今日考 enviro ,同之前一樣都係諗住早 d 起身
不過都係訓到六點先醒呢.....
起身之後就番學校啦,番緊去時都已經驚考完走唔到架喇
因為個天 d 雲真係好黑,仲要冇帶遮添....

番到去食左個早餐, 見到 patrick 同佢傾左一陣同問左 d 野
其實都諗住o係 canteen 溫書架,不過坐o個個位好焗....
所以就自己一個入左 library 喇
十一點左右聽到有人話紅雨喎,都唔係好信架喇,出面得幾滴雨仔
點知過左一陣阿堯打個電話泥話紅雨喎,仲問使唔使考
呢個時候真係咩 mood 都冇晒~梗係指溫書 ge mood 啦~~

聽到呢個消息即刻打俾 patrick confirm 下啦
咁我就上天文台度睇下,點知前後都係幾分鐘,已經係黑雨 lu~
唔使考~~~yeah~~真係及時雨呀~~!!
不過都仲未走住, 幾個坐左o係 library 計數同傾偈
到左差唔多一點先至走呢

原本就諗住番屋企訓覺同睇碟 ge
不過有人唔多開心咁喎,咁咪搭車入去囉~
三點就入到去喇,o係樓下等左好耐先落泥喎...
咁跟住就去食野啦,食完野就去左租碟睇喇

今日睇左 jennifer aniston ge derailed
想睇好耐架喇,因為佢嘛~雖然佢已經三十幾 lu,但係仲好靚喎~
由以前睇 friends 開始已經覺得佢好靚架喇~~得呀~!!
不過套戲佢出場得好少呀,仲要後尾死埋添
其實都唔算太好睇,男主角 ge 懦弱仲令到人地唔想睇添~
而且個結局都冇咩特別,仲要係一早估到 ge...

睇完諗住一齊整沙律食,不過最後就過左元朗行街~
但係唔行得好耐,因為話左今晚番屋企食飯嘛
所以行到八點就要走 lu
好彩早 d 番咋,番到去冇幾耐就激大雨....如果唔係...

尋日約左阿聰今日番學校食早餐同溫書
但係夜晚 d 人又話唔食喇喎,唔知點解呢可????
咁又係,我咁微不足道~點同你個人地比丫~~

最後十一點先番到學校,直至十二點半食飯前都溫得唔錯
食完飯之後就番左 library 喇
不過呢,食完之後就唔係咁想溫喇,冇心機溫喎
點解....??知 ge 人就知啦,唔知 ge 都唔好問點解....
有 d 事唔需要記低o係呢道我都會記得一清二楚
不過你最好就記低佢啦,唔好再唔記得喇,知唔知~??
過左去 ge 野都唔提咁多喇....

到左四點就去左 canteen 食野,都仲見到 lily...
不過佢就o係度講緊電話,唔知同邊個傾得咁開心呢~哈~~
唔知 kevin 知唔知係邊個呢~~~
食完野番到入去都唔知自己溫 d 咩....
好多 notes...好多野都唔知使唔使記....

溫到七點幾就要走喇,因為約左兩個好冇見 ge 人呢~
o係地鐵站入面傾左一陣呢
不過有 d 野唔係好開心囉~竟然咁話我 !!!!!!!!
哼 !!! 呢個 summer 我一定會變番以前咁架 !!!!!!!
之後番到屋企都冇溫過書~
好眼訓呢,又十二點就訓左 lu

今日起身食完野都一點,跟住就番學校喇
番到去等埋 samuel 就去搵 miss present
我 present 完之後就到 samuel,但係佢地兩個都係咁講野....
老實講...我o個時真係好想走先.....
走之前俾人話我 lazy.....仲話我咁大個人都讀到咁....
好慚愧....但係我諗我自己都唔會有 d 咩改變....
又或者...我真係唔識諗...

之後 print 完 notes 就去 library 溫書
今晚溫到七點多 d 就走喇
d 人真係好嘈....
番到屋企八點幾屋企電話響,原來又係 d 咩調查
第一次幫人做 d 咁 ge 電話訪問,做做下會同佢吹水....
o個個人都真係好攪笑....


arm arm 睇完人地o係人地個 blog copy ge 日記
我只係睇左幾日已經唔想睇落去,雖然有人叫我睇....
因為我覺得好煩,佢寫 ge 野令我覺得好煩.....
仲有,我大概都知道佢講 d 咩....
有時 d 野,係咪真係需要咁擔心呢
要泥 ge 始終都會泥,無論你做左幾多 ge 預防工作
更何況擔心完都係要有 ge ,咁擔心泥咪又係多餘
咁 ge 話,不如做 d 預防工作啦,比起擔心太多來得實際
我是認真的 !!

人可以做 ge 野實在太多,與其用 d 時間去擔心一 d 控制唔到 ge 事
倒不如做 d 野令自己身體更健康,令自己冇咁易病仲好啦

只係發下牢騷 je ,我有壓力呀 !!

今日一早就番學校溫書,好眼訓呀....
但係唔早番又唔得喎...都未溫晒....

望住 d notes ...其實都唔係好明 ge...
不過好彩叫左阿 rex 早 d 番泥,冇佢教 ge 話真係死得...
溫到點半都仲有 d 唔係好識,不過都要入去考啦....

坐低就做左 MC 先,開頭幾條都唔係好難做 ge
但係越做諗 ge 野就越多,最後足足做左成個鐘....
到 d short quest 同 long quest 喇
有 d 同 d excerise ge 差唔多一樣 ge,靠佢地救命架~

不過 long quest 就揀錯左....
o個條 mass spect 睇落好易做架,點知做落勁難.....
最衰就係另一條我又識做,但係又冇時間俾我轉喎...灰爆...
得一半機會及格....希望過到啦...

考完就留低攞 form, 不過都未知幾時 interview
跟住去左 m 記食野,坐到五點就走人喇
去左 cwb 睇戲呢,諗住去 UA 睇海神號有飛唔使錢啦
點知去到佢先話呢套戲唔用得喎,咁咪唔睇囉
但係今日唔睇又唔知要到幾時先有時間喎,咁咪番去買飛囉
仲有成個鐘,咁就去左 TIMES 度行下,最後就去 pageone
睇睇下書原來都差唔多夠鐘,咁就去許留山買野飲喇

呢套戲真係幾好睇,成套戲都好緊湊
雖然得九十八分鐘,但係起碼有八十分鐘都好正
因為隻船好快就出事 lu~~
好耐都冇試過睇一套戲我係會跟住佢而做一 d 野
入面佢地成日都要潛水,我都跟住佢地一齊閉氣呢~
個故事係就係咩左 d ,不過真係好緊張呀~
highly recommend 架~~!!

今日要一早起身去黃埔, 因為要上 training course 嘛
點知又遲左出門口呢, 好彩轉左兩次車都唔使等 je~
最後仲早左三個字去到呢~唔使遲到~

由九點坐到一點, 都係望住個電視......
期間係咁望電話....真係好悶...到左十二點仲勁肚餓呢.....
開頭諗住要做 test 啦,點知睇完第一段片之後就話淨係做 excerise je
咁就更加冇心機睇 d 片啦......
睇住遲 d 要做訪問 ge form,成43 條咁多,都開始擔心到時俾人鬧...

到左一點就去食飯,要一個人食呢~
去左 m 記食野,食飽就坐左一陣先番去
但係食完野仲要做 d 咁悶 ge 野...真係差 d 訓著....
過左一陣就要做第二個 ex 喇
超級無聊.....竟然係要我對住另一份 form 照抄...簡直係侮辱我 ge 智慧 !!
好難先捱到五點鐘....跟住就番屋企溫書 lu....