中文說話，講淨20秒...
冇計啦，我太緊張，冇臉紅已經算係好了不起~

中史睇片，miss講六四講到好似喊咁~
而且又話比我地揀聽日測定今日測，點知得2個人舉手話今日測。
都唔知灰熊舉乜手，今日測你咪唔合格，例牌啦~
之前測驗，miss話仲有咩要測，佢即刻答左出黎，周忠叫佢唔好講，佢即刻好惡同周忠講，『做咩唔好講，我有溫架~』
點知測出黎，周忠冇溫都寫得多野過佢，d分仲要高過佢~
咁不如聽日測仲好，拎多幾分，至少可能會過廿分先啦~

宗教堂又睇片，肯定宗教教唔晒，之前我問佢教唔教得晒，佢話放完假番到黎個2堂會教晒去，今日同聽日又睇戲，咁姐係教唔晒啦~
我依家先富貴都係那那地，睇黎世雄講ga『2個家姐之後生ga仔必係那』ga理論係啱~

本來傻強話要去大快活食，但我話費事同d渣滓一齊食，所以我話去吉野家食。
同佢講左好耐先聽我講，冇計啦，我同佢係一間房上堂都覺得唔舒服，難得出黎食飯，我唔想同佢係一個空間~

臨落番黎果陣，傻強本來想講威子係我大佬，講左『斜佬係我大佬』囉，即刻笑 XD

譚磊明冇啦啦讚我，話我網上果個做得好，佢仲話有3個練習做得特別好，佢一路講，我一路笑囉~
我全部都係撞，咁你姐係話我撞得好姐?

英文堂成班人癲晒，有人係咁飛卡，仲有個渣滓扮鸚鵡係度叫。
傻強飛張卡出去，唔知點解成班人見到晒囉~

聽日最後一日番學，中文唔駛上，gd~
諗住聽日叫埋世雄上去食，點知午膳又要附加數，真係好心彪叔琴日放學一次過測晒去啦，今日午膳派卷咪仲好，唔駛又要晒聽日ga午膳時間。
琴日又要收左去唔測，自己又唔係去逗利是，又唔係派利是，都唔知做咩唔測，唔係貪果度d野食丫~
唉~
不過聽日係最後一日上堂，有咩野可以玩，可以講丫~
好想聽日玩癲佢丫~