話左今日要溫書 ge ,不過呢.......
係就係早起身喇,但係之後成個下晝都訓晒呢.....

到左下晝六點幾就剪左頭髮,不過都係修下 je~
剪完就染左個頭,不過應該都唔會有人睇到架喇...
一來自己染唔係好上色, 二來染 ge 係藍黑色~~

不過唔知做咩....洗左好多次頭都仲洗到 d 色出泥....
咁....會唔會洗洗下變番黑色呢.....
咁我咪即係 waste 左好多時間又 waste money......??
下次唔再買番呢隻牌子喇, 係咁甩色都算啦.....
仲要成晚都聞到 d chemical 味....

今朝一早就番左學校,因為要做番個 individual present 嘛
點知番到去淨係見到聰同 sammuel ,個 miss 就唔知去左邊...
等左幾個字,又去過佢 office ,咁等落去都唔係辨法
仲要食早餐同溫書嘛,所以番到課室留左幾個字就走喇

去到 canteen 食完野, 溫到十點半就入去送死喇
點知o係入面見到 ester 喎 , 開頭都好奇怪點解佢o係度
原來佢泥派帖請人去觀禮架~七月一佢就會o係沙田行禮~~
咁大個人都係第一次咋,真係好想去呢~~
不過聽到阿聰話要著 suit 去喎.....雖然 penny 話觀禮唔使著都得...
但係著左好似好 d 喎....尊重 d 個場合嘛....
唉....到時先算啦.....

之後皮蛋潘入到泥做下 revision 就開始 test 喇
NMR 照舊都係唔識....但係 thermal o個條數我都唔識計.....
諗住食硬佢架嘛..... 之後 electro d 數就仲白痴....
我竟然唔知個 S value 寫左o係第一頁...有幾條數因為咁計唔到......

test 完就上左三樓,仲幫人做 ana chem report 添
做完都四點鐘, 跟住就即刻出去荔枝角喇
五點過少少就去到喇,仲等左個幾字添,終於等到人出泥啦
點知.....??哼 ~~!!!!!
好難唔嬲囉, 咁對我.....!!! 不過又嬲得幾耐丫....
之後食左 d 野, 再行左去美孚坐左一陣就番屋企 lu

呢排唔知做咩個人成日都唔多舒服咁....
唔係頭痛就胃痛....都唔知咩事....

今日唔使返學,好閒呢~~
不過好早就起左身,可能慣左返學早起啦...
終都睇到想睇好耐 ge "The girl next door"
Elisha Cuthbert 真係超索呢~~唔止樣靚仲要身材正~~~
有幾幕非常誘人呢~~不過除左佢之外套戲都唔算話太好睇...

夜晚七點就去左旺角食飯,因為 taka E 生日嘛~生日快樂~~!!
開頭又話唔知去邊度食好,點知齊人時又話去元綠喎
好喇,去到元綠個個都話要買 mark 6 ,番到去又話去第二間....
咁走去 pizza hut 啦, 十個人食,冇番兩粒鐘都唔使旨意有得坐...
最後就去左間叫全日食 ge 野,同去打邊爐都冇咩分別...
仲要 d 野又唔係好食,坐又唔係特別舒服...仲要坐到好似分開坐咁...

食到咁上下就開始玩喇~最後仲玩到要咀壽星女添~~
錫手錫面都事小呀~有人仲要錫頸添呀~~
邊個錫呢~~?有 d 野~~整定 ge~~~!!

之後成班人就去左太子間 bar 喇, 又係呢度.....
不過有 d 人冇錢飲酒,唯有入去齋玩啦~~我都係其中一個...哈...
聰, quinn 同我三個玩大話式, 記數下次飲~~
一個就輸左五杯,一個就四杯半,我都係兩杯半 je~~~
玩到十二點我地兩個就要走先, 但係搭車前唔知邊個話要清左條數先走~
所以就去左 circle K 買酒飲喇~~

買左兩支 ice~但係支野好多氣,好難飲.....
飲左一杯就有 d 頂住個胃 ge 感覺....好彩我唔係飲得最多 je~
飲完之後就番左間 bar 度,因為飲完好急....
搞掂就去趕尾班車 lu~

呢個星期六同日都好得閒
冇去街呢,因為個人真係幾 tired .....
其實今日都冇咩野寫
係今日終於都醫番好前幾日啞左 ge 電腦
仲有星期五晚唔知做咩腫左 ge 右眼都冇咩事喇~
仲有仲有就係呢兩日又再沉迷於三國 ge 世界~~
仲有仲有仲有就係呢兩日o係 forum 睇到 ge 野~~~


第一樣: 呢個我覺得幾好笑~~~

>男：今晚妳想食乜野？
>女：是旦啦！！你話事
>男：食壽司好唔好？
>女：天寒地凍仲食Ｄ凍冰冰野．．．
>男：咁去打邊爐啦，天氣咁凍，打邊爐就最正
>女：我前兩日先打過，成日打好熱氣．．．
>
>男：咁去食泰國野或者韓國燒烤好唔好？？
>女：都話左熱氣啦，仲要我食呢Ｄ野，你有冇心聽我講野架．．．
>男：咁去POKKA好唔好？？ｏ個度ＤSET DINNER都幾好食（開始有Ｄ無奈）
>女：POKKA好多人，唔想排隊
>男：咁去"鋸排"好唔好？？
>女：唔想食咁多肉，好肥架．．
> 男：冇人叫妳食晒件"排"，或者妳叫碟意粉又或者其他野都得架
>女：咁咪即係叫我睇住你"鋸排"，我唔食你都唔準食．．．
>
>男：咁食台灣野好唔好？（有Ｄ火）
>女：台灣野好多油，好肥架（撒嬌狀）
>男：咁去食粥啦（已經開始"發悔氣"）
>女：天氣咁凍，食粥唔飽肚
>男：麥記"定"家鄉雞．．．行啦（江良才盡"發悔氣"，明顯已經唔想諗）
>女：都話熱氣落．．（委屈狀）
>男：咁不如妳話事啦，我唔想諗啦．．．
>女：我就係諗唔到食乜先叫你話事，你比Ｄ主見得唔得（發脾氣）
>
>男：唔係話熱氣，就話肥，我真係諗唔到仲有乜可以食（爆發了）
>女：咁係熱氣、係肥"呀嗎"．．我有講錯咩，自己諗唔到就亂發人脾氣（惡人先告狀)
>男：咁去"味千"食拉麵好唔好（死狗狀）
>女：唔．．都好，我要食咖哩拉麵／炸餃子
>仲要食雪糕（明顯係見好就收）
>男: (心諗) 你老味
>~神又你鬼又你~咖哩唔能熱氣、炸餃唔能熱氣、仲食雪糕凍能死你!

第二樣:

呢個係一個側田首情永落 ge MV
睇完我都問左自己一個問題....我究竟係睇緊一個 MV 丫....抑或...

http://www.youtube.com/watch?v=A7TTKsry78M

呢個惡魔一樣 ge 星期終於過去...
總結一下呢個星期 ge 行程----溫書,做英文present, 溫書,做英文present.....
好辛苦呀~~~~~~~~~!!!!!!!!!!

講完個總結之後就講下今日喇
今日又再好早咁番左學校, 為 ge 係兩樣野
一係今日英文要 present , 二係今日 ana chem 有個 test
對於我泥講, 個 present 比個 test 更難頂......
識我 ge 人...尤其係我中六七 ge 朋友仔都知咩事....
仲要我著 suit 喎....仲要成副武裝喎......tie 都打埋.......
特別鳴謝彭尼~~~~

呢個 present 自己都幾滿意,不過都仲係好緊張呢....
開頭兩個 gpmate pre o個時都冇野,到第三個時就開始緊張....
仲緊張到呢.......好急...真係好急....
但係又去唔到 toilet 喎...勁辛苦....
其實個 present 咪又係背番尋晚背 ge 野出泥....
不過咁都有個 C+ 呢,老實講都幾滿意架喇
原本 gp present 之後仲有個 individual ge
但係咁多組 pre 晒都十點半,要趕下半場 ana chem test
所以就改時間喇,最後仲改到下個星期五呢~
講起呢個 individual ge present, 真係要多謝 quinn quinn 呢~

今日呢個 test 可以話一 d 把握都冇
尋晚點幾鐘訓左,諗住訓一陣就身溫啦,點知....
起身 ge 時候已經係五點半.....即係話咩都冇溫過咁滯......
好彩之前睇過一份 notes,仲有 present 完思研教左我 d 野咋
不過佢竟然叫我做廣告個動作 !! 可惡 !!
anyway,佢唔教我真係做半粒鐘可以走人....
可惜丫,合唔合格都要睇皮蛋潘放唔放過我......

test 完之後就去 canteen 坐左一陣,跟住就上三樓幫手做野喇
做到三點幾終於都走得,再跟住就去食野
食飽左就番屋企訓......
訓到食飯就起身,食飽再訓....
豬一樣......