仲諗住七點起身番學校溫書啦,點知又唔知醒....
好彩有人morning call 我呢~~hee~~~thx~~!

番到學校都差唔多十點,肚餓就去左 canteen 食早餐
食飽左就上102溫書啦,點知改左去003....因為o個度要俾人考試...
落到去....爆晒.... 唯有上番102,還掂又未考,入面又舒服~~
點知溫左唔係好耐就有人泥喎...又要去番 canteen 溫...

溫左一陣就要入 hall 喇....好凍呢入面....
個 test 其實都冇想像中咁難,但係都冇溫過...
有溫實識答,因為都問得好直接,但係都冇溫....十幾廿分冇晒...
test 完就去左搵阿堯,跟住又同阿聰射左陣波...成身汗..早知唔打啦...
跟住就過左太古睇 nana,買完飛仲有時間就去太古城行左一陣

套戲其實都唔算十分好睇, mika 冇想像中做得咁好,都係唱歌好 d
奈奈,京助同做雷拉都好似,一班男角就真係唔好提.....
套戲唔會跟足原作都預左架喇,但係都只係有少少唔同 je~

睇完又去左太古城度行,行之前就去左買鞋
因為買完飛見到對綠色 ge ACE ~~等左咁耐又俾我見到,即買啦~!!
過到去太古城其實都冇咩好行
行左一陣又食左件 new york cheese cake就走 lu
不過走之前出去住宅區o個便行左一陣,有錢人住 ge 係唔同 d
有錢 ge 話我都想買棟村屋,西班牙式 ge ~三層連天台~~~

等中六合彩啦..........

呢幾日晚晚都兩三點先訓,日日又六點幾起身......
攪到個人真係好tired.....
今日唔可以遲到,但係又唔知醒....

番到 lab 已經九點,入到去o個隻 bessie 即刻用 d 賤樣望住我....
尋晚番到屋企沖完個涼就勁眼訓,傾左一陣個 an chem report 已經頂唔住要訓....
個 lab 又冇 pre 到....又一次做咩都唔知...好唔鐘意自己咁樣....
唔知係未訓醒..抑或係咁冇記性....plate 又畫錯....仲畫爛左一隻添...忟爆...!!
做到個 air sample 仲要俾個老虔婆寸我.....可惡...
做完又唔俾人走,睇乜Q個電腦丫,個 software 都廢 ge ......
waste 晒我 d 時間,搞到我冇時間食飯....
唔係佢,做完個 an chem report 食埋野先上都仲得啦....

之後個 an chem lab 好麻煩...好多 procedure...
倒 d powder 落個 flask 度都倒到周圍都係....
又餓又眼訓....做乜都做唔好....mark up d solution 都唔敢做....
攪到自已乜都做唔到咁.....感覺自己好無能....
做做下野又有 d 死八婆走泥寸寸拱,同你好熟咩而家 !
唔好再挑戰我ge EQ 呀..!!!

個 lab over run,好彩之後o個堂要遲半個鐘先上到,唔係就冇時間攪埋個 report....
入到去坐左一陣已經好眼訓...做咁耐 lab 就企足咁耐....又唔夠訓又餓...勁 tired....
見阿聰勁釣魚....我又忍唔住,諗住訓一陣啦 .....還掂佢講 ge 又會遲 d 教番 ge
點知一訓就訓到五點落堂....d notes 都冇抄到......又要搵人抄番...

落左堂就即刻走去食野,餓到爆...其實食完都唔係好飽....
坐左一陣就出去黃大仙,但係早得滯就行左一陣先上竹園
今堂都係講星期日行山 d 野,好正呀,因為今次真係可以爬山
雖然唔會好高,得一層樓高左右,但係o個日仲會行澗喎,應該會幾好玩架
可惜丫.....星期一又要 test ..... 又係 micbio tech ...又係個老虔婆......
加上星期六又要番工,o個朝六點九先放工...仲點行喎.....

落左堂就番屋企,但係都唔多想番住......好矛盾呢....
不過最後都係揀左番屋企見下阿媽,因為真係好耐冇見佢咁..
成日番到屋企佢都已經訓左,傾幾句偈見下都唔得...
好想番多 d 屋企,好想多 d 時間陪佢呢...
點解一日唔可以有 48 個鐘喎....

今晚有得睇 joey 個 concert~~
晏晝就出左尖咀行下,跟住到左六點半就一齊去食野
今晚有我,quinn,佢表妹,rex同teddy五個人

個concert開頭都幾好睇
d dancer 跳舞好勁,仲好型添~
之後有一 part 係搵人上台唱歌送手機
俾我就一定唔會唱....嘩...對住咁多人..全場爆滿喎....

第一個係個小妹妹,佢開頭都好驚架,但係joey就陪佢唱
到最後都唱到半首,仲攞左部電話走~~
之後o個個就痴痴地,好玩得,仲好搞笑~好識搞氣氛添~!

跟住仲有一 part 叫 kiss kiss 大聯盟...勁娘....
個 screen 影住o個對男女就要 kiss,嬴左就有鑽石~
不過都冇我地份,都唔知叫唔叫好彩...
不過真係有份 ge,都會 ge,有鑽石喎~~!
晏晝行o個時先見到粒 5 卡 ge 鑽石介指,成 58 萬幾...!!
真係望到我O晒咀...

之後個 concert 就開始有 d 悶....唱左好多慢歌同舊歌...
好彩今晚 d 嘉賓都正 je,張信哲同 hocc 呢~
真係冇買錯今晚 ge 飛~~

完左個 concert 就同人地番屋企
但係攪到人地唔多開心呢...

難得今日唔使做 lab,尋晚又有工番
但係今日又1有個 micbio tech test 喎....可惡....
不過尋晚部電腦可以上番網,都係成晚冇溫過書....

其實今日好早就起左身,但係又對住部電腦.....
之後都係要番學校先溫到書.....
好多野都係今日先開始溫,好彩 d notes 都唔算話好多野記 je...
溫到三點過 d 就上去 test 喇

個 test 都冇想像中咁難,雖然都係唔太識...不過要合格都唔難ge..
做左一個鐘左右要去 toilet,一起身就勁多人望住我...
去個toilet je,又唔係做完走...使唔使呀...
最白痴都係阿聰,以為我走喎~你想走咪走囉~哈~~!

test 完就落102坐,坐左一陣就出左銅鑼灣陪廖小姐攞 ipod
跟住食完野就番竹園上堂,但係記錯時間...又遲到.....

今晚玩 night solo,所以就上左獅子山
但係行o個條路又唔黑,又唔夠長.....
最衰就係條路行過嘛.....
之後就上埋燒烤場o個便玩左個 game
呢個 game 要兩個人一組,伸直隻手撐住對方,o係石春路上面d欄杆度行
其實個 game 一 d 都唔難玩,可能我同阿 joe 都唔驚啦....
不過阿 quinn 就慘 d,同左寶兒一組..仲俾佢實親隻手添....

雖然個個都可以行晒全程,但係有人跌過落泥,所以就要行石春路....
不過又冇想像中咁痛咋喎,可能係 d 石春好疏啦,但係都...有 d 野架...
落左堂就番屋企 lu,因為今晚又 overrun 呢

今日 eco 要出 trip,去西沙,但係都唔知o係邊ge....
尋晚有人話我知幾點邊度等,但係又唔同我講要帶鞋囉
講 d 又唔講 d 喎,可惡呀 !!!

去到o個度係個石灘泥,做ge野就係數snail
因為得我一個冇帶鞋,penny同阿聰都叫我唔好落去數
但係唔數就咁自己企o係度又唔係咁好喎
諗住踩住 d 石就冇事啦,點知起身時失平衡,差左隻腳落水....."shut".....!
濕晒....最後都係頂唔順...要著鞋唔著襪....

十二點左右就搭車番學校
食飯時就同阿聰傾埋個drama d 野,不過又係玩玩下....
兩點半就去上biochem,但係又訓晒成堂.....
之後 ge micbio tech上得半堂就走左去番工

其實都唔想番...因為今晚跑馬....很煩的.....
點知真係中晒.....應該都要食 warning 架喇.......
到第五場就開跑前一分鐘,己經feel 到有 d 野,想wrap左部機
但係都係冇做到.....接左個call,又係 d 唔咸唔淡 ge 廣東話.....
一聽我話買左兩千先話錯,最憎就係呢 d ,又唔聽清楚....
攪到我落錯飛....最衰就係落完飛即開跑,cancel 唔到.......
呢季都可以唔使坐 CK 位架喇....番番去坐 TF 啦....唉...
我發誓以後都唔番馬呀......!!!!!!!!!