學何寶兒講：「人最大嘅問題係唔知自己有問題﹗」

我好想回佢一句：「我認同。好多人都有口話人冇人話自己。」亦即係佢本尊。

事原於今日食lunch, 我同佢行街，佢話見到個袋靚，我就覺得麻麻。我話個袋好成熟，佢話：「ada你都唔細啦﹗」我又唔抵得咁講：「我覺得佢好似二十五d人先會用。」或者我真係有d過份掛，呵呵呵。之後佢又話：「唔通二十歲人仲著hello kitty 衫咩？」

我話：「我冇咁講過喎…」

之後我哋照樣行街，諗住番公司之時推門出去，咁啱出面又有好多人逆方向咁入嚟，我冇留意佢對腳o係邊，就咁照行，但係我就唔小心踩到佢腳爭。

佢一出到去，就話：「你做咩踩我呀？」

我：「多人嘛…」

佢：「咁你即係覺得自己因為多人踩到人就唔洗講對唔住喇喎？」

我真係覺得佢好無謂，明知人哋都係唔小心，況且只指不過係踩到佢隻鞋，咁佢又做咩要咁執著？我冇理佢。

佢又係咁想我講對唔住，lee次我唔會再咁容易講，上次講左，我就覺得有d委屈!!所以今次，我唔講﹗

佢：「嗯？」係咁想我講!

我：「係掛...」

佢：「我諗你一定係好少朋友﹗」

lee個真係令我覺得有d興!我多唔多朋友又關你咩事?我都唔見得佢有好多朋友囉﹗如果真係人緣咁好，就唔洗個個都o係私底下講佢啦!收皮啦!

我都唔想同佢嘈喇，大家同事，而且我覺得咁樣好無聊，我應佢一句：「係呀。」

之後我就冇出聲，佢有佢傾電話!!

啱啱開msn睇下有邊個，就見到佢個名係---「冇x嘢呀﹗人最大嘅問題就係覺得自己冇問題﹗」

呵呵，我完全同意，不過我覺得唔啱你用喎!