又到聖誕~~又到聖誕~~~
今日朝早到晏晝都冇去街去留o係屋企~~
因為有人陪我o係屋企過嘛~~
訓到十二點幾就起身開始執下屋,又唔係大,好快就執完~

之後就去左接人同買夜晚整 ge 野
食下野又睇下碟咁,又一個下晝喇
今日睇五個撲水的少年,o係人地強烈推介之下終於都睇左
都真係幾好笑架,但係我一定唔會睇勁多次....

睇完就打下機,玩左 d mini games 都幾得意架
之後就自己一個人入左廚房整野食,第一次煮飯俾人食呢~~
其實三樣餸都唔係好難煮,但係就有好多 techniques 係我唔識呢
煮完出泥我就覺得唔係咁好食喇,又油又散又鹹....
不過第一次都算係咁啦~~

因為o係廚房煮得太耐喇,食完都好晏.....
食飽左就洗碗,仲要出去睇燈飾嘛.....
點知出到去都十點幾,去到聖誕村都係o係出面行左一陣影左幾張相
佢就已經乜燈都熄晒.....原來到十一點就會收...
唔知添...仲咁晏先出去.......
之後o係附近行下影下相,去到碼頭就搭船過尖咀喇
o係船上面咁 arm 到十二點,但係又冇得坐船邊喎,不過算啦~~
你鐘意嘛~~?我知你實鐘意 ge ,hee~~~~

去到尖咀就o係海旁行下,最後就坐低吹下海風傾下偈
到點幾鐘都要走喇,咁就去搵小巴搭啦,點知激多人.....
兩粒鐘都唔知上唔上到車呀...
咁就搭車去美孚轉車啦,番到去都已經三點幾 lu .....

今日係平安夜,不過係又點~?都唔會阻到我訓到晏一晏~~
訓醒左之後就打電話俾阿 joe ,睇戲嘛
但係今日咩日子丫,間間都勁多人.....
三點幾去到葵芳,見到o個條蛇餅...嘩...起碼都有成百人.....
好彩阿 joe o係荷理活買到飛,仲唔係好前添~

咁我就去左睇 J 小姐表演,但係都開始左成半個鐘 lu
影左 d 相咁啦,佢表緊 ge 時候仲見到佢細妹同佢個同學仔
咁就同佢傾下偈咁啦,到佢表演完又傾下影下相咁就出鑽石山喇
出到去 d 人又番左屋企,得我一個去書局睇書....好耐冇去呢~
大大話話都睇左成個鐘 d 人先泥,跟住就o係個無野好行 ge 荷理活行下喇
入左去機舖打左陣機,等齊人就去睇戲喇

今晚睇四眼雞丁,都真係幾唔錯,笑位都唔少,勁鐘意o個條魚呀,得意~~~
睇完就去左九龍城食野,唔知點解好想食泰國菜呢
叫左好多野食,仲食到好飽添,正~~~~!
食飽野之後就搭車過尖咀,但係有 d 人又走喎...
去到火車站阿堯打泥講左一陣,行到去海旁o個便都十二點 lu

見到皇后 d 朋友仔,一見到又叫我.........喎...不過都慣喇....
行左一陣再 join 埋佢另一個 best fd 就去食野
食完就去左搵阿堯,因為佢話要留個皇冠俾佢嘛
傾左一陣偈就走 lu

咁又過左一個平安夜喇,真係好平安呢~
點解咁講??
因為今日唔少人祝我今晚"平平安安"呢.......哈....

今日係本大爺 ge 廿二歲生日,過得真係好開心呢~
一早就見到兩份禮物,好 surprise 呀~~
我真係好鐘意架,不過我真係唔想你用咁多錢呢....

返到去做左個 speaking assessment,又同以前一樣....
做完就去左 canteen 食野,得我同阿聰兩個咋
因為其他人都出左去柴灣食野呢...

過左唔知幾耐佢地都返左泥,但係有 d 人就唔知去左邊囉
返泥 ge 時候就有蛋糕食喇
個樣都幾靚架,不過就真係有 d 似漢堡扒....
有人就話個 cake 甜左 d ,我就話唔係喇,係 "好甜" ~~~
佢地仲送左樣俾我呢,不過有人就唔多想見到佢~~hee~~!
其實我收唔到禮物都會開心架,只要有人陪我過就得架喇
我好易滿足架~

食完蛋糕就去上堂,上完就走 lu
我地就兩個人去左石澳,近嘛~個灘又靚喎~
之前就去左馬會買 mark six 同三T,睇下有冇多份生日禮物嘛
點知都係冇呢~~不過都預左~~

去到石澳我地就買左 d 野食同飲
傾下偈玩下咁,不過 d 海風都真係幾凍呢....
坐左唔係好耐就走 lu,凍嘛
跟住就o係附近行下,其實泥過咁多次都係第一次行
不過都冇咩特別 ge....但係就見到間幾特別 ge 士多~~~~!!

之後就坐番車出銅鑼灣食野,食左個唔係咁好食 ge 拉麵...
但係又可能只係我俾心情影響到 je ....
o個一刻真係覺得自己好冇用...很醜呢....

好耐都冇試過去買雪糕食喇.....
總覺得食番 d 甜野...我就會開心番 d ....

今日要早 d 返學校準備下下個禮拜個 test d 野
但係我又唔肯起身.....足足遲左成個鐘...
番到去 canteen 坐到三點半就上堂
落左堂又要番黃大仙上堂....

今堂要 present,其實都知架喇,不過冇理之嘛
我地係第一組,講o個時都發現到有 d 問題...不過都要講落去架啦...
望住咁多人,唔多唔少都有 d 緊張...
唉...又唔係 d 咩野....點解我呢樣野改極都改唔到架...
不過present 完o個一刻真係鬆晒

今堂好快就過左,之後就緊係落堂啦
去左商場諗住食雪糕啦,點知就收到阿霖個電話
聽o個時都已經知有事發生左,但係冇諗過咁快有第二個電話.....
仲要係咁 ge 聲...
收左線之後就梗係飛住咁去啦,好彩都冇咩事....

送左佢去搭車之後就打俾 joe
我真係太耐都冇搵過我 ge 好朋友喇...
就連發生左咁大件事我都唔知....
知道左件事之後真係幾擔心...
但係我知擔心泥都冇用..因為我根本就幫唔到手...
或者我要抽番 d 時間出泥俾番我 ge 朋友...