琴日上個學習社群做李太果測驗，close左. . . 到今日去，竟然開番. . . 真係神奇。做緊個計時ga測驗，無啦啦同我終止左佢，仲要係我連題目都未睇，姐係一條都未做，咁就同我終止左，得三次機會做咋。搞到我之後兩次都搏悶老命做，都攞唔足100. . .

都唔知點解今日冇乜日黎補英文，係因為考完試，冇曬壓力，搞到d病一次過谷曬出黎丫~定係咁啱家有要事，所以黎唔到丫~所以得我、Max同豐哥補。不過補ga地區要裝修，搞到我地用左差唔多30分鍾去搵另一個補課地點。之後佢見到舊雲，就問我地有冇讀地理。我地話有，之後佢就講舊雲ga形成，佢之後仲同我地講呢d題目係會考經常出ga題目，但佢見到我地聽得咁呆滯，就問我係咪未教，豐哥就答佢可能未教到。唉~ 唔通同佢講話學校果阿sir廢到連呢d咁簡單ga野都冇同我地講咩!!而且我覺得佢好勁，佢幫個女補補地理，佢個女今年會考地理就攞B。今年暑假真係要搵人幫我補地理，我呢幾日睇番本地理書，冇人同我講，得我自己一個睇，都唔知會唔會出錯。我諗住搵幫我補英文ga阿sir幫我補地理，佢仲要冇教過地理，但係就可以教到佢個女攞個B番黎。我比個有教過地理ga阿sir教，我諗會考攞個D番黎都成問題. . .