尋日十二點幾就見阿冰on左msn~問佢做咩咁早啦，佢話十點幾已經起左，原因當然係因為有客到啦~

大陸嘅親戚---堂兄、堂弟妹都嚟左香港玩兩日~當然唔少得佢哋阿媽=.=

佢哋前日就去左表姑媽到，一聽就知佢哋悶到嘔…扮曬高尚住宅咁，其實就交通唔好、行又冇得行嘅狹窄地方…=.=

佢哋終於o係4點5點，終於都到左屋企…(阿冰之前等到興=.=之後出左街)等到我放工，就去漢陽苑食dinner~佢哋起初都唔識點食，之後見我出去攞嘢食，掉曬d嘢落個板到係咁燒，之後佢哋先跟住燒。

初初我掉嘢落去燒得嚇親鵬標呀~「咋」一聲咁，佢嚇到彈起左。錦鈴叫大哥去拎熟菜，大哥拎左打邊爐嘅未熟嘅菜~搞到d大人見到都係咁話唔應該攞生嘅菜〝吱吱咋咋」咁，搞到大哥好鬼瘀~大哥的尊嚴散曬~呵呵呵

之後食完就同佢哋去行下啦~因為姑媽到都冇嘢行=.=手信又冇買到…行左間運動家，d鞋開倉價，鵬標買左對鞋~之後同大哥同衍標去左sasa到買香水比佢哋個女朋友~本身睇仲一支幾清香~不過個價就一d都唔清，400幾蚊=.=之後先再揀過一支百幾蚊嘅就算。冇計啦~學生一名，又未做過嘢，係咁ga喇…

本身如果有時間真係想同佢哋去睇下戲或者唱下k…但係佢哋要搵姑媽到拎行李，今日上8:30早車番去=.=原因係…衍標大專放榜，要見真人…