玩到朝早個個都訓晒,但係間屋咁"大"....
d床同sofa都已經俾佔用....
訓左一陣就俾人嘈醒....都算係訓掛....
之後傾下偈到八點零就去左飲茶,都未試過咁趕...
坐左半個鐘就要番去...個個都話要睇波...

睇睇下紅色暴雨呢... 不過到左下晝天氣又好好喎....
睇完又去左訓,不過點都訓唔到...

之後就出左去行左一陣,坐左一陣沙灘就去左食豆腐花
跟住番到去一陣就話去影相lu
因為eric要早走番去執行理呢...

影完就去買野夜晚燒野食,買完番去終於有得訓...
但係訓之前俾人影了幾張露毛照...shit....

訓左三個幾鐘就燒野食,食完又玩過...
不過今晚都係自己飲,冇份玩呢
你玩得開心我都會開心,但請記住你promise過我d咩囉

收到湘湘的電話,知道了一些事
過去的就由它過去,無論是人或事

過左一陣又去左沙灘坐,腳好痺.....
又再做了一些想做的事,但結果還是一樣...
有些事還是早點了斷好一點

番到去之後真係好想訓,但係某人又發癲....
好想俾佢見識下黑帶ge威力,幫佢"泠靜"下
總好過佢o係出面人地幫佢泠靜嘛~

最後都係訓唔著,出左去出面坐
傾左一陣就打牌,不過都唔係打左好耐...
一蚊換十三么,很抵呢~~

有些人睡著時是很可怕的.....
但我一定唔會將你列入black list ge~
只要你肯出屋外訓就冇問題架喇~

到左差唔多六點又再一次出左沙灘坐
真係好鐘意坐沙灘呢,一邊聽住海浪聲,一邊諗野
真係好舒服.....

作了一個決定,有d野可能一早就要做
但係而家先做,都未算遲丫
在我的生命中,朋友又少了一個呢...

呢兩晚你都問左我一個問題
第一個問題我都預左你實會問我
不過我真係唔太識答你
其實個答案我自己都唔係好知
只要你知道我係點諗ge咪得囉~
送你一首ekin ge舊歌......嘻~

至於第二個問題,我真係冇諗過
可能只會係一d好小ge事
不過真係發生ge話我都會覺得係好事呢
代表我地又可以更了解對方ge想法嘛
起碼我相信我同你會係咁~

今晚放左工,番屋企沖埋個涼join埋rex就入camp
有很多人呢,但比想像中少~好事呢~
人物有大佬,kevin,quinn,肥仔,聰,suki,viva,某人,雞翼,卡姐,阿峰,eric,penny,肥威,rex同我

入到去第一樣就係食飯,很餓呢...
之後就番去o個間豆腐潤咁大ge屋,真的很寬敞呢....

玩左一陣penny同肥威就入左泥
o係接佢地入泥ge期間去左沙灘,但係某人又阻住晒...
不過最後都做到我想做ge野,只不過個結果..

番到去佢地兩個已經坐左o係度
玩左幾個遊戲,其中一個叫仆XX家剷的,很好玩呢~
不斷咁飲,有點wing呢
不過我就好鐘意呢種感覺,wing wing地但未醉咁~
酒始終都係開心ge時候飲係最好ge~

一點eric都入埋泥,雨越下越大
為左接佢攪到成身都濕晒呢
不過再夜d又乜雨都冇,飄忽ge天氣....

玩到三點多走了出去傾偈,聽了別人的故事
除了為你感到悲傷之外,也不能說些什麼
之前還聽了一些酒後吐的真言
明白的,很多事我都知道,事情亦不是因她而起
聽後感到有點混亂...

傷害自己有何用呢,要打的便打
大不了咪ko左佢之後埋左佢囉,咁東堤又多個鬼故~

個HDD終於都番番泥
諗住可以有電腦用啦...點知d virus係就係冇左....
但係個windows都仲係有問題....

都唔知係咪聽晚真係可以整到ge....
唔得又唔知要等到幾時...

呢兩日都返工,又返返去中環做野.....
真係唔多想番去做....
但係...唔做...又去邊度搵份咁ge工丫...
人工又ok喎....而且又咁自由...

諗番起約左兩個人,但係考完咁耐都冇打俾佢地....
一個就考之前已經話要去食飯....
但係到而家都仲未去...對唔住呢....
可能又要下個禮拜喇....

另一個就話左要同佢去玩ge...
不過而家又要返工...得星期日放假...
希望你到時唔使番工啦,不過頭文字D我一定會去睇ge~

有點開心呢~因為一個電話~~
但亦都因為一個電話...唔知會點呢...哈....

有所謂嗎....??
事無不可對人言,是"人"呢~~

灰暗暗的雨天過後,晴天就會出現
黑暗過後,就是光明~~
只是...總覺得怪怪的...


怎麼辦....

考完之後ge日子真係過得好開心呢
睇左一場戲,想睇好耐架喇...真係好正...而且仲係....

星期四又出左去玩足一日,好耐都冇試過一班人玩得咁開心...

不過最開心ge都係尋日ge concert...好正...
可惜...有d事真係唔到我控制....
而家我...真係好怕...好怕會失去一個好朋友...
我唔知你點諗...但係我講ge都係真架...
晚上...我已經好耐冇試過咁苦惱...

我真係malasun左...我真係有d後悔做過ge野...
而家只係希望仲有機會俾我補救...

我還有機會嗎....你會給我嗎...

酒...可以給人無比勇氣....
但更會令人亂性...

向好的一面想嗎??
可恨我這個人總愛想壞的一面....

結果...過了今天便有分曉了...