大吾的日記仔~~~
訓左十幾個鐘都仲係好tired..... 尋晚番工都幾辛苦.....最重要都係冇精神.... 都唔知做乜呢幾日唔識訓覺.... 第一次做馬終於都俾人小.... ....乜都唔記得晒嘛.... 破晒紀錄...冇試過叫咁多次leader幫手.... 真係好忙,講野講到口都乾....飲水都冇時間.... 跑完晒咁多場就冇乜野做,但係一冇野做就開始眼訓..... 做做下野leader問有冇人想放2645,梗係有啦... 番到屋企睇埋個下半場先訓....早知就唔睇啦..... 訓醒都兩點幾...但係又五點先去到中心... 不過都係溫唔到書,實在係太累喇.... 溫到七點幾就去左食野,再搵肥張簽埋d野就番屋企lu....
仲以為今日返九點半,搞到八點就起左身.... 點知起左身先知係十點半...又訓番....又遲到... 之後hea到點半就上key skill 今日佢地要present,但係就淨係聽到班長一個把聲... 再hea多一陣就上埋個lab animal ge lec,之後就番竹園 點知俾人呃左....同左xo同車..一齊上翠竹.... 唔知做咩今日隻蜥蝪好痴我,佢個樣真係好cute~~ 今晚番去都係操左半堂,舊患....好痛..... 就連肥張都唔知可以點....咁我點呀...... 今晚外星人話要問晒佢地咁多個收錢.... 唔係到時又俾余sir話我唔做野.... 不如咁啦........炒埋我呢個財務咪一了百了囉...... 今日唔知做咩又涷番...好似又冷親添......
今日ge lab係同隻兔仔抽血 話就話係兔仔...但係就好似隻狗咁大隻..... 不過佢都叫幾得意ge 支針一拮落佢隻耳仔度佢就係咁郁,睇到都覺得痛... 個個禮拜都要搵d小動物咁搞,又要殺d mice喎.... 滿手血腥添....好殘忍.... 之後返到黃大仙d人先話又唔番館 都好ge,尋晚又訓得唔好,聽日又要返早喎 早d返屋企訓好過..... 最近發覺身子有d虛添...
今晚上左阿joe屋企一齊睇波 場波都真係好正,但係就真係睇到想打大脾..... 睇到十幾分鐘訊號中斷,以為要捱眼訓,睇精華添..... 有乜理由巴塞可以輸到4比2...... 雖然皇馬係踢得好....但係....失4球....接受唔到.... 不過唔緊要,最要都係個聯賽冠軍,仲有eto下場出得番..... 下晝搞左個日記好耐,唔係話好靚,但係都叫ok啦~
今日下晝同左阿joe去中心度溫書 點知溫左冇幾耐突然聽到勁龩ge轉牆聲.... 原來係d人o係出面裝修緊個外牆喎......無奈......... 咁就唯有上去阿joe屋企溫啦... 點知上到去就乜都冇溫過.... 佢就走去訓覺....我就同o個隻蜥蝪玩..... 玩玩𠗐佢又走上我個身度,抱住佢時o個樣真係好得意,仲好暖... o係呢個時候...令我諗起布𡂴同一個人... 過多一陣,兩條友仲走左去打winning添...溫書喎...... 打到七點幾就走喇 今日仲俾我見到阿joe個大家姐個男朋友 一睇佢個樣就知佢好蝦啦...唔係又點會頂得佢順.....
....乜都唔記得晒嘛....
