上次打日記時o係公司, 今日打日記又係o係公司
做野做到悶, 上網上到悶, 所以先打下日記
真係比以前懶左好多呢...

最近都係o個 d 咁 ge 生活
返學返工, 食飯訓覺....
好彩而家可以放二五, 錢係少左, 但係多番 d 自己時間~
講起份工, 今日 rex 又問起係做 d 咩
至今已經講左俾四個朋友知, 每個都話拆野幾好玩咁
究竟人係咪真係咁鐘意破壞架呢....
人, 還是性本惡.... but i like it~~!!!!

返學 ge 生活開始似番 d 樣
因為今日有第一個 test 喇
跟以往一樣都係夜晚先起身溫書
亦都跟以往一樣唔肯起身....
target 係三點, 最後係五點....
返到學校食完早餐, 時間已經唔夠 go through 晒所有野
但係我仲有時間訓左幾分鐘....
雖然個 test 竟然唔太難, 合格冇難度
但係我仲係咁懶...睇泥下年要入 U , 都冇乜機架喇..

今日又冇上堂 lu ~~~
不過算啦, 都係講 d 性病咁 je~~
食完早餐番到學校十一點半, 坐左一陣就入 library
聽到 hoto 講佢而家組 d 野
hoo~~有 d 慶幸俾佢地攞左個 topic 泥做~
仲有一 d 內部問題....願你個主保佑你啦~~

今日阿堯過左泥柴灣
咁耐冇見, 一齊食飯梗要食豪 d 啦~
好耐都冇o係學校鋸過扒 lu~今日終於有藉口喇~
食飽傾下偈打下機又要上去做 lab lu

點知上到去, 坐左差唔多成個鐘先話我地組做唔到
bessie 仲話乜冇人話你地知咩...
咪玩啦...又係你叫 rita 唔好打俾我地 ge ....
之後再 hea 到三點半就去搵 esther 喇
感覺上今日咩都冇做過..真係好 hea ....

過到 A block 等到四點, esther 終於出現....
佢 ge 第一句說話就係...."係喎,唔記得左添"....頂...!!
之後我地就開始講 FYP ge 野, 我地諗 ge 都 ban 晒
因為根本唔會夠時間做....
不過都好, 最後都有得俾我地揀, 不過聽落都唔易做...
anyway, 都好過不斷 repeat 咁做同一樣野 ge

期間收到 kennth 電話, 佢好想我快 d 番公司
原來係有好多野趕住今晚做起呢
但係點解我而家又咁得閒打日記 ge 呢~?
因為我番到泥佢都做左八成....玩咩....
都好, 咁我就可以 hea 喇~~ 又 hea....??

今日 rita 講左套戲名出泥
聽完個個都 R 爆頭~~
呢套戲而家仲未上 ge, 叫"亡女相心"~~
哈~~~得我一個估到佢講咩~~!!
超好笑呢~~都話英文好唔一定中文都好架啦~~~

n 多日都冇打過日記
今日得閒就打番篇啦~

最近都好忙, 早出晚歸......
一早起身就要番學, 放左學又要番工喎...
仲要番足一至六添...
雖然份工唔係話好辛苦, 不過就咩時間都冇晒...
夜晚番到屋企, 食 d 野沖個涼又要訓
第二朝又要番早喎, 真係打個日記 ge 時間都冇呀..

之前o個段時間 ge 日記都唔想打 lu
不過都想記低下發生過咩事~

上上個禮拜五(29號)番左大陸玩啦
今次係第一次同 d fd 番大陸, 亦都係第一次自願番去呢~
o個晚去左小肥羊, 真係好好食呀~~
之後又碌 ling ~~再之後就係重頭戲---揼骨~~
真係超過癮, 超舒服呢~~~

之後中秋晚就去左睇詹瑞文 ge 男人之虎
雖然 taka 話都唔係太好笑, 但係我就覺得唔錯丫
上半部真係笑死~ 下半部就比較悶
可能我冇咩深度啦, 唔係好識得反思佢當中 ge 意義
印象最深刻係章小蕙同秋生兩個角色~~
仲有就係 derekphobia 同用筷子食蛋糕喇~~哈~!

講番而家份工~~
雙十節第一日番工, 做 ge 野都可以話幾簡單
都係將 d sample 拆散晒就得喇, 度機都唔使做
雖然返工 d 時間都真係過得好快, 仲幾自由
但係都幾無聊架...因為暫時都可以話冇咩野學到...
希望遲 d 可以掉去 microbio o個面啦....
唉....用時間換取金錢...
神呀....請給我多一點時間.......

今晚約左以前中五 ge 同學仔食飯
其實諗住放五點半就o係學校 hea 又或者出去行下
但係今日個 lab 有 d 野未 prepare 好, 又唔使做~
等到五點半人地放左學就去左銅鑼灣喇

但係今日冇野做俾阿聰拉左去打波
所以行左冇幾耐都已經覺得好 tired 喇
o係 ikea 仲訓左o係人地張床度唔想起身添...
到左七點左右都係 hea 唔到落去, 跟住就番左屋企沖涼

點知攪攪下又遲左出門口, 但係我都唔係最遲一個~
今晚 total 有九個人出席, 有一半人都勁耐冇見呢~
雖然仲有一半都有 keep 住 contact, 但係都有兩三個月有見過 lu
不過咁耐冇見都仲有好多野講喎~
講番以前學校 ge 野, 真係好好笑~
又講下大家 ge 近況, 都有一半人已經做緊野呢
連前排話冇工番 ge 都搵到工喇, 不過佢份工...唔做好過啦...
雖然你 d 咁 ge 冗員唔做呢 d 工真係浪費左你~

食到十二點左右都係時候走 lu
個個第二日唔係要番工就番學~除左我~~~
今晚有人陪左我番葵涌, 唔係我迫你架~~
不過我都唔知咁快冇地鐵 ge ,算啦~得閒遊下車河都幾好丫~~

今日星期二, 應該係有兩個 tut 要上 ge
所以九點半就番杏花村一齊食早餐
食飽就去上堂啦, 仲要冇遲到架
到左課室之後, 一個人都冇...
代表 d 咩呢...冇錯..我又白痴左......!!
咁我今日即係番泥上個無聊 ge yolanda 堂....
呢堂又係上得半個鐘, 痴線架....都唔知佢係咪教書架...

落左堂搵番佢地時o係度玩緊 uno
賭注都幾大...輸左要插 c 眼架~~
下個禮拜就到我地 bt 喇, 都唔知會唔會係我要插添架..
玩到咁上下就去左 canteen 度坐
幾個人一齊 link 埋部 nds 泥玩好過癮呀~
到左三點半佢地就要做 lab, 得番自己一個人
等到佢地落泥食埋野都五點幾
終於有得游水 lu~!!

今次除左 quinn 同 kevin 之外, 仲有 rex 一齊游
不過仲係學緊點踩水, 所以佢地就成日留低我一個人...
初頭諗住唔會學好耐, 點知自己好怕浸親...
以前o係泳池點玩都唔驚, 而家就浮都唔太政...唉...
希望快 d 學識啦....