今日係番左 census 之後 ge 第二日假
而家睇番...都已經好耐冇泥打過日記 lu~~
番呢份工真係咩時間都冇晒....
晚晚都十一點幾先番到屋企,訓到第二朝又要番工.....
又 tired 喎...都冇心機打日記啦....

之前仲話要日日都跑步, 點知番左工之後....
日日都訓到勁晏...仲要又成日番工遲到添....仲點跑丫....
唯有等過左 census 之後, 八月睇下跑唔跑到啦....
不過呢排都好似瘦番少少咁~~good 呀~~!

講番今日先, 放假就梗係要抖下啦~
原本就諗住今日有時間死去o個"pat"野屋企打機
跟住就一齊番館 ge
點知尋晚欣欣話要我攞相機同 lab coat 俾佢喎
所以今日成個下晝都o係屋企 hea ....
五點幾就出左中環接人放工啦,跟住就出左去 cwb 度食野
又係食雲南米線,不過呢間好過旺角o個間
唔好講 d 野食丫,淨係坐都好過旺角o個間勁多啦~

食飽左就去行下街,行完實惠就過去皇室堡o個面啦
竟然見到間 hmv 喎, 不過就開左o係 ikea 上面....
仲以為 hmv 會從此o係 cwb 度消失添....
行左一陣就過番對面 m 記買 yogurt 食
跟住又行番去差唔多每次必到 ge ikea ......
今次去又有 d 唔同左, 又多左 d 新產品喎~
行到十點半左右就要走 lu, o係 welcome 買左 d 野就搭車走人喇
聽日又要番工.....仲有幾日捱呢....

好耐冇打過日記 lu ~~好懶呢~~
好似呢排 ge 開場白都係咁上下...哈....

而家係朝早 ge 10.30, arm arm 先番到屋企
因為要報個咩咩器械咩咩簡介會同埋跑步嘛~
今朝七點已經起身 lu, 因為好似好快滿額咁嘛
不過八點去到都係得兩三個人, 早知就訓多陣先啦...

報完名就去跑步喇, 開頭個 target 係跑 6k ge
不過跑跑下發覺都唔係好掂...
真係太耐冇乜做過運動喇....以前閒閒地都跑7k 8k .....
今日呢....哈....跑左 3k 左右已經頂唔順.....
得 target ge 一半呢.....
天氣熱, 太陽晒都唔可以係藉口...
唔認 d 體能差晒都唔得喇, 今日開始要 keep 番每日都跑
個 summer 完之要跑到 10k, 仲有要減番到 130  !!

跑完步就梗係要沖個涼啦,沖完之後就番屋企
點知行去搭車o個兩三分鐘又出到成身汗...
番到屋企又沖多次...今晚又沖...好似都未試過一日沖多過兩次涼呢...
今日真係熱到爆呀 !!!!!

尋晚去左曾健屋企一齊睇波
仲有 kevin, rex and quinn 呢
呢兩場波都真係睇得幾開心架~~
因為英格蘭輸波嘛~~冇錯~我係反英格蘭 ge ~~

睇完之後就去食早餐, 跟住就番屋企訓覺 lu
不過訓到不醒人事....連約左人打波都唔記得左......
放左你地飛機添....真係好對唔住呀....
我下次唔敢架啦~~

夜晚要幫阿媽去攞 d 野, 見到個好耐冇見 ge auntie
不過咁耐冇見 ge 第一句說話竟然係....
"差 d 唔認得你添, 好似肥左咁喎~" ...........
乜真係咁肥咩.......

原來都有成個禮拜冇寫日記 lu ~
好懶呀~~~
終於都考完個試~~鬆晒~~~!!
咁就可以晚安心睇波喇~~hee~~~

呢個 exam 又係考得唔係咁好
有幾科都唔知合唔合格...但係我都係考四科咋...
其實應該講全部都唔知合唔合格....哈....
俾 ge tips 有時都唔可以盡信...呢個 exam 就係最佳例子....
唉....補考又撞正返工...又要請假返去 reexam ....o個兩日假好寶貴架...
諗番轉頭, 今年都好似唔係讀書咁
o個日俾 robyn 咁話我, 真係幾慚愧...
下年 yr 3 唔可以再係咁落去,至少要訂下一個 test exam 全 pass ge 目標

講開目標, 呢個 summer 都有三個
第一個係要積極減肥~要回復番兩年前 ge 我~~
第二樣就係要做到港大個 animal lab, 雖然之前都 15/16 ....
冇 pay 又點, 講遠又唔及粉嶺咁遠
不過希望唔好好似之前聽 ge 咁, 日日番去幫 d 動物執臭臭啦....
第三樣就冇咁重要,就係要 kevin 教識我游水
就算唔叻至少都浸唔死先啦~