太囉.....

其實d房都冇咩特別,不過有d facility就學校唔會有
o個個人仲俾左隻兔仔我抱,勁kawaii~真係想帶走佢~
最後去睇埋個放大隻動物ge房就走lu

番到去hea左一陣就上個英文堂,佢都痴線ge...
又要分開坐,又要拉起塊板,in class assessment之嘛....
勁求其咁寫完就交俾佢,跟住就落canteen食tea
食飽就番屋企訓lu...

今晚番工話就話番十點,但係又十一點先做野
不如你俾我訓多一個鐘好過啦...
今晚先知原來自己都開到key位
早知同佢講話開到,咁就唔使咁悶啦.......

今日protfolio終於都到我present lu
唔知係咪尋晚夜訓又未食野
就泥present時竟然有d想嘔ge感覺.....

因為angela要派番d portfolio俾其他人
咁佢就搵左個阿sir泥同我地做present
未到已經要勁大力深呼吸...手又震喎...同以前考oral一模一樣.....

present時仲緊張到乜都唔記得
講野又甩晒咀...自我介紹時又唔記得講點解要揀份工...
雖然佢d問題唔係好難答...但係真係覺得自己好白痴...

不過present完真係成個人都輕鬆晒
仲有人講佢d白痴野俾我知添~不如下次帶我去行下啦~

present完食埋個tea,再上左半堂lab animal就走lu
仲聽講yanna生左個女,唔知得唔得意架呢~

之後就去左剪頭髮,咁arm大佬都去剪,仲係同一間添...哈....
去到先發覺,原來就係爆笑事件ge案發現場~唔知係邊張圓𨰻呢~

今日剪左好似好多咁,其實係之前太長喇....不過都幾滿意~
剪完大佬話我知同我剪o個個係地圖人,o個幅地圖大到丫...
等埋阿joe就三個人去行左一陣,跟住就番屋企lu