琴日真係好玩，而且我仲見識左好多野。

琴日我同榮爺、咸濕佬去靚仔二號屋企。我地一落車，就有d雨粉。靚仔二號話感覺唔到，唔知係咪個天要比佢感覺下，就即刻落好大雨囉，搞到我地衝去14樓避雨。之後靚仔二號問我借電話打番屋企，佢話屋企有人，唔去得住。我地唯有周圍逛，施下d時間。當我地行入數碼天地，可能地下滑，搞到我失平衡，我都算係醒啦，左右腳好似溜冰d人咁，不停用腳踭擦地面，令自己唔跌落地面住，隻手就不停周圍fing，睇下有冇野比我捉住，點知周圍乜都冇，咁我就『啪』一聲跌落個地度。我明明同靚仔二號行得好近，但我跌個陣又乜都捉唔到，都唔知係咪佢係咪知我就黎跌，所以專登行快幾步。不過好彩我跌得多，有經驗，所以我用最紮實ga肌肉去承受跌落黎ga力度，如果唔係，盆骨都斷。

去到靚仔二號屋企，間屋可以足夠我地每一個人打發時間。靚仔二號玩電腦，咸濕佬打ps2，榮爺打psp，我就係度睇漫畫。果度勁多漫畫囉，起碼有成10套，我諗佢起碼用左至少$1500係d漫畫度。佢屋企仲要有好多高達，屋企咁多野消閒，一日24小時都肯定唔夠用。之後去靚仔二號ga另一間屋企，坐一陣咁，就成班人落去買餸，見佢地買得頭頭是道咁，就知佢地買慣餸。唉~見到佢地咁，搞到我好自卑=.=

當我地搞掂曬野，開得餐。靚仔一號話有重要野講，我地靜曬落黎比佢講。『今日係我地晚會舉行ga日子...』未講完，榮爺就問『做乜果碗咁污穢?』靚仔一號叫佢收聲，仲叫我地唔好插嘴。話口未完『食得，開蓋先~』今次係性神講。搞左一陣，先開得餐。打火煱果陣，我同max、榮爺、世雄同性神5個人一個爐，另外5個用一個爐。我地落勁多牛肉落去，靚仔一號見到，就即刻過黎夾，性聖見到就即刻夾條腸比佢，唔知係咪有心定專登，條腸咁啱落正靚仔一號隻手指度，熱度佢一時之間唔敢過黎夾。

食完之後玩鋤d，要計錢，$0.1一隻, 炒10隻以上double計~ 一開頭係max、伍才、榮爺同富豪玩。玩玩下，富豪走左去打機仲話代佢ga人贏輸都入佢ga數。咁『jack』數ga野，邊到會吸引唔到人黎玩丫?我都唔例外，我代富豪玩左2局，贏曬。靘仔二號玩左幾局，幾局都炒，令到富豪包尾。經住到南韓農民代，局局都炒成十幾隻，冇喇冇喇，天注定你冇得番生喇。富豪見到咁，卜3即刻話羸輸都由果個人負責，南韓農民即刻話唔玩囉，仲要係派完牌睇曬先話唔玩囉，真係有冇搞錯丫!玩到9點半，性聖話唔玩，叫我代佢玩，d數都比埋我。正喇，佢仲要贏緊，我只要保持呢個勢就ok，咁我就唔會係輸個果。點知一落到埸，有幾局都羸左，唔係羸ga，都只係輸6隻以下度。玩左一陣，世雄話代我玩，仲話佢輸會比番d錢我，我比佢玩，經住我就走左去玩飛行棋。10點鍾走人，鎚大d個度結帳，估唔到世雄真係將左ga錢還番比我囉，估唔到佢咁好人。唔似d人，一聽到要佢比錢，就話唔玩。最慘富豪，唔夠錢還，要追靚仔二號幫佢比錢。番到屋企沖個涼，睇左一陣係靚仔二號借番黎ga漫畫就訓。

今日起身有d累，可能係琴日夜訓。所以我冇乜心機溫書，偏偏阿媽又要我溫書。冇計喇，唯有佢走開果陣就上網，佢走個黎就熄『芒』，打開本地理書扮溫書，估唔到上電腦堂ga野都可以搬番黎屋企用=.= 之後就落左去銅鑼灣搞身份證。

話我成日唔打日記，我依家一次過打曬2篇日記出黎，滿意喇?你知唔知我打左幾耐?至少打左3粒鍾，又驚你睇得唔開心，我用詞都用得好小心。你叫我打日記，我就即刻打比你。你話教我睇怪獸字，到依家都仲未教囉，點計先?唔好成日抄曬傻，話唔記得就算喎~你呢幾日唔好比我見到你on icq，如果唔係我實轟炸你部機!仲有呀，你呢排出街小心d丫，因住個天送舊鋁窗框比你做人生最後一份禮物丫!