家庭感情之中，最唔想睇到嘅應該係「不信任」。唔信任屋企人，就會互相猜忌，如果係咁，屋企人要住埋一齊嘅理由係咩?

今日早上5點幾，我又好似尋日咁比隻雀仔嘈醒，但係今日我爸早左出嚟，佢對一對佢個鬧鐘同個廳牆上面嘅鐘，佢發覺佢個鬧鐘行快左。

「嘿!個鐘行快左咁多嘅!...李振標...你死喇你，我今晚番嚟打x你!」佢吟吟沉沉咁講，但係我聽得一清二楚。我知我媽同細佬都會聽到...

我心諗，點解一定係話阿標!?標標佢都十二、三歲啦!仲點會玩埋lee d咁嘅嘢?我覺得我細佬平時已經比我哋話佢冇用已經好慘...而家仲要成日屈佢!o係 o個時我已經眼濕濕，因為阿標真係太無辜!

知後我媽頂佢唔順走到嚟話：「你唔好成日話要打個仔啦!佢而家一番到嚟得捐都搞部電腦啦，點會搞你個鐘吖!」

佢又話：「唔係佢，仲有邊個吖...時間好寶貴家嘛!」

之後我都走左出房話：「唉，隻雀好嘈!lee兩日比佢嘈醒!」

佢哋都話：「佢日日都係咁嘈ga啦!」

之後阿爸差唔多出門口，又o係到講o個鐘，我終於都出左聲：「個鐘壞左咪買囉!你寧願信個鐘都唔信個仔!」

我媽望住我...但係我只係望住我爸。我爸正係掛住閂門，咁就走左...

我希望佢會聽到我講嘅嘢，同埋用腦諗下，個仔點讀書唔叻，都唔會咁無聊囉!

之後我媽叫我去訓....我話：「隻雀真係好嘈...lee兩日搞到我訓唔到。」之後就再去訓。

冇耐，我細佬走出嚟去洗手間。我知道我哋講嘅嘢佢都應該已經聽到曬...可憐的標標...>.<

番到入房，隻嘢仲係咁嘈,就諗番頭先o個件事...「不信任」事件已經唔係第一次喇...第一次係明明對媽咪，lee次係我爸對細佬....明明就話可以同佢傾下計，可以輔導一下....細佬就真係難左d...

唉....