講真…每一日都係咁番工、放工，真係冇咩好講。但係今日我番到屋企放低個包包，我細佬就叫我。

佢話：「家姐，你見到唔好嚇親喎。」佢掩住下巴

我都不以為然，哦左一聲，以為佢都係可能撞親下啦，點知一睇…唔止嚇…仲係好驚，點解我細佬會搞成咁，好好哋嘅肥嘟嘟樣搞到一邊下巴斜左落嚟咁!!!有相為証。

事情係話，唔知我我細佬轉堂定小息時落樓梯，從後有個人捱佢落去，結果就搞到咁。而家就有標標嘅3個同學指証O個條友，件事交左比訓導處。

O個條友係唔係冇腦GA?而家都話瘀左，可能第時冇事唧，如果我細佬有咩事，邊個負責?你負唔負責得起??聽日，媽就可能去學校到同校長講番LEE件事，希望O個條友得到懲罰囉!!!條友嘅家長一定要嚟囉。

見到我細佬咁，真係好心痛，佢肉痛，但係睇住佢大嘅家人都一樣咁痛…

而家佢下巴瘀之餘仲好腫，腫到個下巴好似「咩」左一邊咁…我叫我妹聽日放學同佢去醫院CHECK，如果佢下巴D骨有咩事，我哋可能會報警。

今日嘅希望係：標標唔好再比人蝦…下巴快D好番。