一朝早我細佬間學校就打電話嚟，就話搵我媽，我媽唔o係到，咁我就話我係佢家姐。

原來想講番我細佬畫花左人哋條裙，之後比o個條女勒索200蚊。

但係個老師話個女仔只係講左話要20蚊，唔係200蚊。而細佬又同時轉口風話唔記得左係20蚊定200蚊，總之就係2字頭﹗

興q死我呀!咁即係而家口同鼻拗啦﹗咁即係冇嘢講啦?我話，咁個女仔有咩處分？個老師只係講左個女仔比番20蚊佢。咁樣叫處分呀?話下佢就算數?lee間學校都幾好嘢!

我話lee件事涉及恐嚇，佢又話個細佬冇講同埋個女仔都冇講，咩都要講証據!咁即係又係o個句!口同鼻拗!

我叫佢管好d學生，佢又話雙方都有責任。佢都痴線!我細佬比人哋嚇到傻左咁樣，仲會識得咩叫拒絕咩?比在佢比d惡人恐嚇，咁佢唔會即刻反應到?

冇d交帶嘅學校…查查查…查嚟查去又係得個桔﹗