一整日都係做portfolio......
人都癲......
呀~~~~~~~~~~~~~~~~~~~~~~~~~~~~~~~~~~!!

arm arm先叫勁求其咁做完....
都仲未諗present時要講d咩.......

能夠成功地搞掂呢份垃圾,要特別鳴謝兩個人~
一個係 kevin,仲有一個係莫小姐~
冇你地我實做唔到.....尤其係d英文....
但係我唔想咁無聊同阿莫小姐玩埋d估宇ge遊戲囉....

今日係母親節,祝所有媽媽都母親節快樂~~

十點幾就俾阿媽叫醒左去食早餐
不過佢就話唔去飲茶,費事搵位喎.....
刷完牙就鮏份禮物俾佢~
一見到就話我side錢喎~不過都睇得出佢幾開心~
至少係佢呢幾個禮拜以泥笑得最開心ge一日~~

同佢食完個早餐佢就去左打麻雀.......
都好ge,還掂今晚都要返工陪唔到佢.....

今晚都唔算多野做,不過接d電話都幾多元化....
有d把聲就死咁,有d就個background嘈到一句都聽唔到.....
仲有個就買都唔識買就打泥鬧人ge...leader都俾佢鬧埋...哈....

到而家個portfolio都仲未做...大蕉....
希望聽日做得晒啦...

今日起身已經點幾,終於都開始做個portfolio
但係掛住同人chat,可以話乜都冇做過....
勁多野搞..睇到都唔想做..

六點左右就出左去睇下買d咩禮物
約左六點半...但係d人七點先泥囉.....

因為約左八點鐘踢波,所以都幾趕.....
首先就去左osim睇,除左d按摩椅外,都叫睇中個野
都唔記得叫咩喇,總之就又係按摩器啦..
睇完就去左睇錶,因為記得阿媽講過話有隻錶鍾意
但係係邊隻又唔記得...不過都叫睇中一隻佢應該會鍾意ge~
之後行過見到有燕窩,都列入考慮之列~~

最後就去睇埋護膚品,真係好煩.....
樣樣都唔同ge,種類又多,牌子又多....
都係今日先知唔同皮膚又要同唔同ge野
個sales講完一大輪都唔知佢講乜.....

諗泥諗去,最終都係決定買護膚品
買左支野用泥搽手ge,仲有一set又唔記得係咩......
買到做埋VIP添......哈...
諗番起都覺得好笑~
個sales問完我有幾多budget時,聽完我講都嘩左一聲
乜....真係咁多咩....??

買完就去踢波,遲到囉....好彩備定案..唔係又俾人插~
阿俊話我踢得好左,唔似勁耐冇踢喎..呃你做咩....
不過俾d波都唔到位,又冇assist....
踢到十一點再食埋野就番屋企lu~


今日係別人的大日子呢....但係....又關我咩事丫...........

諗住尋日咁累...一定會訓得好啦...點知...
原來有d野唔係必然...訓唔到就係訓唔到....
仲記得尋晚發ge夢...
係偶然想起...抑或根本仍然有咁ge幻想....?
我自己都唔知....


從未試過咁早,連uncle wong都仲未番到去....
堂physio其實都係死頂,一落堂就訓死左...
連org chem今日講咩topic都唔知...

直至下晝個人都係呆呆滯滯咁,又眼訓...又多野諗....
好耐都冇嘗過冇胃口食飯ge滋味喇..
食完飯又同佢地玩左一陣bigDee,又冇上到phy...
入到去咪又係訓.....

hea到三點半就去上個lab,乜都冇做咁就完左個expt...
下半堂派卷,合格都正常,不過得咁ge分數自己又唔滿意...
其實係咪要求過高呢...一個上晝ge成果...算係咁啦...

有d擔心阿堯同teddy...再係咁落去佢兩個都....
自問都仲未盡力去幫佢地...真係想見到佢地合格時o個樣..
而家都仲有一個月時間,我覺得仲有希望架..

今日終於都知道左kitty條IQ題ge答案
知道左之後發覺都唔係好難je,但係點解會諗唔到架呢...
問題係有咩做左會犯法,唔做就要坐監呢?
諗諗下...好似有人曾經問過我....

朝早九點未到就起左身,因為約左人十點
唔可以遲到囉,因為遲左就要請食飯架喇...
點知d人痴左線,九點八就到左囉....

篤波前去左食早餐,碗粥食到好滯囉...d腸粉同炒麵都冇乜食過..
去篤波ge有大佬,rex,quinn同我
第三次玩...都仲未掌握到....不過都有一個超靚ge撻Q~~
有d人仲勁,睇怕我苦練三十年都學唔到架喇~

打到點幾就食飯,再等埋penny就搭巴士入去赤柱喇~
去到先知今次係去正灘....估唔到泥番呢度...
買完野入去,擺低d野就換衫游水
都係仲未學識踩水,而且咁耐冇游過,都唔係好敢游出去
玩完一輪就坐左o係沙灘,其實我都唔知點解會講左件事俾你知....

講左一陣就俾人埋左囉~仲.........很難堪呢...
之後就去左燒野食,又玩左o個幾個game
原來都仲有人未識玩囉~~
個上山落山~~連kevin都要投降呀~~
kitty個IQ題都係估唔到,好難呢...

玩到九點幾就去左沖身,沖唔沖都唔大分別...好過冇啦...
換好晒衫出番泥玩多陣就走lu,但係個多春魚都仲未食呢......
時間都尚早,最衰係聽日要返學,唔係就可以玩夜d啦...
不過咁早起身...玩左咁耐都好tired呢....

其實咁咪仲好,一陣訓覺又可以快d訓著....唔使咁多野諗....
有人話時間都過左咁耐,點解仲要記住...
好多野...其實我都好想忘記....我只能夠話o個一日仲未泥到....