今日又要八點半番到學校做lab....
成日都番八點半真係好辛苦...

個lab都好似好易做咁,不過又係冇pre過lab....又係做乜都唔知....
次次都話要pre lab,但係又次次都做唔到....
我真係唔想咁...連做咩都唔知,咁仲做泥有咩意思,仲學到d咩丫....

得一個鐘食飯,又要上anl chem lab....
不過個lab都真係幾易,dilute完click幾個制就搞掂
之後就走出去銅鑼灣lu
陪阿rex行左一陣,因為有錢人又有野要買嘛,不過都搵唔到,可惜呢~
之後去左steak expert食野,齊人就搭車入ocean park

去到已經五點半,可能因為咁早,d鬼屋都唔係好多人玩
第一個玩ge就係屍刑瘋人院,不過都冇乜特別
再之後就去左妖怪陣地,呢個唔只唔驚,仲超爆笑添~
行o係我地後面有pair人,個女仔勁驚喎,入面d"人"又勁嚇佢
嚇到佢坐左落地添,呢d都算啦,到見到出口時佢諗住快d跑出去
點知跑唔夠兩步有"人"o係隔離用條布嚇佢,即刻驚到跪左o係地
見佢bf想笑又唔敢笑得咁大聲,真慘~~
我同阿quinn就唔同呢,可以大大聲咁笑~~~不過好似都幾衰咁~hee~~~!

玩完呢兩個就去玩機動遊戲,都係o個d啦,冇咩特別
食左d野就番落山玩埋其他鬼屋喇
呢個時侯已經差唔多十點.....激多人.... 開頭都諗住玩唔晒d鬼屋,不過最後都玩得晒~
個荒漠工場係咁多個最得,因為係唯一一個嚇親我ge地方.....
之後ge勾魂葬族又係冇咩野,但係出番泥見到個show都幾好睇
o個兩個人玩火真係玩得好勁,不過就短左d je
最後去埋個驚劇冤伶,排隊時quinn俾鬼新娘嚇親,仲發生流血事件添~~
好多人都話呢個好驚,本來都好期待架,點知前面d人又行得勁慢
俾我地見到晒邊d位出泥嚇人....仲有咩好玩...

玩晒咁多個鬼屋就去玩個動感影院,我都係鐘意呢個名多d.....
玩完就o係入面影下相,玩下d攤位遊戲咁,不過....唉.......下次吧...
之後就出番旺角,食左d野就各自番屋企lu

玩得好開心呢,不過可以兩個人過就更好
算吧,往後還有很多個21號呢~

今日同左歷奇班人一齊去行山,起點就o係寶馬山
一早八點半就要去到灣仔碼頭,不過去到都要等勁耐車先去到個starting pt.....
落車行左一陣終於都到左,但係o個時都九點幾....
briefing完行得都差唔多十點....

開頭行最尾,o個班人行得真係勁慢....過又過唔到佢地喎...
之後停左一陣變左行最頭,超輕鬆~~
一路行其實都好舒服,冇太陽又有風,超正~~

行行下全部人都停左o係度,因為開始要分組行之後段路---山澗~
因為今次係歷奇,唔係普通行山,所以就行埋 d 咁ge路,不過我鐘意~咁先叫行山嘛~~
我地四個編左最尾一組行,五分鐘就去一組
點知行完條山澗之後...我地變左第一組到囉........好難行咩??我又唔覺喎....
沿路 d 景都真係幾靚,d 水又清涼,唔係怕有菌都真係想飲番啖~
抖左一陣之後又行過,跟住呢段路原本都幾好玩,冇路行架......點??要開路囉~!
不過呢 d 野就梗係阿安 sir 做啦~

行之前每個人都要倒 d 硫磺o係隻腳度,驚有蛇嘛~
其實呢段路都應該會幾好玩,因為 d 草都差唔多有我咁高,又密喎
真係唔覺意差錯腳ge話,咁就街喇....
但係呢段路實在係太多人行喇...得三個行樓梯上...所以都係行得勁慢...等仲多過行...
唯一好玩 d ge 就係行o個塊兩尺闊都唔夠ge木板過崖,短就短 d,不過都幾刺激~

行完呢段就係咁行樓梯....真係想死.... 上到小馬山頂又抖左一陣.....
o係呢度望住下一個check pt好似好遠咁,但係行左唔係好耐就到
呢度雖然冇咩特別,但係點都要提一提,因為呢條徑叫"野豬徑"~~

行完呢段終於都可以食野喇,已經兩點幾喇.....餓死....
呢餐都幾豐富,有菠蘿腸仔,又有三文治,仲打埋邊爐添
但係最正都唔係 d 野食,反而係個湯底呢~~好味!!

不過呢餐飯就有 d 事發生,阿霖俾隻黃蜂針到....
呢 d 時候仲可以掛住自己食野唔理佢咩,我都仲有人性架!!
連 d 唔識ge人都借冰俾我地敷啦,唔似得o個 d 所謂ge同學朋友,問都唔問一句得個望字 !!
仲要之後講番話睇住隻野飛落佢度都唔出聲囉,我咁都忍到你都叫EQ高喇 !!

食飽左之後就繼續行,跟住 ge 路都好易
但係o個班咁ge人實在係行得太慢....去到水壩時時間唔夠...游繩要cancel.....
不過泥到呢度有 d 好爆ge野...因為見到"栗子" .......
同我一樣咁得意~~~


影完相又繼續行過,下一個check pt係另一條山溪
原本就諗住 set 繩上架,但係去到見到 d 水流比較急,驚會有意外,最後又cancel......
唯有行番轉頭啦....好失望囉.....最想玩o個兩part都冇得玩....
就係咁一直行番落山腳,咁就完左今日ge活動.....
又唔算係好差ge...但係就冇想像中咁好玩,冇左o個班人會好好多 !!

之後搭的士出番市區食埋飯就番屋企,諗住溫書啦....
最後...當然只係諗下啦......哈.......

已經好耐都冇打過日記lu
咁耐都仲未整番好部電腦...都全靠某個姓關ge賤人....
不過....又唔賴得晒佢ge...自己都懶...又忙喎~~
好彩都仲有個成成,今晚番工就可以俾個harddisk佢整lu~~
唔知佢又要整到幾時呢...

快又點丫,到佢整好都要差唔多十月中先可以set好.....
真係好忙好多野煩.....
以前搬屋都唔覺,但係而家大左,好多野都要幫手去攪
睇傢俬,訂傢俬,水電雜費又要攪,好煩好煩....
每次都攪到自己好炆....仲發脾四添...
呢排有邊個受過我氣ge....o係度同你講聲對唔住~~
尤其係我媽媽啦,前兩日先有人話我好錫佢,聽到都真係有d慚愧.....
點都要學下控制自己d脾氣,要提高下自己d EQ 先得~

anyway,搬屋d野都大致上叫攪掂晒,係爭屋企d野未執好
開頭都唔多想搬去架,但係而家就好想快d入去住,快d安頓好所有野,咁就唔使成日煩住喇~~

不過唔知係煩搬屋野丫,抑或自己真係咁懶呢.....
開左學都三個禮拜,冇番學ge日子...我諗都佔左三份一.....哈.....
個time table又 X 喎....除左日日八點半之外.....
竟然可以有兩日中間有三四個鐘空堂....唔係而家都唔會打日記...
仲要有d miss 又超廢喎....即係o個隻vivian....
番左咁多年學,除左卜記個伍太之外....都未見過有一個教書ge可以好似佢咁....
biochem....自修把啦...好掛住esther呀.....

唔可以再係咁落去喇....最多懶埋今個月,下個禮拜三號開始要做番個好學生!!

尋日收到兩樣野,一樣我會好好咁用佢,另一樣就會收埋佢
諗諗下,好似係咁耐以泥第一次收到你俾我ge野
如果要我揀,我會鍾意第二樣野多d,比收到第一樣野更開心
收到之後,我已經當係你對我作出左一個承諾
我很相信你的,比任何一個更信任,所以當我發現你失信於我時,我會好失望,好嬲架
咁....你識做啦~~

過去的事,就別再提了
曾經有段時間,我好想知道清楚一些事
但時間已經過左咁耐,呢d野仲有需要知咩??
過去的就由他去吧


好耐都冇打過咁多字.....
希望下次會係用自己部電腦啦...
個summer都發生左好多事
唔知下次可唔可以泥個總結呢?
還掂都冇可能打番咁多日ge日記,咁揀d開心野去記下啦~

過左咁耐,今日都終於可以打番日記喇~~
但係暫時泥講都係得今日.....
點解...??咪就係因為部死野未復活囉......

冇打日記ge呢段時間都真係發生左唔少事
但係都係唔開心ge野多....唔只自己,身邊ge朋友仔都一樣....
what the fxxking summer.....

講番今日先,因為有d人需要我ge關係,下晝冇番工
偷偷地走出泥時俾人發現左...希望聽日唔會俾人鬧啦...
但係泥左成個鐘...就坐足咁耐...如果真係夜晚先搬ge...咁就大蕉喇...

今日係jupus放榜ge日子
有些人如願入到大學，雖然唔係你最想入o個間,不過都好過冇啦
咁泥緊ge日子,o係學校可以唔使見到那些人了~hee~~~!

尋晚發左個都幾得人驚ge夢...七月夢見d咁ge野.....
訓得唔好...好ivan呢....尋晚有d人又....
我點可以唔泥丫~~有人想見我,掛住我喎~~


有機會....再打啦...

今日星期六,真係hea到爆.....
朝早行完一輪就冇野做
下晝行行企企咁,時間過得真係慢...

去左個好耐冇去ge地方
咁就話咁快過左一個鐘呢

夜晚番到屋企...
發現左一樣野,有點失望呢
每次都是這樣的...
當有些少希望時,總係會叫我失望
可能是我多心,但又或者我真係做錯左

算了,我不要再為這事而煩了
就由得別人決定吧

明天去唱k的意欲又減少了
不過都應該唔會去啦
有別的事比唱k更重要嘛

好好地睡一覺吧,不會有事的

有個可惡的人向我說了大話
想我原諒你嗎,哼~請食飯吧~
你那個謎題,要估又有多難丫
我一早都覺得係,不過唔知中唔中呢~