今日有人要返工, 得自己一個返學
真係好鬼懶... 自己一個人返就唔想起身...
最後返到去時都點左名, 早知就訓多半個鐘啦

十點半上 QA, 今日要上到點半鐘, 真係悶都悶死
之後過左柴灣食飽飯就踢波喇~~
都已經識左兩年幾, 都係第一次一齊踢咋
不過好晒, 加上又勁耐冇踢過...體能又唔掂喎..好差呢...
踢到四點幾就收工, 番學校沖涼喇
原本諗住沖個涼就去泳池浸下水啦, 點知又唔開喎
所以沖完就去左 library 訓覺, 差唔多夠鐘就出旺角喇

八點五就到左旺角, 今次比之前更快齊人, 不過都等左半粒鐘...
下次點都要遲番起碼三個字, 唔可以再咁蠢...
今晚食飯 ge 地方叫潮樓, d 野睇落好似好食咁, 但係得個樣..
不過食得夠都算好架喇, 還掂而家又唔可以食咁多...
食完走 ge 時候又影相, 感覺又點像那些自由行...
最後食完飯又去食糖水, 坐o係馬路邊食...又真係別有一番風味..
死氣喉味...

唔驚唔覺又到廿一號喇
原本今日都唔使番學 ge , 不過今日點都要陪下人 ge ~
今日阿堯過左泥柴灣, 仲諗住會一齊食飯添
點知等齊人佢同大隻豪又要走 lu

之後就過左去新翠度食飯喇
食完飯佢地就走先, 我地就去行下喇
不過個商場都冇野好行 ge , 都係o係 one2free 睇左一陣電話
見到部新機幾靚呢, SE 鏡面 ge 新機~

睇完差唔多四點就去睇戲喇
睇左想睇好耐 ge click, 開頭諗住係一套普通笑片
不過睇到最尾都幾 touching 架
跟住就再睇第二套喇, 冇錯, 一次過睇兩套戲
第二套就睇大丈夫2, 不過呢套就唔好睇 ge, 得頭半套係好笑 d

行下 jusco 就過左去太古城食飯
不過呢度都係唔多野揀, 最後就揀左間食飯 ge
點知買完之後先見到間食泰國野 ge ...太心急添...
好彩間野都唔算太差, 但係兩個都食唔晒, 早知叫一個就算啦...
食飽行多一陣都十點幾要番屋企 lu

太耐冇泥喇, 而家變到好懶寫日記添..哈....
今日 "day off", 因為得一個鐘o個隻 yoyo ge 堂, 所以...
未開學前話過今年一堂都唔走, 不過算啦而家~~

除左咁, 仲話過要減肥, 又話要跑到 10 k
而家一樣都做唔到添....
不過而家開始努力減緊架喇, 因為仲有唔夠一年時間俾我操 fit 自己
雖然暑假定落泥 ge 要而家先做, 都唔算遲 ge
書又要好好咁讀, 最後一年, 唔可以衰, 仲有機會入 U 架 !

呢個暑假都過得幾好, 番左兩份唔同 ge 工學左唔少野
有樣野好想要, 過多一排就知有冇喇~~
不過完暑假前都發生左件事, 令我好唔開心
我明白唔應該為 d 無謂人所講所做 ge 無謂野而唔開心
不過真係忍唔到, 就連聽到佢個名都覺得極度厭惡
主觀又好偏見又好, 有 d 人就係點都睇唔順眼, 請唔好嘗試去改變我 ge 睇法 !

最近好想買 sammi ge ultimate collection
不過未搵到 part time 前都唔可以亂使錢
好想令自己變得好忙好忙, 又或者係唔想自己孤獨一個啦
因為得番自己一個時, 總係會有好多野諗
有時諗起一 d 事又會令自己唔開心
明知諗起會唔開心 ge 事, 但係都冇辦法令自己唔去諗...
忙或者係一個幾好 ge 解決方法...

今朝執屋時搵番一封信, 再睇番時先發覺自己忘記左 d 野...
希望而家先記番起唔會太遲啦
即使我好似唔想理你, 但其實我地仲係朋友
即使我好似唔想同你傾偈, 都只係因為我太累
朋友就是朋友, 唔會因過去 ge 事而變

一個電話
不安, 不滿, 不快迅速填滿
是憤怒令我不能冷靜
事情總愛向壞方面想
一個接一個的電話,爆發了
然後, 我哭了

聽著電話筒的另一邊在數著
不安被自卑感取而代之
它再度重來, 輕易地戰勝了
少少的自信又再被活埋
戰鬥持續著, 但屢戰屢敗
屢敗,仍要屢戰

關,總算闖過了
但,成長了嗎
要變的實在太多
缺點真的那麼多
比不上的還要多
別人總有我所沒有
我所有的,更比我耀眼
我又怎能不介意
只因有個人我很在意

總覺得好 tired .....每日都唔想起身番工....
呢兩日都遲到....唔想咁...但係又堅持每日唔願起身....

今日有 OT 睇, 但係都冇咩特別
冇預期中咁血腥, 不過睇到佢鑿隻兔仔舊骨o個下時...
感覺好似自己俾人鑿咁...好痛...仲有 d 心寒.....
原本下晝仲有一個 OT 睇, 但係等到四點都冇....
原來已經做左囉....下次...?? 睇下仲有冇機會先啦.....
放工前發現左樣野, 呢排洗手多左...
手指頭多左幾條坑....俾人見到一定鬧死....
今日又準時放工, 仲有大把時間...........
去左圖書館 hea, hea 到夠鐘就番竹園喇

今晚肥張要我一齊操......好耐都冇試過玩到咁激...
多次 ge 集中訓練....最後成果係....發軟蹄...仲差 d 抽筋...
番到屋企對腳都仲係冇乜力咁....聽日仲要番工....shit .......

今晚吃了一整兜"又酸又甜" ge 芒果布丁~~
唔知幾時有椰汁西米露呢~


驟雨過後...
天, 轉晴了....
雨天只會帶來不安...
但求艷陽永遠高掛...