好耐都冇寫過日記 lu ~~
睇番上次寫o個時都已經成個月前...好懶添....
遲 d 有時間又記得 ge 話要寫番前o個排假期去 camp 先得~~

其實放假前後都係差唔多,忙.......
忙住做 report , 忙測驗, 忙 re-exam ......
哈...講就咁講.... report 都冇乜點幫手做.... test 又到最後先溫...
eco 個 re-exam 又唔識...希望唔使 retake 啦...!!

放完假到而家, 幾日就有一個 test
幾個 report 都仲未做...星期二就交喇...乜都未做... test 又未溫晒...
救命呀........

呢幾日發覺自己好少同朋友仔傾下偈去下街咁
係 24 號晚去左唱 k 咋,但係o個晚自己都呆呆地咁,可能唔舒服啦
o係度補番同人講生日快樂啦,諗住第二日唔打個電話都 send 個 msg 架
不過又唔記得左..哈.....

除左好似好多野做咁之外,懶都係一個好大 ge 原因....
不嬲都好少主動去搵人,就算係阿 joe 都冇咩點傾過電話呢.....
所以朋友仔們得閒打下俾我, msn hi 下我啦~~hee~~~!!

前日剪左頭髮.....都唔錯啦,算係咁啦~

朝早又唔知醒...又遲到....
好耐冇上過堂咁...唔係好知佢講咩...
之後食左個早餐就上三樓做 an chem report
做左好耐,,,到兩點半做 lab 都未做好...

個 lab 唔係好知點做.....又用 GC ....又唔識...
做做下見差唔多就走左去三樓做埋個 report
完左個 lab 就去 canteen 喇...
開頭諗住個場唔乾可以唔使打啦
點知又要打...真係好唔想打..真係好 tired ....

今晚要打晒五場,真係 tired 到爆....
第一場好似俾人禁住打咁,但係最後都贏到兩分...
第二場就打得唔係好開心...又對住讀美容o個幾個....
開頭都 head 住唔少分,但係到最後都係輸...
雖然係咁俾佢入我地都有責任,但係我地真係輸呢 d 咩?

我地輸 ge 係計分同計時 ge 人....唔好以為我睇唔到你冇 kit 分牌 !
開頭又話仲有三分鐘,打勁耐都仲有兩分鐘 ge ,仲要佢地唔超前都唔剩兩分鐘
好喇,仲有兩分鐘,拍幾下波又話夠鐘, last 5 秒又唔報時
係咪幫到咁出面呀 !
我地一隊咁講都可以話我地輸唔起
但係仲有兩隊都咁講又點呀,總之對親o個隊輸緊 ge 話, d 時間過得特別快 !

第三場都算係贏得幾輕鬆,但係自己就開始唔夠力....
幾次爆入去都唔夠力跳...炒埋...腳軟呀....
到左第四場,對手都唔知叫硬淨抑或茅...
左手同左腳都係呢場傷...仲要整到腳腕...又跛下跛下咁....
penny 同阿聰又打足咁多場,球証又唔識吹...最後呢場又輸左...
第五場我冇份打,都係輸左...
其實我真係想落場,但係佢地又叫我唔好打
坐o係一邊睇住自己隊波輸 ge 感覺一 d 都唔好受....
但係...邊個叫自己咁易傷丫...每次比賽都傷...

今日贏兩場輸三場,但係至少有一場我地係應該贏架囉
咁 ge 話我地應該有個第三架 !
個牌我又唔係好恨攞,但係咁樣冇左真係唔多開心 !!

成日都話要上 mgt ,但係開學咁耐都冇上過....
M. bio 又係廢 ge ,成堂都冇聽過書....
冇辦法...聽到佢把聲都唔想再聽落去....

其實今堂係掛住同阿聰傾偈....
因為見到 penny 部新電話--6680 真係好靚
所以忍唔住係咁講,當然仲有其他野啦
就係咁樣,咁又過左一堂喇...

之後就去左餵魚,餵完就去電腦室
諗住都要坐好耐,做下 an chem report 咁啦
但係又冇 data 喎....變左上網囉...
睇左個 web site,都幾得意架,主題係八十年代 d 屋村
有一 part 係 d movie 泥 ge ,其中一個真係好搞笑, click 去睇下啦
http://beta.idream-production.com/b17/tv/tv.php?url=b17_002_dball.swf&p=1

之後去左 canteen,坐左一陣就去沙田喇
一去到就去西田o個面食野,掛住o個間野 d 炒金邊粉呢~
不過今次就食左炒檬粉,冇上次咁好食,不過都 ok ge
食完就周圍行下,仲去左 UA 睇下有咩戲好睇,還掂有免費飛~
點知唔係唔 arm 睇就睇左...under world 又話星期六睇喎...
最後又係去左打機...

打完機坐左一陣又行過,仲過埋 ikea 度行添
一入到去就坐o係 sofa 唔肯行...真係好舒服~~~
其實每次行都差唔多,但總係會俾我地搵到 d 新野~
行到中間諗起一 d 問題,雖然係將來 ge 野
但係都要諗架喇....不過一諗到就頭痛...唉....


唔經唔覺又九個月~~~

朝早 bessie 堂又冇上,下次俾佢見到又鬧...
番去食完個早餐就做 lab,今次個 lab 係養魚......
開始唔係好知呢科 ge lab 想點...點解要養魚呢...
直接度 d ammonia 咪得囉....

今日不得不提一下我地個 bioreactor .....
上完 M. bio 去睇下個 temp.有冇升啦,點知....
一開蓋就見到勁多烏蠅仔o係入面飛泥飛去....壯觀....
但最噁心 ge 係...我地發現有 d 幼虫o係入面'爛'泥'爛'去....
好耐都冇見過 d 咁核酸 ge 野...睇到我係咁打冷震....

搞左好耐先殺左大部分 ge 虫(應該...)
之後又要上 enviro ge lec ...都唔敢問佢可以點做....
最後 hea 下又到五點半,之後溫書到七點幾就番屋企食飯 lu

今日約左人去睇極地雪犬~
原本就話放五點 ge ,但係三點鐘有人已經打泥話走得...
仲話要我半個鐘之內入到去添~
咁我用呢半個鐘買豆沙包去引多啦A夢出泥幫我好過啦...

去到 d 人已經番左屋企,咁就上去坐下啦
坐到六點就陪佢出去配 con 喇
點知配完已經六點十...我地睇七點四...
即係得番半個鐘食野....
極速食完就去睇戲喇,好彩仲趕得切 je ....

除左因為 d 雪橇得意之外,套戲都真係十分好睇~
好鐘意阿美呢,佢真係好叻呀,佢攞條繩俾個博士時真係好緊張架
仲有麥記又係好得人鐘意呢,又型喎~
套戲個節奏都幾快,有 d 位都好緊張,又有 d 感動位喎
又係一套令我睇到想喊 ge 戲~
十分我會俾九分呢,不過唔多唔少都係因為 d 狗~~

今日係阿 joe ge 生日,生日快樂呢~
不過晏晝你都唔係好快樂架喇,唔知夜晚又點呢~