雖說話「家丑不得外傳」，但係真係要講下!!因為有乜理由可以咁冇良心!(不過就係有d中學生就係咁樣咁乞人憎!)

尋日知道細佬學校比人勒索!!而且仲係200蚊!!雖然200蚊唔係咩大數目呀，但只係一個大一生!點可以勒索人哋ga!!而且勒索我細佬嘅人竟然係一位女仔!!!

事件嘅起原就係我細佬唔小心劃花左佢條裙，只係一條痕，跟住我細佬就比佢勒索要200蚊喇。

點解我哋會知呢~就係我媽o係無意中睇下佢個錢罌，結果睇到個錢罌少左200蚊。媽一問之下，我細佬就比我媽嚇到喊…=.=(冇計啦~我媽講嘢太大聲，係人都怕左佢啦，何況我lee個冇乜膽又唔夠勇嘅細佬呢~)

晚上，我哋全家討論lee件事，希望可以幫到阿標，亦都希望lee個女同學得到懲罰!所以決定放上線釣大魚!之前嘅兩次勒索(每次一百蚊)冇証冇據，抹左佢先，如果有下次，我哋就會通知學校，再嚴重d決定報警!!

少少嬲嘅係,細佬唔講我哋知佢發生咩事,比人咁住住佢嚟蝦!

最興嘅係o個女仔原來係咁差!!唔只留班，留班都係小事,比心機讀書就冇問題,至慘係係壞學生=.=我叫細佬講一次佢叫細佬賠錢嘅o個句說話，細佬：「你唔賠錢我就打x柒你!」聽完真係火都嚟埋!!咩人嚟ga!!以自己大過標標一年就串到咁樣!!囂到死!!難怪細佬唔贊成話比老師知~佢怕比個女仔復仇!!

因為明明都係同校，睇下幫唔幫到標標啦!釣左大魚之後，叫人幫手睇住下佢，等佢唔好比人蝦就好。唉…

佢細個o個時都叫媽帶去學下功夫呀、跆拳呀o個d ga啦~都明知佢「林」啫啫呀，比佢學下lee d等佢做人惡d吖嘛!唉…不過都好難講ga喇~~本身我都似係比人恰o個個，點教佢吖~(灰)

將不法之徒繩之於法!!!!!!!